کاٹی و دیگر ٹریڈ باڈیز کی نشاندہی پر ٹیکس نادہندگان کو نیٹ میں لایا جاسکتا ہے‘ احمد کمال
اشاعت کی تاریخ: 21st, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی(کامرس رپورٹر) فیڈرل بورڈ آف ریونیو (ایف بی آر)کے چیف کمشنر آئی آر ایس ، ایم ٹی او احمد کمال نے کہا ہے کہ چھوٹے صنعتکاروں اور تاجروں کو ٹیکس گوشوارے کے کوائف اور معلومات کے اندراج میں رہنمائی فراہم کرنے کیلئے کورنگی ایسوسی ایشن آف ٹریڈ اینڈ انڈسٹری (کاٹی) کے تعاو ن سے آگاہی سیمینار منعقد کئے جائیں گے۔ کورنگی انڈسٹریل زون کے مسائل حل کرنے کیلئے کاٹی میں احمد مختار شاہانی کو فوکل پرسن تعینات کیا جارہا ہے۔ ان خیالات کا اظہار انہوں نے کورنگی ایسوسی ایشن آف ٹریڈ اینڈ انڈسٹری (کاٹی)میں صنعتکاروں سے خطاب میں کیا۔ تقریب میں کاٹی کے صدر محمد اکرام راجپوت، ڈپٹی پیٹرن ان چیف زبیر چھایا، سینئر نائب صدر زاہد حمید، نائب صدر محمد طلحہ، قائمہ کمیٹی کے چیئرمین طارق ملک، سابق چیئرمین و صدور جنید نقی، جوہر قندھاری، کمشنر آئی آر ایس زون ون ذوالفقار علی سید، کمشنر آئی آر ایف زون ٹو ذوالفقار علی میمن اور ایڈیشنل کمشنر امین اللہ کاکڑسمیت دیگر صنعتکار و ممبران موجود تھے۔ چیف کمشنر احمد کمال نے مزید کہا کہ کاٹی سمیت تما م ٹریڈ ایسوسی ایشنز کے تعاون سے ٹیکس کے مسائل حل کئے جاسکتے ہیں، انہوں نے کہا کہ کاٹی سمیت دیگر ٹریڈ ایسوسی ایشنز کی نشاندہی پر ٹیکس نا دہندہ گان کو ٹیکس نیٹ میں لایا جاسکتا ہے۔ ڈیجیٹل انوائس کے مسائل پر کاٹی سمیت انڈسٹری تجویز دے کہ کتنی مہلت چاہیے۔ احمد کمال نے مزید کہا کہ ایف بی آر کا مقصد ٹیکس ادا کرنے والوں کو ہراساں کرنا نہیں بلکہ انہیں ٹیکس ادا کرنے میں سہولت فراہم کرنا ہے۔ انہوں نے کہا کہ صنعتکار ایف بی آر حکام کی جانب سے ہراسگی کی شکایات براہ راست کریں تو ان کرپٹ افسران کے خلاف سخت کارروائی کی جائے گی۔ انہوں نے کہا کہ ایف بی آر میں کوئی نئے آڈٹ نہیں کھل رہے بلکہ جو زیر التوا آڈٹس ہیں انہیں پورا کیا جارہا ہے۔ چیف کمشنر ایم ٹی او نے کہا کہ پہلے 7 سے 8 آڈیٹرز کی مختصر ٹیم تھی لیکن اب نئی اسکیم کے تحت حکومت نئے آڈیٹرز تعینات کر رہی ہے جس سے بہت سہولت ہوگی۔ قبل ازیں کاٹی کے صدر اکرام راجپوت نے کہا کہ آڈٹ نوٹسز میں کمی اور شفافیت لائی جائے ، ٹیکس ریٹس کا خطے کے مطابق جائزہ لیا جائے ، کسٹم اور سیلز ٹیکس سسٹم کی ڈیجیٹلائزیشن وقت کی اہم ضرورت ہے۔صدر کاٹی نے کہا کہ ڈیجیٹل انوائس کا مسئلہ سنگین صورتحال اختیار کرتا جا رہا ہے، انوائس جمع کرانے کی آخری تاریخ گزرنے کے باوجود ڈیجیٹل انوائس جمع نہیں ہورہی ، اس سلسلے میں مزید وقت دیا جائے۔ صدر کاٹی نے کہا کہ کاٹی اور ایف بی آر (ایم ٹی او) کے درمیان صنعتکاروں کو درپیش مسائل کے حل کیلئے فوکل پرسن تعینات کیاجائے۔ ڈپٹی پیٹرن ان چیف زبیر چھایا نے کہا کہ ایف بی آر گزشتہ 40-45 سال سے ٹیکس ادا کرنے والے صنعتکاروں پر مزید ٹیکس کا دباؤ ڈال رہی ہے۔ صنعتکاروں کی بڑی تعداد اب ٹیکس ادا کرنے کے قابل نہیں۔ انہوں نے کہا کہ بیشتر صنعتکاربیرون ملک 184 دن کا وقت گزار کر نان ریذیڈنٹ فائلر بننے کو ترجیح دے رہے ہیں۔ انہوں نے کہا کہ حکومت بلیک اکنامی کو ختم کرنے کے لئے نان فائلر ز کو ختم کرے اور ٹیکس نیٹ بڑھائے۔ ہم حکومت کیلئے بلا معاوضہ ود ہولڈنگ ایجنٹ بننے ہیں ، رضاکارانہ طور پر کام کرنے کے بعد حکومت سزا بھی ہمیں ہی دیتی ہے۔ زبیر چھایا نے کہا کہ حکومت اور ایف بی آر ٹیکس نادہندگان پر توجہ دے تو ریونیو کا ہدف با آسانی حاصل ہوسکتا ہے۔ قائمہ کمیٹی کے چیئرمین طارق ملک نے کہا کہ ٹیکس اہداف بڑھانے سے زیادہ ٹیکس جمع نہیں ہوگا، اور موجودہ ٹیکس کنندگان پر اضافی بوجھ ڈالنے سے مسائل حل نہیں ہونگے، نان فائلرز آج بھی معمولی جرمانے ادا کرنے کے بعد سکون سے ہیں۔ انہوں نے کہا کہ ایف بی آر صفر ریٹرن فائل کرنے والے ٹیکس کنندگان کی بڑی تعداد اور نان فائلرز کے خلاف کارروائی کرے۔ تقریب میں کاٹی کیسینئر نائب صدر زاہد حمید، نائب صدر محمد طلحہ سمیت دیگر ممبران نے بھی ایف بی آر کو اپنی تجاویز سے آگاہ کیا۔
ذریعہ
ذریعہ: Jasarat News
کلیدی لفظ: کہا کہ ایف بی ا ر انہوں نے کہا کہ ٹیکس ادا کرنے نے کہا کہ ا احمد کمال کرنے کے ر ٹیکس
پڑھیں:
چیئرمین وزیراعظم یوتھ پروگرام رانا مشہود احمد خاں کا امریکہ کی معروف یونیورسٹیوں کا دورہ
سٹی 42: چیئرمین وزیراعظم یوتھ پروگرام رانا مشہود احمد خاں نے امریکہ کی معروف یونیورسٹیوں کا دورہ کیا ۔
یونیورسٹی آف شکاگو کا دورہ
چیئرمین رانا مشہود احمد خاں نے کہا وزیراعظم یوتھ پروگرام نوجوانوں کو تعلیم، ہنر، روزگار اور عالمی مواقع سے جوڑنے کے لیے مؤثر اقدامات کر رہا ہے، ڈیجیٹل مہارتوں، قیادت اور کاروباری صلاحیتوں کے فروغ کے لیے عالمی اداروں کے ساتھ تعاون نوجوانوں کے روشن مستقبل کے لیے ضروری ہے۔ پاکستانی نوجوانوں کے لیے مختصر مدتی تربیتی پروگرام، کیریئر تیاری اور جدید مہارتوں کے مواقع پیدا کیے جا رہے ہیں، عالمی جامعات کے ساتھ شراکت داری پاکستان کے نوجوانوں کو بین الاقوامی معیار کی تعلیم اور مواقع فراہم کرے گی، یونیورسٹی آف شکاگو نے وزیراعظم یوتھ پروگرام کے ساتھ نوجوانوں کی ترقی اور تعلیمی تعاون کو فروغ دینے میں دلچسپی کا اظہار کیا.
آئی جی پنجاب نے27افسران کے تقرروتبادلے کر دیے
یونیورسٹی آف الینوائے شکاگو (UIC) کا دورہ
چیئرمین رانا مشہود احمد خاں نے کہا جدید تحقیق، طبی تعلیم اور ڈیجیٹل ہیلتھ کے شعبوں میں عالمی تعاون نوجوانوں کے لیے نئے راستے کھولے گا، جدید ٹیکنالوجی، تحقیق اور جدت کے شعبوں میں تعاون کے ذریعے پاکستانی نوجوانوں کو مستقبل کے تقاضوں کے مطابق تیار کیا جا سکتا ہے، وزیراعظم یوتھ پروگرام نوجوانوں کو جدید علوم اور عالمی معیار کی مہارتوں سے آراستہ کرنے کے لیے کوشاں ہے، پاکستان اور امریکہ کے درمیان تعلیمی و تحقیقی روابط کو مزید مضبوط بنانا حکومت کی اہم ترجیحات میں شامل ہے، یونیورسٹی آف الینوائے شکاگو (UIC) نے پاکستان کے ساتھ تحقیق، طبی تعلیم اور جدید ٹیکنالوجی کے شعبوں میں تعاون بڑھانے پر اتفاق کیا.
آج شام و رات سے 27 جولائی تک مزید بارشوں کی پیشگوئی
ڈی پال یونیورسٹی کا دورہ
چیئرمین رانا مشہود احمد خاں نے کہا نوجوانوں کو ڈیجیٹل مہارتوں، کاروباری صلاحیتوں اور قائدانہ تربیت سے آراستہ کرنا وقت کی اہم ضرورت ہے،پاکستانی طلبہ کی بڑھتی ہوئی تعداد دونوں ممالک کے مضبوط تعلیمی تعلقات کی عکاس ہے، بیرونِ ملک زیر تعلیم پاکستانی نوجوان ملک کے بہترین سفیر ہیں، وزیراعظم یوتھ پروگرام عالمی تعلیمی اداروں کے تعاون سے نوجوانوں کے لیے مزید مواقع پیدا کرنے کے لیے پرعزم ہے، ڈی پال یونیورسٹی نے پاکستانی نوجوانوں کے لیے تعلیمی مواقع، ڈیجیٹل مہارتوں اور تربیتی پروگراموں میں تعاون کی خواہش کا اظہار کیا.
لیونل میسی کا بین الاقوامی فٹبال سے ریٹائرمنٹ کا فیصلہ
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم