پاکستان اور سعودی عرب نے اقتصادی تعاون کا فریم ورک لانچ کرنےکا اعلان کردیا
اشاعت کی تاریخ: 28th, October 2025 GMT
پاکستان اور سعودی عرب نے اقتصادی تعاون کا فریم ورک لانچ کرنےکا اعلان کردیا ہے۔ریاض میں وزیراعظم شہباز شریف اور سعودی ولی عہد محمد بن سلمان کی ملاقات ہوئی جس کا مشترکہ اعلامیہ جاری کردیا گیا۔دفترخارجہ کے مطابق پاکستان اور سعودی عرب نے اقتصادی تعاون کا فریم ورک لانچ کرنےکا اعلان کیا ہے۔دفترخارجہ کے مطابق دونوں ممالک کے درمیان تاریخی شراکت داری کو مزید مضبوط بنانے پر اتفاق ہوا ہے۔دفترخارجہ کا کہنا ہے کہ فریم ورک کے تحت اقتصادی، تجارتی، سرمایہ کاری اور ترقیاتی منصوبوں پربات چیت ہوگی۔ توانائی،صنعت،کان کنی،آئی ٹی، سیاحت، زراعت اور فوڈ سکیورٹی ترجیحی شعبے قرار دیےگئے ہیں۔دفتر خارجہ کے مطابق دونوں ممالک کے درمیان بجلی کی ترسیل کے منصوبے پر مفاہمتی یادداشت پر دستخط کی تیاری جاری ہے۔ توانائی کے شعبے میں تعاون کے لیے مفاہمتی یادداشت پر بھی کام جاری ہے۔دفتر خارجہ کے مطابق اعلامیے میں کہا گیا ہے کہ دونوں ملک پائیدار شراکت داری کےقیام کےخواہاں ہیں۔ سعودی عرب اور پاکستان کے قائدین اعلیٰ سطح سپریم کوآرڈینیشن کونسل کے اجلاس کے منتظر ہیں۔
.ذریعہ: Nawaiwaqt
پڑھیں:
سعودی عرب اور پاکستان کے مابین اقتصادی تعاون کے نئے دور کا آغاز
سعودی عرب اور پاکستان نے تاریخی شراکت داری کے تسلسل میں اقتصادی تعاون کے ایک نئے فریم ورک کا باضابطہ آغاز کردیا ہے۔
یہ اعلان ریاض میں وزیرِاعظم پاکستان شہباز شریف اور سعودی ولی عہد ووزیراعظم شہزادہ محمد بن سلمان کے درمیان ملاقات کے بعد مشترکہ بیان میں کیا گیا۔
یہ بھی پڑھیں:
سعودی وزارتِ خارجہ کے بیان کے مطابق، دونوں ممالک نے تعلقات کو باہمی مفاد، تجارتی تبادلوں اور سرمایہ کاری کے فروغ کی بنیاد پر مزید مستحکم بنانے کے عزم کا اظہار کیا ہے۔
نئے فریم ورک کے تحت توانائی، معدنیات، انفارمیشن ٹیکنالوجی، زراعت، خوراک، تجارت، سرمایہ کاری اور ترقیاتی منصوبوں میں اشتراک بڑھانے پر اتفاق ہوا۔
دونوں ممالک متعدد منصوبوں پر کام کر رہے ہیں، جن میں بجلی کے تبادلے اور توانائی کے شعبے میں تعاون کی مفاہمتی یادداشتوں پر دستخط شامل ہیں۔
مزید پڑھیں:
سعودی عرب اور پاکستان نے اس بات پر زور دیا کہ شراکت داری کو دیرپا بنیادوں پر استوار کیا جائے تاکہ دونوں برادر ممالک اور ان کی عوام کے مشترکہ مفادات کو بہتر طور پر فروغ دیا جا سکے۔
بیان میں اس امید کا اظہار بھی کیا گیا کہ جلد ہی سعودی پاک سپریم کوآرڈی نیشن کونسل کا اجلاس منعقد ہوگا، جس میں مشترکہ منصوبوں کی پیش رفت کا جائزہ اور مزید تعاون کے اقدامات طے کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انفارمیشن ٹیکنالوجی بجلی پاکستان توانائی سپریم کوآرڈی نیشن کونسل سعودی عرب سعودی وزارت خارجہ فریم ورک
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی