خیبر پختون خوا میں مختصر کابینہ تشکیل دینے کا فیصلہ ، سینیٹ الیکشن کے بعد حتمی اعلان متوقع
اشاعت کی تاریخ: 28th, October 2025 GMT
پاکستان تحریکِ انصاف کی پارلیمانی کمیٹی نے خیبر پختون خوا میں مختصر کابینہ تشکیل دینے کا فیصلہ کر لیا ہے۔ وزیرِ اعلیٰ سہیل آفریدی کی زیرِ صدارت ہونے والے اجلاس میں اراکینِ اسمبلی اور اسپیکر نے بھی شرکت کی، جہاں سینیٹ الیکشن اور صوبائی کابینہ کی تشکیل پر تفصیلی مشاورت ہوئی۔
ذرائع کے مطابق اجلاس میں اتفاق رائے ہوا کہ فی الحال ایک محدود یعنی 8 سے 10 وزرا پر مشتمل کابینہ بنائی جائے گی۔ یہ فیصلہ پارٹی کے بانی چیئرمین کی ہدایت پر کیا گیا ہے، جنہوں نے مختصر مگر مؤثر ٹیم کے ساتھ حکومت چلانے کی تجویز دی تھی۔
اطلاعات کے مطابق 30 اکتوبر کو سینیٹ انتخابات کے انعقاد کے بعد کابینہ کے اراکین کا باضابطہ اعلان کیا جائے گا۔ پارٹی ذرائع کا کہنا ہے کہ سینیٹ الیکشن سے قبل کابینہ تشکیل دینے سے ارکان میں ناراضی یا اختلافات پیدا ہو سکتے تھے، لہٰذا فیصلہ کیا گیا ہے کہ الیکشن مکمل ہونے کے بعد ہی حتمی ناموں کا اعلان کیا جائے۔
ذرائع کے مطابق وزیراعلیٰ سہیل آفریدی نے اجلاس میں واضح کیا کہ بانی چیئرمین سے ملاقات کے بعد کابینہ میں توسیع اور ناموں کی فہرست کو حتمی شکل دی جائے گی۔ انہوں نے شرکا سے گفتگو کرتے ہوئے کہا کہ “ہم پارٹی قیادت کے مشورے کے مطابق ہی آگے بڑھیں گے، تاکہ حکومت مضبوط بنیادوں پر استوار ہو سکے۔”
ذرائع نے بتایا کہ وزیراعلیٰ سہیل آفریدی نے حلف اٹھانے کے بعد بانی چیئرمین سے تین بار ملاقات کی کوشش کی تھی، تاہم سیکیورٹی اور مصروفیات کے باعث یہ ملاقاتیں ممکن نہ ہو سکیں۔ اب جب کہ بانی چیئرمین کی جانب سے گرین سگنل مل گیا ہے، تو مختصر کابینہ کی تشکیل کا عمل آئندہ چند روز میں شروع کر دیا جائے گا۔
یہ فیصلہ نہ صرف سیاسی درجہ حرارت میں کمی لانے کی کوشش ہے بلکہ اس کا مقصد آئندہ سینیٹ انتخابات سے قبل پارٹی صفوں میں اتحاد برقرار رکھنا بھی بتایا جا رہا ہے۔
ذریعہ
ذریعہ: Daily Mumtaz
کلیدی لفظ: بانی چیئرمین کے مطابق کے بعد
پڑھیں:
دعا گو ہیں جنگ کے خاتمے کیلئے فیلڈ مارشل کی کوششیں کامیاب ہوں، بلاول بھٹو
فوٹو: اسکرین گریب۔جیو نیوزچیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ دعا گو ہیں کہ جنگ کے خاتمے کےلیے فیلڈ مارشل کی کوششیں کامیاب ہوں۔
اسکردو میں پی پی پی کے جلسے سے خطاب میں بلاول بھٹو زرداری نے کہا کہ پچھلے الیکشن میں گلگت بلتستان کا دورہ کیا، جی بی کے اضلاع میں جتنا میں آیا ہوں اتنا کوئی اور سیاستدان نہیں آیا۔
انہوں نے کہا کہ ایران میں خامنہ ای کو شہید کیا گیا، ان حالات میں یہاں انتخابی مہم چلانا مناسب نہیں سمجھا۔
پی پی چیئرمین نے مزید کہا کہ دعا گو ہیں جنگ کے خاتمے کےلیے فیلڈ مارشل کی کوششیں کامیاب ہوں۔ امن کوششیں کامیاب ہونا ضروری ہے، ایران کے ساتھ دنیا بھر کے عوام جنگ کا بوجھ اٹھا رہے ہیں۔
اُن کا کہنا تھا کہ پیپلز پارٹی پسماندہ طبقے کی نمائندگی کرنے والی واحد سیاسی جماعت ہے، یہ کیسی معاشی پالیسی اور ترقی ہے کہ امیر، امیر تر ہو۔
بلاول بھٹو زرداری نے یہ بھی کہا کہ بینظیر انکم سپورٹ پروگرام (بی آئی ایس پی) اسلام آباد کا وہ واحد ادارہ ہے، جو ہر غریب کے گھر تک پہنچتا ہے۔
انہوں نے کہا کہ بی آئی ایس پی کے خلاف سیاسی جماعتوں کی سازشیں ناکام ہوں گی، بجٹ میں وزیراعظم بی آئی ایس پی کے فنڈز میں اضافے کا اعلان کریں گے۔
پی پی چیئرمین نے کہا کہ ایٹم بم ذوالفقار بھٹو اور میزائل ٹیکنالوجی شہید محترمہ بینظیر بھٹو نے دی، جی بی کو شمالی علاقہ جات کہا جاتا تھا، جی بی کو نام صدر زرداری نے دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ