انٹرٹینمنٹ کے نام پر مہمانوں کی تذلیل کرنیوالے پوڈ کاسٹرز پر سحر خان کی شدید تنقید
اشاعت کی تاریخ: 21st, November 2025 GMT
پاکستانی شوبز انڈسٹری کی معروف اداکارہ سحر خان نے انٹرٹینمنٹ کے نام پر مہمانوں بالخصوص خواتین کی تذلیل کرنے والے پوڈکاسٹرز پر شدید تنقید کی ہے۔
سحر خان نے اپنی انسٹا اسٹوری میں لکھا کہ آج کل، بہت سارے پوڈ کاسٹ واقعی پریشان کن ہوتے جا رہے ہیں جہاں پوڈکاسٹرز مہمانوں کو صرف ان کی تذلیل کرنے کے لیے مدعو کرتے ہیں اور ایسے سوالات پوچھتے ہیں جن کا مقصد واضح طور پر انہیں شرمندہ کرنا ہوتا ہے۔
اُنہوں نے مزید لکھا کہ میں نے حالی ہی میں ایک پوڈ کاسٹ دیکھا جس میں میزبان نے ایک خاتون کو اس کی ویڈیوز دیکھا کہ یہ پوچھا کہ آپ کو کیا لگتا ہے کہ یہ سب جو آپ نے کیا یہ صحیح ہے یا غلط۔
اداکارہ نے مزید لکھا کہ کسی کے لیے کیا صحیح ہے؟ یہ فیصلہ کرنے کا حق لوگوں کے پاس نہیں ہے، کسی کو بھی یہ فیصلہ کرنے کا حق ہے کہ کسی دوسرے انسان کو اپنی زندگی کیسے گزارنی چاہیے۔
اُنہوں نے مزید لکھا کہ یہ زندگی انسان کو خدا نے دی ہے اور ہر انسان کو اپنی مرضی سے زندگی گزارنے کا حق ہے۔ بے شک، صحیح اور غلط کا فرق ہے لیکن یہ معاملہ خدا اور بندے کے درمیان ہے۔
سحر خان نے مشورہ دیتے ہوئے لکھا کہ اس قسم کے پوڈ کاسٹس میں شرکت سے گریز کرنا چاہیے۔
اُنہوں نے مزید لکھا کہ براہ کرم ایسے شوز میں نہ جائیں جہاں آپ کو معلوم ہو کہ آپ کی تذلیل کی جائے گی۔
اداکارہ نے نام ظاہر کرنے سے گریز کرتے ہوئے پوڈکاسٹر سے مخاطب ہوتے ہوئے لکھا کہ اپنی زندگی سکون سے گزارو اور لوگوں کو تکلیف دینا بند کرو۔
.ذریعہ: Daily Mumtaz
کلیدی لفظ: نے مزید لکھا کہ کی تذلیل
پڑھیں:
مقبوضہ کشمیر میں بھارتی فوج کی گاڑی نے مسلم خاتون کو کچل دیا
مقبوضہ کشمیر میں بھارتی فوج کبھی سرچ آپریشن کے نام پر تو کبھی اپنی تیز رفتار اور بے قابو گاڑیوں کے ذریعے مسلمانوں کی نسل کشی کر رہی ہے۔
کشمیر میڈیا سروس کے مطابق جنت نظیر وادی کے ضلع بڈگام میں بھارتی فوج کی تیز رفتار گاڑی نے راہ چلتی خاتون کو کچل دیا۔
خاتون شدید زخمی ہوگئیں جنھیں بھارتی فوج کے اہلکار موت کے منہ میں جاتا دیکھ کر بھی سڑک پر سسکتا چھوڑ گئے۔
عینی شاہدین کے بقول جائے حادثہ پر موجود شہریوں نے اپنی مدد آپ کے تحت خاتون کو اسپتال منتقل جہاں انھیں طبی امداد فراہم کی گئی لیکن وہ جانبر نہ ہو سکیں۔
خاتون کی شناخت 32 سالہ ثوبیہ جان کے نام سے ہوئی جو سری نگر کی رہائشی ہیں اور کسی کام سے بڈگام آئی تھیں۔
مسلم خاتون کی لاش گھر پہنچی تو علاقے میں کہرام مچ گیا۔ نماز جنازہ میں مقامی حریت رہنماؤں نے بھی شرکت کی۔
تدفین کے بعد علاقہ مکینوں نے قابض بھارتی فوج کے خلاف شدید احتجاج کیا اور جدوجہد آزادی کشمیر کے حق میں شدید نعرے بازی کی۔
یاد رہے کہ مودی سرکار نے سیاہ قانون کے ذریعے کشمیر کی خصوصی حیثیت ختم کرکے اسے بطور وفاقی اکائی ضم کرکے پورے کشمیر کو قید خانے میں تبدیل کردیا ہے۔
افغانستان پاکستان کیخلاف دہشت گردی کی کاروائیوں میں ملوث ہے، ثروت اعجاز قادری