قائمہ کمیٹی کا کے الیکٹرک کو غیر اعلانیہ لوڈشیڈنگ فوری روکنے کا حکم
اشاعت کی تاریخ: 27th, May 2025 GMT
قومی اسمبلی کی قائمہ کمیٹی برائے حکومتی یقین دہانیوں نے پیر کو سندھ کے مختلف علاقوں میں بجلی کی غیر اعلانیہ بندش پر شدید تشویش کا اظہار کیا اور کے الیکٹرک کو ہدایت کی کہ وہ غیر اعلانیہ لوڈشیڈنگ فوری طور پر روکے۔
نجی اخبار میں شائع خبر کے مطابق کمیٹی کا مؤقف تھا کہ بل ادا کرنے والے صارفین کو بل ادا نہ کرنے والے افراد کے رحم و کرم پر نہیں چھوڑا جا سکتا، اس کے علاوہ کمیٹی نے کے الیکٹرک کو ہدایت کی کہ وہ صارفین کو اوسط کھپت کی بنیاد پر بلنگ نہ کرے۔
پارلیمنٹ ہاؤس میں منعقدہ اجلاس کی صدارت کمیٹی کی چیئرپرسن نزہت صادق نے کی، اجلاس میں وزرا کی جانب سے ایوان میں دی گئی یقین دہانیوں کا جائزہ لیا گیا، ان یقین دہانیوں میں کراچی میں اوور بلنگ، ضلع مانسہرہ میں پروٹیکٹوریٹ آف ایمیگرنٹس آفس کے قیام، سندھ اور خیبر پختونخوا میں سیلاب سے تباہ شدہ سڑکوں کی بحالی اور بلوچستان میں گیس کی اوور بلنگ شامل تھی۔
اجلاس میں بتایا گیا کہ کے الیکٹرک کراچی کے مختلف علاقوں میں بڑے پیمانے پر غیر اعلانیہ لوڈشیڈنگ کرنے کے ساتھ ساتھ صارفین کو اوسط بلنگ کر رہی ہے، جس سے عوام کی مشکلات میں اضافہ ہو رہا ہے۔
کمیٹی نے کے الیکٹرک کی انتظامیہ کو ہدایت کی کہ وہ ان مسائل کو فوری طور پر حل کرے اور شہر کے منتخب نمائندوں کے ساتھ قریبی رابطہ رکھے تاکہ کنڈا کلچر کے مسئلے کو حل کیا جا سکے اور لوگوں کو میٹرنگ سسٹم میں شامل کیا جا سکے۔
کے الیکٹرک کی انتظامیہ نے کمیٹی کو بتایا کہ 2024 میں بقایا جات، کنڈا کلچر اور غیر میٹرنگ کی وجہ سے 44 ارب روپے کا نقصان ہوا ہے۔
ضلع مانسہرہ میں پروٹیکٹوریٹ آف ایمیگرنٹس آفس کے قیام کے حوالے سے بیورو آف امیگریشن اینڈ اوورسیز ایمپلائمنٹ کے ڈائریکٹر جنرل نے کمیٹی کو بتایا کہ حکومت نے مانسہرہ کے بجائے ایبٹ آباد میں اس دفتر کے قیام کی منظوری دی ہے، جو صرف 24 کلومیٹر کے فاصلے پر ہے، انہوں نے بتایا کہ یہ دفتر ہزارہ ڈویژن اور اس سے ملحقہ علاقوں کے لوگوں کو سہولت فراہم کرے گا۔
کمیٹی نے وزارت مواصلات کی جانب سے پیش کی گئی رپورٹ پر بھی غور کیا، جس میں سیلاب سے تباہ شدہ ہائی ویز کی مرمت اور چکدرہ، اپر دیر روڈ کی خراب حالت کے بارے میں وزرا کی یقین دہانیوں پر عمل درآمد کا جائزہ لیا گیا۔ کمیٹی نے وزارت اور نیشنل ہائی ویز اتھارٹی (این ایچ اے) کو ہدایت کی کہ ان سڑکوں پر کام کی رفتار تیز کی جائے۔
کمیٹی نے بلوچستان میں گیس کی اوور بلنگ اور اضافی چارجز کے مسئلے کو جلد از جلد حل کرنے کی ہدایات جاری کیں، سوئی سدرن گیس کمپنی (ایس ایس جی سی) کے حکام نے کمیٹی کو بتایا کہ عدالت کی ہدایت پر صوبے میں ایک خصوصی ٹیرف لاگو کیا گیا ہے۔
Post Views: 2.ذریعہ: Daily Mumtaz
کلیدی لفظ: کو ہدایت کی کہ یقین دہانیوں غیر اعلانیہ کے الیکٹرک کمیٹی نے بتایا کہ
پڑھیں:
قائمہ کمیٹی اجلاس میں گرما گرمی: نبیل گبول کا طلال چوہدری کو ’خیرات میں ملی اکثریت‘ کا طعنہ
قومی اسمبلی کی قائمہ کمیٹی برائے داخلہ کے اجلاس میں مسلم لیگ (ن) اور پیپلز پارٹی کے ارکان کے درمیان تلخ کلامی ہوگئی۔
اجلاس کے دوران شازیہ مری نے سی ڈی اے ترمیمی بل پیش کرنے میں مبینہ رکاوٹ پر برہمی کا اظہار کیا اور چیئرمین سی ڈی اے کے خلاف تحریکِ استحقاق لانے کا اعلان کیا۔
یہ بھی پڑھیں: چیئرمین پی ٹی اے نے ایمل ولی سے چرس بھرا سیگریٹ مانگ لیا، اجلاس میں جھڑپ
اس موقع پر وزیر مملکت برائے داخلہ طلال چوہدری نے چیئرمین سی ڈی اے کا دفاع کرتے ہوئے کہاکہ شازیہ مری تحریکِ استحقاق لے آئیں، وہ اس کا سامنا کریں گے۔
اس پر شازیہ مری نے کہاکہ طلال چوہدری دھمکی دے رہے ہیں، جس پر وزیر مملکت نے جواب دیا کہ دھمکی شازیہ مری دے رہی ہیں۔
بعد ازاں پیپلز پارٹی کے رہنما نبیل گبول وزیر مملکت کے رویے پر احتجاجاً اجلاس سے واک آؤٹ کرگئے۔
نبیل گبول نے کہاکہ حکومت کو خیرات میں جو دو تہائی اکثریت ملی ہے، اس سے طلال چوہدری مغرور ہوگئے ہیں۔ پیپلز پارٹی نے پہلے بھی حکومت گرا کر دکھائی تھی، اب بھی یہ کام کرسکتے ہیں۔
یہ بھی پڑھیں: قائمہ کمیٹی: چیئرمین حفیظ الدین سی ای او کے الیکٹرک پر برہم، اجلاس سے نکال دیا
واک آؤٹ کے دوران چیئرمین کمیٹی نبیل گبول کو روکنے کی کوشش کرتے رہے، لیکن اس کے باوجود وہ اجلاس سے اٹھ کر چلے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خیرات دوتہائی اکثریت شازیہ مری طلال چوہدری قائمہ کمیٹی اجلاس گرمی گرمی نبیل گبول وی نیوز
بھارتی عدالت نے سیف علی خان کو 15 ہزار کروڑ کی وراثتی جائیداد سے کیوں محروم کیا؟ جانیے