حکومت نے مالیاتی ہدف عبور کرلیا، قرض کی ضرورت کم ہونے کا امکان ہے، گورنر اسٹیٹ بینک
اشاعت کی تاریخ: 14th, November 2025 GMT
گورنر اسٹیٹ بینک جمیل احمد نے کہا ہے کہ اگلے 10 سال جدت کے ہیں جو بیننگ سیکٹر کو اپنانا ہوں گے، بیکنگ سیکٹر ڈپازٹ بڑھانے اور نوکریوں میں اضافے کے لیے کوشش کرے۔
پاکستان بینکنگ ایوارڈ 2025 کی تقریب جاری سے خطاب کرتے ہوئے انہوں نے کہاکہ ہمارا مقصد بینکنگ انڈسٹری کو مضبوط اور جدید بنانا ہے۔ اس خواب کو حقیقت میں بدلنے کے لیے محنت کرنا ہوگی۔
مزید پڑھیں: حکومت کی بڑی کامیابی، قرض میں 852 ارب روپے کمی
انہوں نے کہاکہ حکومت نے اپنے مالیاتی اہداف پورے کیے اور گزشتہ سال سرپلس میں رہی۔ مسلسل دو سال پرائمری سرپلس حاصل کر کے حکومت نے مالیاتی ہدف عبور کر لیا ہے۔
انہوں نے کہاکہ مشکل معاشی حالات کے باوجود فِسکل مینجمنٹ میں نمایاں بہتری آئی ہے اور ملک کی کریڈٹ ریٹنگ میں بہتری کے باعث بیرونی فنانسنگ تک رسائی بڑھنے کی امید ہے، جس سے حکومتی قرض لینے کی ضرورت کم ہونے کا امکان ہے۔
گورنر نے بینکوں پر زور دیا کہ وہ گھریلو قرضوں پر انحصار کم کریں اور نئی حکمت عملی اپنائیں۔
انہوں نے خبردار کیاکہ حکومت کے بانڈز پر آسان منافع پر انحصار بینکوں کے لیے خطرہ بن سکتا ہے، اور بدلتے معاشی حالات سے ہم آہنگ نہ ہونے والے بینک پیچھے رہ جائیں گے۔
گورنر نے کہاکہ بینکوں میں جدید ٹیکنالوجیز جیسے اے آئی اور مشین لرننگ کے استعمال میں اضافہ ہوا ہے، جو قرضہ دینے کے طریقے اور رسک مینجمنٹ میں انقلاب لائیں گے۔ اب بینک روایتی کریڈٹ فائل اور ضمانتوں سے آگے دیکھ سکتے ہیں اور ریئل ٹائم ڈیٹا سے صارف کی کریڈٹ اہلیت کا اندازہ ممکن ہوا ہے۔
انہوں نے کہاکہ ڈیجیٹل ٹارگٹس، سپلائی چینز اور موبائل یا یوٹیلٹی ڈیٹا کے استعمال سے اے آئی بینکوں کی روایتی جانچ پڑتال میں خالی جگہیں پر کرے گا اور تیز رفتار منظوری کے ساتھ کم اخراجات ممکن ہوں گے۔
جمیل احمد نے کہا کہ اے آئی بیسڈ کریڈٹ اسکورنگ سے پہلی بار قرض لینے والوں کے لیے نئے مواقع پیدا ہوں گے اور نوجوانوں و خواتین کی مالی شمولیت میں نمایاں اضافہ متوقع ہے۔
مزید پڑھیں: معاشی اشاریے بہتر، لیکن کیا عوام کو بھی کوئی فائدہ ہوگا؟
گورنر نے کہاکہ اے آئی ٹولز کے ذریعے بینک ہدفی ڈپازٹ مصنوعات پیش کر سکیں گے، اور ’ون سائز فٹس آل‘ ماڈل اب مؤثر نہیں رہا۔ نئی ٹیکنالوجی کارپوریٹ اور بڑے صارفین کے لیے بہتر حل فراہم کرے گی، جبکہ مستقبل کا بینکنگ ماڈل پائیدار اور زیادہ مؤثر ہونا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جمیل احمد حکومت قرض گورنر اسٹیٹ بینک معاشی اشاریے وی نیوز.
ذریعہ
ذریعہ: WE News
کلیدی لفظ: جمیل احمد حکومت گورنر اسٹیٹ بینک معاشی اشاریے وی نیوز انہوں نے کہاکہ اے ا ئی کے لیے
پڑھیں:
گورنر خیبر پختونخوا کی وزیراعظم سے ضم شدہ اضلاع کیلئے ٹیکس استثنیٰ بحال کرنے کی درخواست
فیصل کریم کنڈی نے خط میں کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔ اسلام تائمز۔ گورنر خیبر پختونخوا فیصل کریم کنڈی نے وزیراعظم پاکستان کے نام خط لکھ کر ضم شدہ قبائلی اضلاع اور پاٹا کے لیے وفاقی ٹیکس استثنیٰ بحال کرنے اور اس میں توسیع کی درخواست کی ہے۔ انہوں نے کہا کہ وفاقی ٹیکس استثنیٰ بحال کر کے انضمام کے وقت کیے گئے وعدوں کی پاسداری کی جائے۔ گورنر فیصل کریم کنڈی نے خط میں مطالبہ کیا کہ قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ انہوں نے کہا کہ صوبائی حکومت ضم شدہ اضلاع اور پاٹا کے تمام صوبائی ٹیکس ختم کر چکی ہے، تاہم وفاقی ٹیکسز کے خاتمے کے بغیر قبائلی عوام کو مکمل ٹیکس ریلیف نہیں مل سکتا۔
انہوں نے تجویز دی کہ وفاقی اور صوبائی حکومتوں پر مشتمل مشترکہ کمیٹی قائم کر کے قبائلی اضلاع کی معاشی صورتحال کا جائزہ لیا جائے۔ ان کا کہنا تھا کہ نئے ٹیکسوں کے نفاذ سے قبل ضم شدہ اضلاع اور پاٹا کی معاشی و مالی صورتحال کا جائزہ لینا ضروری ہے، جبکہ ٹیکسوں کا معاملہ مشترکہ مفادات کونسل یا کسی مناسب آئینی فورم پر فوری طور پر پیش کیا جائے۔
گورنر خیبر پختونخوا نے کہا کہ قبائلی عوام نے پاکستان کے امن، استحکام اور سلامتی کے لیے بے مثال قربانیاں دی ہیں۔ وفاق اور صوبے کی یکساں ٹیکس پالیسی قبائلی عوام کا ریاست پر اعتماد بحال کرنے میں مددگار ثابت ہوگی، جبکہ ٹیکس ریلیف سے ضم شدہ اضلاع کی سماجی و معاشی ترقی اور قومی دھارے میں انضمام کا عمل مزید تیز ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار