مودی کا خطاب عندیہ دے رہا ہے دشمن نے شکست کو قبول نہیں کیا ،کوئی ایڈونچر کر سکتا ہے، مسرت چیمہ
اشاعت کی تاریخ: 13th, May 2025 GMT
لاہور(اُردو پوائنٹ اخبارتازہ ترین - این این آئی۔ 13 مئی2025ء)پاکستان تحریک انصاف کی سینئر رہنما مسرت جمشید چیمہ نے کہاہے کہ نریندر مودی کااپنی عوام سے کیا گیا خطاب عندیہ دے رہا ہے کہ دشمن نے اپنی شکست کو قبول نہیں کیا اور اپنی شرمندگی کو مٹانے کے لئے وہ کوئی ایڈونچر کر سکتا ہے ، ہمیں پیشگی بھارت کو ایک بار پھر یہ پیغام دینا چاہیے کہ ہم آپسی جھگڑوں کا شکار نہیں ہیں اورفیصلہ ساز وں کو بلوچستان ، خیبر پختوانخواہ اور خاص طو رپر بانی چیئرمین پی ٹی آئی عمران خان سے متعلق جو بھی معاملات ہیں انہیں حل اور ختم کرنے کی ضرورت ہے ۔
جمشید اقبال چیمہ کے ہمراہ انسداد دہشتگردی کی خصوصی عدالت میں پیشی کے بعد میڈیا سے گفتگو کرتے ہوئے مسرت جمشید چیمہ نے کہا کہ پاکستانی قوم اپنی فورسز پر فخر کرتی ہے جنہوں نے ہمارا سر فخر سے بلند کیا ۔(جاری ہے)
بھارت حملہ کر کے یہ سوچ رہا تھاکہ شاید پاکستان اپنا دفاع نہیں کر سکتا اس کی وجہ یہ تھی مودی یہ سوچ رہا تھاکہ شاید پاکستانی قوم آپس میں لڑ رہی یہ تقسیم ہیں جب ہم حملہ کریں گے یہ متحد نہیں ہو گی ملک کے اندر انتشار پھیلے گا اور ہم کامیاب ہو جائیں گے لیکن اس کے سارے خیالی پلائو منصوبے ناکام ہوئے ۔
انہوں نے کہا کہ مشکل وقت میں غیور قوم اپنی غیور فورسز کے ساتھ مل کر سیسہ پلائی ہوئی دیوار بنی اور ہم نے دنیا کو بتا دیا کہ ذمہ دار قومیں اورزندہ قومیں مشکل وقت میں اسی طرح کرتی ہیں۔ سوشل میڈیا پاکستانی نوجوانوں نے بغیر کسی تفریق کے صف بندی دکھائی اورپاکستان کو جس طرح کی فتح نصیب ہوئی اس کی تاریخ میں مثال نہیں ملتی ۔ انہوں نے کہا کہ مودی نے اپنی عوام سے جو خطاب کیا ہے اس سے واضح ہے کہ بھارت کوشکست اور ہزیمت کا سامنا کرنا پڑا ہے اوروہ بوکھلا یا ہوا ہے اس لئے ہمیں پیشگی تیار رہنا چاہیے اور اپنے اتحاد کو مضبوط کرنا چاہیے جس کے لئے ہمیں تمام آپسی اختلافات کو ختم کرنا ہوگا ۔ایسا نہیں ہونا چاہیے کہ ہم یہ سمجھیں کہ باہر سے خطرہ کم ہو گیا ہے اور ہم پھر گتھم گتھا ہوں جس کا پاکستان متحمل نہیں ہوسکتا ۔ انہوں نے کہا کہ بھارت نے پنجاب میں کئی مقامات پر حملہ کیا لیکن پنجاب حکومت کی کسی ترجمان ،کابینہ کے کسی ممبر یا وزیراعلیٰ نے کوئی بیان نہیں آیا جس سے پنجاب کی عوام میں تشویش کی لہر دوڑ ی اور وہ اس کشمکش میںرہے کہ کیوں مودی کا نام نہیں لیا گیا ۔جب بھارت نے جنگ مسلط کی تو قوم نواز شریف کو ڈھونڈتے پھر رہے تھے کہ وہ آئیں اوربیان دیں لیکن جیسے ہی سیز فائر ہوا سب سے پہلے ان کی ٹوئٹ آتی ہے پھر قوم پر واضح ہوا وہ تماشہ دیکھ رہے تھے ۔ انہوںنے کہا کہ قوم کو معلوم ہو گیا ہے کہ پاکستان کے حقیقی وارث کون ہیں ،جن پر یہ لوگ غداری کے ٹائٹل لگاتے لگاتے تھک گئے ثابت ہوا کہ جس طرح ہماری فورسز سر خرو ہوئیںاللہ نے ہمیں بھی سر خرو کیا ، واضح ہو گیا ہم سے زیادہ محب کوئی نہیں ہے کیونکہ ہم نے یہیں رہنا یہی مرنا ہے یہی دفن ہونا ہے ہماری آنے والی نسلوں نے یہاں رہنا ہے ۔جمشید اقبال چیمہ نے کہا کہ حکومت کسانوں کو مودی نہ سمجھے ، گندم کی فصل کا بیڑہ غرق ہو گیا ہے ،مہنگی کھاد ، مہنگے بلوں ، مہنگے بجلی کے بلوں کے ساتھ زراعت نہیں چل سکتی اور میں آنے والے سالوں میں فوڈ سکیورٹی کے حالات دیکھ رہا ہوںاور خدانخواستہ ایسا ہوا تو یہ بہت خطرناک صورتحال ہو گی ۔ انہوں نے کہا کہ پنجاب حکومت اسکیموںاورقرعہ اندازی سے باہر نکلے اور کسان کو حقیقی معنوں میں ریلیف دے ۔.ذریعہ: UrduPoint
کلیدی لفظ: تلاش کیجئے انہوں نے کہا کہ ہو گیا
پڑھیں:
اہل بیت اطہار ؑ کی پاکیزہ زندگیوں کو اپنانا اصل محبتِ اہل بیت ؑہے، سیدہ طیبہ نقوی
ناظم اعلیٰ منہاج القرآن خرم نواز گنڈا پور نے کانفرنس سے خطاب کرتے ہوئے کہا کہ سیدہ زینبؑ کربلا میں صبر، استقامت کی مثال بنیں جو قیامت تک آنے والی خواتین کیلئے رول ماڈل ہیں۔ ان کا کہنا تھا کہ سیدہ زینب سلام اللہ علیہا کا کردار آج کی ہر بیٹی اور ہر بہن کیلئے ایک مثالی نمونہ ہے۔ اسلام ٹائمز۔ منہاج القرآن ویمن لیگ کے زیراہتمام سیدہ زینبؑ کانفرنس کا انعقاد مرکزی سیکرٹریٹ ماڈل ٹاؤن لاہور میں کیا گیا۔ ناظم اعلیٰ منہاج القرآن خرم نواز گنڈا پور نے کانفرنس سے خطاب کرتے ہوئے کہا کہ سیدہ زینبؑ کربلا میں صبر، استقامت کی مثال بنیں جو قیامت تک آنے والی خواتین کیلئے رول ماڈل ہیں۔ ان کا کہنا تھا کہ سیدہ زینب سلام اللہ علیہا کا کردار آج کی ہر بیٹی اور ہر بہن کیلئے ایک مثالی نمونہ ہے۔ کوارڈینیشن کمیٹی کی ہیڈ لبنیٰ مشتاق نے خطاب کرتے ہوئے کہا کہ امت کی نجات کا راستہ قرآن اور اہل بیت ؑ سے محبت میں ہے۔ اہلبیت اطہارؑ کا مقام و مرتبہ نہایت بلند ہے۔ واقعہ کربلا میں سیدہ زینب ؑنے عظیم حوصلے اور صبر کا مظاہرہ کیا اور یزید کے دربار میں ظلم و جبر کیخلاف ڈٹ کر خطبہ دیا۔
ڈائریکٹر فرید ملت ریسرچ انسٹیٹیوٹ ڈاکٹر رانا فاروق نے اپنے خطاب میں کہا کہ سیدہ زینبؑ عظمت اور استقامت کا پیکر تھیں۔ آپؑ ظلم کے سامنے سیسہ پلائی ہوئی دیوار بن گئیں، ایک ناقابلِ تسخیر قلعہ کی مانند کھڑی رہیں۔ انہوں نے کہا کہ اہلِبیتؑ سے محبت قرآن کا حکم ہے۔ صرف نعرے لگانا کافی نہیں، بلکہ اہلِبیتؑ اطہارؑ کے کردار کو اپنی عملی زندگی میں اپنانا ہی حقیقی محبت ہے۔ پروفیسر ڈاکٹر عظمی زریں نے کہا کہ سیدہ زینب ؑکربلا کی غازی ہیں۔ سیدہ زینبؑ نے واقعہ کربلا میں حق گوئی اور جرأت سے لوگوں کے منہ بند کر دیئے، اہلِبیتؑ حق پر ڈٹ کر کھڑے رہے اور باطل کیخلاف ڈٹ کر لڑے ۔حمیرا بھٹو نے کہا کہ واقعہ کربلا سیدہ زینبؑ کی زندگی کا سب سے کڑا اور کربناک مرحلہ تھا، جس کا سامنا انہوں نے بے مثال صبر، استقامت اور خندہ پیشانی سے کیا۔ ان کی شجاعت و جرأت کا اندازہ اس بات سے لگایا جا سکتا ہے کہ انہوں نے یزید کے دربار میں حق کا پرچم بلند کرتے ہوئے اسے للکارا۔
جامعہ اُم الکتاب کے پرنسپل خانم طیبہ نقوی نے کہا کہ سیدہ زینبؑ نے واقعہ کربلا میں جس جرات، حکمت اور وقار کا مظاہرہ کیا، وہ تاریخِ انسانیت میں بے مثال ہے۔ یزید کے دربار تک آپ کا کردار کسی بھی مقام پر کمزوری یا مایوسی کا اظہار نہیں کرتا۔ حافظہ سحر عنبرین نے اپنے خطاب میں کہا کہ سیدہ زینبؑ نے صبر و استقامت کیساتھ یزیدیت کیخلاف حق کی صدا بلند کی۔ آپؑ کا پیغام رہتی دنیا تک اسلام کے تحفظ اور احیاء کی ضمانت بن گیا۔ کانفرنس میں نائب ناظمین اعلیٰ انجینئر رفیق نجم،بریگیڈیئر (ر) عمر حیات، منہاج القرآن ویمن لیگ کی ارشاد اقبال، صائمہ نور، سحر عنبرین، عائشہ بتول، کلثوم قمر، حناء فاطمہ، رابعہ شفق، حراء دلبر اعوان، اقراء مبین، مسز مفتی غلام اصغر صدیقی، مسز آصف اکبر قادری، قاریہ کلثوم، بشریٰ رضوان، مسز قاری منیر، سیدہ نورالعین نقوی، ذکیہ فاطمہ اور دیگر خواتین رہنماؤں نے شرکت کی۔
یروشلم میں امریکی سفارتخانے کے باہر مظاہرہ، اسرائیل کی حمایت پر امریکا کے خلاف نعرے