مختلف حادثات میں معمر شخص سمیت 6افراد زندگی کی بازی ہارگئے
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر ) شہر کے مختلف علا قوں میں حادثات واقعات میں معمر شخص سمیت 6افراد جاںبحق ہوگئے دیگر واقعات میں 3 افراد زخمی ہوئے ۔ تفصیلات کے مطابق پی آئی بی کالونی مکرانی مسجد مکان نمبر SV_22 گھر میں فائرنگ سے 32سالہ یاسر سینے پر گولی لگنے سے جاںبحق ہوگیا ،متوفی کی لاش کو قانونی کاروائی کے لیے عباسی شہید اسپتال منتقل کیا گیا ، پولیس کے مطابق واقعہ خود کشی کا شاخسانہ معلوم ہوتا ہے۔اس طرح بلدیہ اسپارکو روڈ نذد ایدھی قبرستان کے قریب ٹرالر کی زد میں اکر 35 سالہ محمد قاسم ولد محمد یعقوب جابحق ہوگیا ، متوفی کسی سرکاری ادارے سے تعلق رکھتا ہے ۔ پاکستان بازار تھانے کی حدود اورنگی ٹاؤن گلشن بہار نذد قبرستان روڈ پر تیز رفتار ٹینکر کی ٹکر سے 60 سالہ شخص جابحق ہوگیا ۔ گلستان جوہر بلاک 2 ٹریفک حادثے میں ایک شخص جاں بحق ہوگیا متوفی کی لاش کو قانونی کاروائی کے لیے جناح ہسپتال منتقل کر دیا گیا۔کورنگی انڈسٹریل ایریا میں تیز رفتار گاڑی کی ٹکر سے ایک شخص جاںبحق ہوگیا ، متوفی کی تاحال شناخت نہ ہوسکی ۔ جبکہ ایئر پورٹ وائر لیس گیٹ کے قریب ریلوے ٹریک پر ٹرین کی زد میں اکر 57سالہ فیصل ولد محمد حیات نامی شخص جاں بحق ہوا ۔جاں بحق ہونے والے شخص کی لاش کو جناح ہسپتال منتقل کیا جارہا ہے۔ بفر زون سے یو پی جاتے ہوئے ناگن پل سے گر کر 65 سالہ شخص جابحق ہوگیا ۔لیاقت آباد بی ون ایریا70 سالہ محمد یاسین کی لاش ملی ، متوفی کی لاش کو قانونی کاروائی کے لیے اسپتال منتقل کر دیا گیا۔ دوسری جانب جمشید کواٹر تھانے کی حدود پٹیل پاڑا فاطمہ بائی اسپتال پوسٹ آفس کے پیچھے گولی لگنے سے 40 سالہ چوکیدار جاوید ولد نعمت اللہ زخمی ہوا ۔ مومن آباد تھانے کی حدو اورنگی ٹاون سیکٹر نمبر 4ایف نذد بسمہ اللہ کالونی میں ہوائی فائرنگ سے 16سالہ ارباز ولد گل محمد زخم ہوگیا ۔
ذریعہ
ذریعہ: Jasarat News
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار