ایک ایرانی میزائل نے اسرائیلی ریفائنری خالی کروا کر تاریخ رقم کر دی
اشاعت کی تاریخ: 14th, December 2025 GMT
اسلام ٹائمز: تجزیاتی رپورٹ کے مصنف زاویر رینات کا کہنا ہے کہ اگرچہ حیفا اور خصوصاً ریفائنری کے اطراف کے ہزاروں شہری برسوں سے شدید آلودگی کے خلاف احتجاج کرتے رہے اور بازان کی بندش کا مطالبہ کرتے رہے، لیکن تاریخ میں پہلی بار صرف ایک ایرانی میزائل ایسا عامل ثابت ہوا جس نے سرکاری اداروں کو اس ریفائنری کو بند کرنے پر مجبور کر دیا۔ خصوصی رپورٹ:
عبرانی زبان کے ذرائع ابلاغ کے مطابق 12 روزہ جنگ کے دوران ایران کے شدید حملوں کے بعد حیفا کے علاقے سے بازان ریفائنری کو منتقل کرنے کا منصوبہ عملی مرحلے میں داخل ہو گیا ہے۔ تسنیم ایجنسی کے عبرانی شعبے کے مطابق ہارتیز نے اپنی رپورٹ میں بتایا ہے کہ حیفا کے علاقے سے بازان ریفائنری کی منتقلی کا معاملہ اب تیزی سے آگے بڑھ رہا ہے۔ اسرائیلی اخبار کے مطابق یہ فیصلہ بظاہر وزارتِ تحفظِ ماحولیات کی درخواست پر کیا گیا ہے، کیونکہ اس ریفائنری سے پیدا ہونے والی ماحولیاتی آلودگی کی سطح نہایت بلند ہے۔
پیش کردہ منصوبہ اب اس جواز کے ساتھ اب اعلانیہ طور پر نافذ کیا جا رہا ہے، اس دس سالہ مرحلہ وار عمل کے دوران بازان کمپنی کی تمام تنصیبات کو خلیجِ حیفا سے مکمل طور پر منتقل کر دیا جائے گا۔ تاہم ہارتیز اس حقیقت کو نظر انداز نہیں کر سکا کہ 12 روزہ جنگ کے دوران اس ریفائنری کو نشانہ بنایا گیا تھا اور وہ عملی طور پر ناکارہ ہو گئی تھی۔ اخبار نے لکھا ہے کہ ایران کے ساتھ جنگ کے دوران اس کمپلیکس کے ایندھن کی پیداوار کے حصے کو نقصان پہنچا، اور بازان انتظامیہ اب بھی ان نقصانات کی مرمت اور بحالی کی کوششوں میں مصروف ہے۔
رپورٹ کے مطابق، ریفائنری کے حکام نے پوری کوشش کی کہ بحالی کے کام کو بغیر ضروری اجازت ناموں کے اور مکمل استثنیٰ کے ساتھ انجام دیا جائے۔ یہ معاملہ منصوبہ بندی کونسل میں معمولی اکثریت سے منظور تو ہو گیا، لیکن حیفا کی بلدیہ نے اس بات پر تشویش کا اظہار کیا ہے کہ بازان کی دوبارہ تعمیر کا عمل اس کے انخلا کے منصوبے کو نقصان پہنچا سکتا ہے اور اسے تاخیر کا شکار بنا سکتا ہے۔ حیفا کے میئر نے بھی اس شہر میں ایسی تنصیبات کی موجودگی کے ممکنہ نتائج، خصوصاً کسی آئندہ جنگ کی صورت میں، پر تشویش ظاہر کرتے ہوئے کہا کہ حیفا اور اس کے اطراف کے رہائشیوں کو ان خلاف ورزیوں کے نتائج بھگتنے پر مجبور نہیں کیا جانا چاہیے۔
انہوں نے کہا ہے کہ عوامی مفاد کو اولین ترجیح دی جانی چاہیے۔ واضح رہے کہ ہارتیز نے کچھ عرصہ قبل شائع ہونے والی ایک رپورٹ میں ماہرین کے حوالے سے لکھا تھا کہ بازان ریفائنری کو بہت پہلے ہی حیفا سے منتقل کر دیا جانا چاہیے تھا، کیونکہ اس شہر کے لیے بہترین دفاعی اور حفاظتی حکمتِ عملی یہی ہے کہ ایندھن کے ذخائر کو شہر سے باہر منتقل کیا جائے۔ اس عبرانی اخبار کے مطابق، ایرانی میزائل کے تنصیبات پر لگنے سے ان خطرات پر نظرِ ثانی کی اہمیت اجاگر ہو گئی ہے جو ریفائنریوں کو درپیش ہیں اور درپیش رہیں گے۔
اس کے باوجود متعلقہ حکام اور ادارے آئندہ جنگوں کی صورت میں اس خطے کو درپیش ممکنہ خطرات کا جائزہ لینے یا تحقیق کرنے پر آمادہ نہیں ہیں۔ ہزاروں شہری شکایات کے باوجود، ان مراکز کے انخلا کے لیے کوئی ٹھوس اور عملی منصوبہ موجود نہیں ہے۔ تاہم اس تجزیاتی رپورٹ کے مصنف زاویر رینات کا کہنا ہے کہ اگرچہ حیفا اور خصوصاً ریفائنری کے اطراف کے ہزاروں شہری برسوں سے شدید آلودگی کے خلاف احتجاج کرتے رہے اور بازان کی بندش کا مطالبہ کرتے رہے، لیکن تاریخ میں پہلی بار صرف ایک ایرانی میزائل ایسا عامل ثابت ہوا جس نے سرکاری اداروں کو اس ریفائنری کو بند کرنے پر مجبور کر دیا۔
ذریعہ
ذریعہ: Islam Times
کلیدی لفظ: ایرانی میزائل اس ریفائنری ریفائنری کو کرتے رہے کے مطابق کے دوران کر دیا
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ