Jang News:
2025-09-27@07:56:45 GMT
رواں سال کا پہلا مکمل چاند گرہن آج ہوگا
اشاعت کی تاریخ: 14th, March 2025 GMT
فائل فوٹو
رواں سال کا پہلا مکمل چاند گرہن آج ہوگا، چاند گرہن پاکستان میں نظر نہیں آئے گا۔
چاند گرہن کا آغاز پاکستانی وقت کے مطابق صبح 8 بج کر 57 منٹ پر ہوگا، چاند کو مکمل گرہن صبح 11 بج کر 58 منٹ پر لگے گا جبکہ گرہن کا اختتام 3 بجے ہوگا۔
چاند گرہن یورپ، افریقا، جنوبی و شمالی امریکا کے علاوہ آسٹریلیا میں بھی دیکھا جاسکے گا۔
محکمہ موسمیات کا کہنا ہے کہ چاند گرہن کے موقع پر آسمان سرخ رنگ کی روشنی سے منور ہو جائے گا، یہ لگ بھگ 3 سال بعد پہلا چاند گرہن ہوگا اور ایسا آخری بار 2022 میں ہوا تھا۔
واضح رہے کہ رواں سال کا پہلا 29 مارچ کو ہونے والا سورج گرہن بھی پاکستان میں دکھائی نہیں دے گا۔
.ذریعہ: Jang News
کلیدی لفظ: چاند گرہن
پڑھیں:
پنجاب میں پاکستان کا جدید ترین ٹیکنالوجی سے لیس پہلا ایئرکوالٹی فورکاسٹ سسٹم تیارکرلیا گیا
لاہور(اُردو پوائنٹ اخبارتازہ ترین - این این آئی۔ 27 ستمبر2025ء)وزیراعلی مریم نواز شریف کی ہدایت پر پنجاب میں پاکستان کا جدید ترین ٹیکنالوجی سے لیس پہلا ایئرکوالٹی فورکاسٹ سسٹم تیار کر لیا گیا، جدید ترین نظام پنجاب بھر میں موسمی حالات اور فضائی آلودگی کی پیش گوئی کرے گا۔ لاہور، فیصل آباد سمیت پنجاب کے بڑے شہروں میں آلودگی کم کرنے میں مدد ملے گی اور فضائی آلودگی سے متعلق ہفتہ وار رپورٹ جاری ہوگی ۔ سینئر صوبائی وزیر مریم اورنگزیب کے مطابق ایئر فورکاسٹنگ سسٹم ریئل ٹائم مانیٹرنگ اور جدید سائنسی ماڈلز کا امتزاج ہے، جدید نظام’’ونڈی‘‘،’’یورو‘‘ جیسے انٹرنیشنل ماڈلز، عالمی فضائی انڈیکس اور مقامی ضروریات کے مطابق کام کرتا ہے، ائیر کوالٹی فورکاسٹنگ سسٹم میں رواں سال لگائے گئے جدید مانیٹرنگ اسٹیشنز کا ڈیٹا بھی شامل ہوگا۔(جاری ہے)
انہوںنے کہا کہ پنجاب میں 41 جدید ایئر کوالٹی مانیٹرنگ اسٹیشنز لگائے جا چکے ہیں،آئندہ دنوں میں ان سٹیشنز کی تعداد سو تک بڑھائیں گے، جدید نظام شہریوں کو صحت کی حفاظتی اور احتیاطی تدابیر بھی بتائے گا ،خود کار نظام فضائی آلودگی کی مقدار ناپے گا اور موسمی حالات کی تبدیلی کا ریکارڈ مرتب کرے گا۔ مریم اورنگزیب نے کہا کہ وزیراعلی مریم نواز شریف کے وژن کی بدولت یہ جدید نظام سائنسی بنیادوں پر مبنی پالیسی سازی میں مددگار کرے گا۔وزیر ماحولیات مریم اورنگزیب نے سیکرٹری ماحولیات سلوت سعید، ڈی جی ماحولیات عمران حامد شیخ اور ای پی اے ٹیم کو ایئر فورکاسٹنگ ماڈل کی تیاری پر سراہتے ہوئے کہا کہ یہ نظام پنجاب میں اسموگ کے خاتمے کے حکومتی پلان کا حصہ ہے، فصل کی باقیات جلانے پر کریک ڈائون بھی اس نظام کا حصہ ہے، جدید آلات کے ذریعے فضائی آلودگی کی سطح، موسمی حالات اور شہری علاقوں کی ہوا کے معیار کی مسلسل نگرانی کی جائے گی۔مریم اورنگزیب نے کہا کہ گاڑیوں اور صنعتی دھوئیں پر قابو پانے کے اقدامات جاری ہیں، ماحولیاتی آلودگی پر قابو پانے کے لیے ہر شہری کو کردار ادا کرنا ہوگا، شہری اسموگ سیزن کے دوران غیر ضروری گھروں سے نہ نکلیں، سموگ کے دوران بزرگ، بچے اور سانس کے مریض خصوصی احتیاط کریں۔
کراچی میں نامعلوم افراد کی فائرنگ سے پی پی کارکن جاں بحق، مقتول قتل کیس کا گواہ تھا