نیو کراچی ٹائون کا 5ارب59کروڑ سے زاید کا بجٹ پیش
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹا ف رپورٹر) چیئرمین محمد یوسف نے ٹاؤن میونسپل کارپوریشن نیو کراچی کا برائے سال ۲۰۲۵ – ۲۰۲۶ کے لئے ( پانچ ارب،اْنسٹھ کروڑ، آٹھ لاکھ،پندرا ہزار، سات سو، باون) روپے کا بجٹ پیش کردیا۔بجٹ میں ٹوٹل اخراجات کا تخمینہ (پانچ ارب، اٹھاون کروڑ، ستانوے لاکھ، 45 ہزار) روپے لگایا گیا جبکہ بچت کا تخمینہ (دس لاکھ،ستر ہزار، سات سو باون) روپے ہے اراکین کونسل نے بجٹ اتفاق رائے سے منظور کیا۔ بجٹ اجلاس میں میونسپل کمشنر ایاز حمید اللہ بلوچ،وائس چیئرمین شعیب بن ظہیر، اکاؤنٹ آفیسریوسف ملک،ڈائریکٹر کونسل، بجٹ آفیسرسعود عالم صدیقی، سینیئر ڈائریکٹر ایڈمن شمعونہ صدف، اراکینِ کونسل اور دیگر بلدیاتی افسران بھی موجود تھے۔بجٹ اجلاس کا آغاز تلاوت کلام پاک اور نعت رسول ﷺ سے ہوا۔چیئرمین نیو کراچی ٹاؤن محمد یوسف نے بجٹ اجلاس سے خطاب کرتے ہوئے خاص خاص نکات پر روشنی ڈالی۔ جن میں ترقیاتی کاموں کی مد میں (دو ارب، اٹھاسی کروڑ، پانچ لاکھ،تین سو دس روپے) سے زائد رقم مختص کی گئی ہے جن میں سڑکوں کی تعمیر و مرمت، لنک روڈز اور اندرونی گلیوں کی مرمت و درستگی، نالوں کی تعمیرو مرمت شامل ہیں۔غیر ترقیاتی کاموں کی مد میں (دوارب،ستر کروڑ،چار لاکھ،چار سو پینتیس روپے)جن میں پارک و پلے گراؤنڈزکی تعمیر و تزین و آرائش،عوامی شکایات کے ازالے، بلدیاتی اسکولوں کی مینٹینس شامل ہیں۔ چیئرمین محمد یوسف نے کہا کہ منتخب بلدیاتی نمائندے عوامی مسائل حل کرنے کے لئے کوشاں ہیں،اہلیان نیو کراچی ٹاؤن کو بلدیاتی سہولیات کی فراہمی اولین ترجیح ہے۔عوامی سہولتوں کی فراہمی کو ممکن بنانے کے لئے نیو کراچی ٹاؤن کو اپنے ذرائع آمدن بڑھانے ہونگے۔ چیئرمین محمد یوسف نے حکومت سندھ سے اپیل کرتے ہوئے کہا کہ سندھ حکومت کی جانب سے فراہم کیا جانے والا فنڈ ملازمین کی تنخواہوں کی ادائیگی میں ہی ختم ہوجاتا ہے لہٰذا حکومت سندھ OZT فنڈ میں اضافہ کرے۔ انہوں نے کہا کہ نیو کراچی ٹاؤن میں اسٹریٹ لائٹس،سیوریج اور صفائی سمیت بنیادی سہولیات کے مسائل درپیش ہیں ان مسائل کا بروقت حل ایک چیلنج بن چکا ہے نئے مالی سال 2025-26 کے بجٹ میں عوامی ضرویات کو مد نظر رکھتے ہوئے ہر ممکن وسائل مختص کرنے کی کوشش کی گئی ہے۔بجٹ اجلاس میں میو نسپل کمشنر ایاز حمید اللہ بلوچ نے خطاب کرتے ہوئے کہا کہ بلدیاتی ادارے وسائل اور فنڈز کی قلت کے باوجود عوام کو ریلیف فراہم کرنے کی جددوجہد کررہے ہیں، واٹر اینڈ سیوریج بورڈ،سندھ سالڈ ویسٹ مینجمنٹ بورڈ اور K الیکٹرک کے ساتھ مربوت حکمت عملی اور فنڈز کی فراہمی ناگزیر ہے تاکہ نیو کراچی ٹاؤن کے دیرینہ مسائل کا موثر اور پائیدار حل ممکن بنایا جاسکے۔وائس چیئرمین شعیب بن ظہیر نے بجٹ اجلاس سے خطاب کرتے ہوئے کہا کہ نیو کراچی ٹاؤن میں گلی محلوں کی ٹوٹ پھوٹ،سیوریج کی بندش اور کچرے کے ڈھیر جیسے مسائل فنڈ کی کمی اور ادارہ جاتی تعاون کے فقدان کے سبب شدت اختیار کر چکے ہیں ہم محدود سائل کے ساتھ عوامی مسائل حل کررہے ہیں اور عالیٰ حکام سے اضافی فنڈ ز اور تعاون کا مطالبہ کرتے ہیں۔
.
ذریعہ: Jasarat News
کلیدی لفظ: نیو کراچی ٹاو ن ن محمد یوسف نے بجٹ اجلاس کرتے ہوئے کہا کہ
پڑھیں:
کراچی میں ضمنی انتخابات:نتائج پیپلزپارٹی کے حق میں جاری
data-id="863a0a8" data-element_type="widget" data-widget_type="theme-post-content.default">
کراچی(رپورٹ:منیرعقیل انصاری) اورنگی ٹاﺅن کی یوسی ون میں ٹی ایل پی کاامیدوار کامیاب ہوا‘ نتیجہ تیسرے نمبر پر پی پی امیدوارکے حق میں نکلا بلدیہ میں 10ووٹنگ بک غائب کرنے کاالزام‘ اورنگی میں جماعت اسلامی نے وارڈ4کا میدان مار لیا ۔
کراچی میں ہونے والے ضمنی بلدیاتی انتخابات میں پاکستان پیپلز پارٹی کو جتوادیاگیا،الیکشن کمیشن آف پاکستان کی جاری کردہ نتائج کے مطابق کراچی کی پانچ بلدیاتی نشستوں پربدھ کے روز ہونے والے ضمنی انتخابات میں ایک چیئرمین اور تین وائس چیئرمین کی نشست پر پاکستان پیپلز پارٹی اور جماعت اسلامی کے ایک کونسلر نے ضمنی الیکشن میں کامیابی حاصل کی ہے۔
تفصیلات کے مطابق ضلع شرقی ،غربی اور کیماڑی کی پانچ بلدیاتی نشستوں پر بدھ کے روز ہونے والے بلدیاتی ضمنی انتخابات میں ضلع غربی ،ٹاﺅن میونسپل کارپوریشن اورنگی ٹاﺅن یونین کمیٹی نمبر1چیئرمین کی نشست پر پاکستان پیپلز پارٹی کی امیدوار شہنیلا عامر 3801 ووٹ لیکر جیت گئی ہیں ،جبکہ اورنگی ٹاﺅن یونین کمیٹی نمبر7 ،وارڈ4سے کونسلر کی نشست پرسے جماعت اسلامی سے تعلق رکھنے والے امیدوار محمد بلال نصیر 791 لیکر کامیابی حاصل کی ہے،
ضلع شرقی ٹاﺅن میونسپل کار پوریشن سہراب گوٹھ یو سی8 میں وائس چیئرمین کی نشست پر پاکستان پیپلز پارٹی کے امیداور شیراز احمد 1790ووٹ لیکر کامیاب ہوئے،ٹاﺅن میونسپل کارپوریشن بلدیہ کیماڑی یوسی 8میں وائس چیئرمین کی نشست پر پاکستان پیپلز پارٹی سے تعلق رکھنے والے محمد فیصل نے3132ووٹ لیکر کامیابی حاصل کی ہے،
ٹاﺅن میونسپل کارپوریشن منگھو پیریو سی10میں وائس چیرمین کی نشست پر بھی پیپلز پارٹی کے ہی اسٹاپھن مسیح891 ووٹ لیکر کامیاب قرار پائے ہیں۔
واضح رہے کہ ضمنی بلدیاتی انتخابات میں ضلع شرقی ،غربی اور کیماڑی کی پانچ بلدیاتی نشستوں پر پیپلزپارٹی، جماعت اسلامی، ٹی ایل پی، جے یو آئی، پی ٹی آئی اور آزاد امیدوار مدمقابل تھے۔ ضلع غربی ٹی ایم سی منگھو پیر لیاری ایکسپریس وے یوسی 10 وائس چیئرمین کی نشست پر دس امیدوار تھے۔
ضلع غربی ٹی ایم سی اورنگی گلشن ضیاءیوسی ایک میں چیئرمین کی نشست پر 15امیدوار مدمقابل ، ضلع غربی ٹی ایم سی اورنگی یوسی شاہ ولی اللہ نگر کی یوسی ایک پر چیئرمین اور سات پر جنرل ممبر4 کی نشست کےلیے پانچ ، ضلع شرقی ٹی ایم سی سہراب گوٹھ نئی سبزی منڈی یو سی 8 میں وائس چیئرمین کی نشست پر سات امیدوار مدمقابل تھے۔
صدر مملکت آصف علی زرداری کا چین میں کاشغر کی تاریخی عیدگاہ مسجد کا دورہ