میں الجولانی کے بغداد کے دورے کی مکمل مخالفت کرتا ہوں، نوری المالکی
اشاعت کی تاریخ: 11th, May 2025 GMT
عراق کے سابق وزیرِاعظم نوری المالکی نے کہا ہے کہ وہ ابومحمد الجولانی کے بغداد میں عرب رہنماؤں کے اجلاس میں شرکت کے لیے مجوزہ دورے کی مکمل مخالفت کرتے ہیں کیونکہ اس کے خلاف گرفتاری کا حکم موجود ہے۔ اسلام ٹائمز۔ عراق کے سابق وزیرِاعظم نوری المالکی نے کہا ہے کہ وہ ابومحمد الجولانی کے بغداد میں عرب رہنماؤں کے اجلاس میں شرکت کے لیے مجوزہ دورے کی مکمل مخالفت کرتے ہیں کیونکہ اس کے خلاف گرفتاری کا حکم موجود ہے۔ فارس نیوز کے مطابق، نوری المالکی جو کہ دولة القانون اتحاد کے سربراہ اور عراق کے سابق وزیرِاعظم ہیں، نے ہفتے کی شام ایک بار پھر تاکید کی کہ وہ شام کے شورش پسند رہنما ابومحمد الجولانی کے بغداد کے دورے کے خلاف ہیں۔ العہد نیوز چینل کے مطابق، المالکی نے کہا کہ الجولانی کے خلاف گرفتاری کا حکم موجود ہے اور اس کی موجودگی عراق میں مسائل پیدا کرے گی۔ انہوں نے واضح کیا کہ وہ اس سفر کی مکمل مخالفت کرتے ہیں اور اس مؤقف کو کئی بار دُہرا چکے ہیں۔
المالکی نے عراق کے وزیراعظم محمد شیاع السودانی کی جانب سے دوحہ میں الجولانی سے ملاقات پر بھی تنقید کی اور کہا کہ یہ ملاقات نہ تو کوآرڈی نیشن فریم ورک، نہ صدرِ مملکت اور نہ ہی وزیر خارجہ کی اطلاع کے ساتھ ہوئی، اور موجودہ حالات میں اس ملاقات کا کوئی جواز نہیں تھا، خاص طور پر جب کہ الجولانی ابھی تک عراق کے عدالتی نظام کے تحت مطلوب ہے۔ انہوں نے مزید کہا کہ بعض ہمسایہ ممالک عراق کے خلاف دہشت گرد منصوبے رکھتے ہیں اور دہشت گردوں کو تربیت دے رہے ہیں۔ عراق کے سابق وزیرِاعظم نے کہا کہ ہمیں اپنی سکیورٹی فورسز اور الحشد الشعبی کی موجودگی کے باعث شام سے سرحد پار دہشت گرد گروپوں کے داخلے کا کوئی خدشہ نہیں ہے۔
واضح رہے کہ عراق کی حکومت نے الجولانی کو رواں ماہ کے وسط میں بغداد میں ہونے والے عرب رہنماؤں کے اجلاس میں شرکت کی دعوت دی ہے، جس پر ملک کے اندر شدید سیاسی تنازع پیدا ہو گیا ہے۔ اس سے قبل، پچاس سے زائد عراقی اراکین پارلیمنٹ ایک پٹیشن پر دستخط کر کے الجولانی کی بغداد آمد کی مخالفت کر چکے ہیں۔ یاد رہے کہ شامی شورشیوں کا یہ رہنما عراق میں القاعدہ کا رکن ہونے کے باعث عدالتی طور پر مطلوب ہے۔
ذریعہ
ذریعہ: Islam Times
کلیدی لفظ: عراق کے سابق وزیر اعظم الجولانی کے بغداد کی مکمل مخالفت کے خلاف نے کہا کہا کہ
پڑھیں:
کسی کی برائی کرکے نہیں کارکردگی پر ووٹ مانگتے ہیں، نوازشریف
صدر مسلم لیگ (ن) نوازشریف(nawaz shrif) کا کہنا ہے کہ کسی پر تنقید کرکے،کسی کی برائی کرکے ووٹ نہیں مانگتا بلکہ اپنی کارکردگی کی بنیاد پر ووٹ مانگتے ہیں۔
گلگت میں انتخابی جلسے سے خطاب کرتے ہوئے نواز شریف کا کہنا تھا کہ کسی پارٹی یا حکومت کے خلاف بات نہیں کرنا چاہتا، حکومت ملنے پر کیوں اس علاقے کو نظر انداز کیا گیا؟
کیوں اس علاقے پر توجہ نہیں دی گئی؟ جب وزیراعظم تھا تو کئی بار گلگت آیا اور اسکردو گیا تھا، کئی برسوں بعد آپ سے گفتگو کرکے بہت خوشی ہورہی ہے۔
نوازشریف نے کہا کہ وزیراعلیٰ اور وزیراعظم بننے سے بھی پہلے گلگت،اسکردو آیاتھا، گلگت، بلتستان، اسکردو سے مجھے دلی محبت ہے، جس گلگت کو میں جانتا تھا وہ گلگت کہاں ہے؟ میرا دل روتا ہے کہ آپ کا پیسہ آپ پر کیوں نہیں لگا یاگیا۔
صدر مسلم لیگ (ن) نے کہا کہ کسی ایک پارٹی نے یہاں منصوبے کی بنیاد نہیں رکھی، جومیرےزمانے میں ایئرپورٹ تھا، آج بھی وہی ہے، شہبازشریف سے کہوں گا اس ایئرپورٹ کو بڑا کریں، جیٹ طیارے لینڈ کرنے اور ٹیک آف کی گنجائش پیدا کریں گے۔
نوازشریف کا کہنا تھا کہ خیبرپختونخوا میں لواری ٹنل 70سال سے مکمل نہیں ہورہی تھی، ہم نے اربوں روپےخرچ کرکے لواری ٹنل مکمل کی، یہاں منصوبہ شروع ہوتا ہے تو مکمل ہونے کا نام نہیں لیتا۔
گلگت بلتستان میں 10،10 اور12،12گھنٹےکی لوڈشیڈنگ منظور نہیں۔ ووٹ ملے نہ ملے، آپ کو ان چیزوں سے محروم نہیں کرسکتے۔
سابق وزیراعظم نے کہا کہ ہماری حکومت آئی تو یہاں ہر دوسرے تیسرے ماہ آتارہوں گا، اپنی نگرانی میں منصوبے مکمل کراؤں گا، تمام اسٹیک ہولڈرز کو بٹھا کر آپ کے حق میں فیصلہ کریں گے۔ تجارت بڑھنے پر گلگت بلتستان بہت خوشحال ہوجائے گا۔
مزید پڑھیں:پائیدارمعاشی ترقی کیلئے صنعت وپیداوار اور بیرونی سرمایہ کاری میں اضافہ ناگزیر ہے، وزیر اعظم
نوازشریف نے کہا کہ مجھے کیوں نکالا؟ کیوں مجھے ملک چھوڑ کر جانا پڑا؟ کیوں مجھے جیلوں میں ڈالا گیا۔ قصور آپ کا بھی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ