ایک ایسا مثالی ہوائی اڈہ جس نے 30 برسوں میں ایک بھی بیگ نہیں کھویا
اشاعت کی تاریخ: 27th, May 2025 GMT
دنیا بھر کے ایئرپورٹس میں سامان کا کھو جانا ایک عام سی بات ہے, اوسطاً ہر 1,000 مسافروں میں سے تقریباً 7 افراد کا بیگ سفر کے دوران کہیں نہ کہیں گم ہو جاتا ہے۔ یہ گمشدگیاں زیادہ تر انسانی غلطیوں، کنویئر بیلٹس پر بارکوڈ نہ پڑھ سکنے، یا عملے کی کمی جیسے مسائل کی وجہ سے پیش آتی ہیں۔ خاص طور پر ٹرانزٹ کے دوران بیگز کا کسی دوسرے ہوائی اڈے پر رہ جانا یا تاخیر کا شکار ہونا معمول بن چکا ہے۔ تاہم، ان تمام چیلنجز کے باوجود دنیا کا ایک ایسا ایئرپورٹ بھی ہے جو پچھلے 30 برسوں سے اس مسئلے سے مکمل طور پر محفوظ رہا ہے۔
جی ہاں جاپان کا کنسائی انٹرنیشنل ایئرپورٹ، جہاں 2023 میں 10 ملین بیگز ہینڈل کیے گئے۔ آج بھی یہ اعزاز رکھتا ہے کہ اس نے ایک بھی بیگ گم نہیں ہونے دیا۔ یہ صرف ایک ہوائی اڈے کی نہیں، بلکہ جاپانی اصول پسندی، نظم و ضبط اور پیشہ ورانہ مہارت کی ایک زندہ مثال ہے۔
آئیے، جانتے ہیں کہ کنسائی ایئرپورٹ نے کیسے یہ کارنامہ انجام دیا اور دنیا کے باقی ایئرپورٹس اس سے کیا سیکھ سکتے ہیں۔
جب دنیا بھر کے ایئرپورٹس، جیسے سنگاپور کا چانگی ایئرپورٹ اور دوحہ کا حمد انٹرنیشنل ایئرپورٹ، ’دنیا کے بہترین ہوائی اڈے‘ کا اعزاز حاصل کرنے کے لیے سخت مقابلے میں مصروف ہیں، وہیں جاپان کا کینسائی انٹرنیشنل ایئرپورٹ ایک اور حیرت انگیز کارنامے کے لیے سرخرو ہوا ہے، وہ کارنامہ ہے، ’تیس برس میں ایک بھی سامان کا بیگ نہ کھونا۔‘
بے مثال ریکارڈ
ستمبر 1994 میں کھلنے والے اس ایئرپورٹ نے اب تک 20 سے 30 ملین مسافروں کی سالانہ آمدورفت سنبھالی ہے، اور حیرت انگیز طور پر کبھی کوئی بیگ گم نہیں ہونے دیا۔ جاپان کے ساتویں مصروف ترین ایئرپورٹ کی یہ کامیابی نہ صرف مثالی ہے بلکہ عالمی ہوابازی کی تاریخ میں ایک منفرد سنگِ میل بھی ہے۔
سادگی میں کمال
دلچسپ بات یہ ہے کہ ایئرپورٹ کا عملہ اس کارنامے کو کوئی خاص کام نہیں سمجھتا۔ کینجی تاکانیشی، جو کینسائی ایئرپورٹ کے پبلک ریلیشنز افسر ہیں، نے سی این این سے بات کرتے ہوئے کہا، ’ہمیں ایسا نہیں لگتا کہ ہم کوئی خاص کام کر رہے ہیں۔ ہم صرف اپنی روزمرہ کی ذمہ داریاں نبھا رہے ہیں، اور اگر ہمیں اس پر سراہا جاتا ہے تو خوشی ہوتی ہے۔‘
عالمی سطح پر اعتراف
برطانیہ میں واقع ایوی ایشن رینکنگ ویب سائٹ ’Skytrax‘ نے اپریل 2024 میں کینسائی ایئرپورٹ کو ’دنیا کا بہترین بیگیج ڈیلیوری سسٹم‘ رکھنے والا ایئرپورٹ قرار دیا۔ اگرچہ کبھی کبھار کسی بیگ کی گمشدگی کی شکایت سامنے آتی ہے، تو وہ زیادہ تر ایئرلائن کی غلطی ہوتی ہے، نہ کہ ایئرپورٹ کی۔
کینسائی ایئرپورٹ جاپان کے اوساکا بے میں ایک مصنوعی جزیرے پر تعمیر کیا گیا ہے اور اوساکا، کیوٹو اور کوبے جیسے بڑے شہروں کی خدمت کرتا ہے۔ 2024 کی درجہ بندی میں اسے دنیا کا 18واں بہترین ایئرپورٹ قرار دیا گیا، جبکہ ٹوکیو کے ناریتا اور ہنیڈا ایئرپورٹس اس سے کہیں آگے، بالترتیب پانچویں اور چوتھی پوزیشن پر رہے۔
بہترین ایئرپورٹ کا معیار
’دنیا کا بہترین ایئرپورٹ‘ بننے کے لیے صرف بیگ وقت پر پہنچانا ہی کافی نہیں ہوتا۔ دیگر اہم عوامل میں صفائی، خوراک اور مشروبات کی دستیابی، وقت پر پروازوں کی آمد و روانگی، مسافروں کے لیے سہولیات، اور مجموعی تجربہ شامل ہیں۔
ایک نئی تیاری، ’ایکسپو 2025‘
کینسائی ایئرپورٹ اس وقت ایک بڑے منصوبے پر کام کر رہا ہے تاکہ ’ایکسپو 2025‘ جو کہ پہلے ’ورلڈ فیئر‘ کے نام سے جانی جاتی تھی کے لیے مکمل تیاری کر سکے۔ یہ عالمی نمائش جاپان کے شہر اوساکا میں منعقد ہوگی، اور کینسائی ایئرپورٹ کی موجودہ ترقیاتی سرگرمیاں اس موقع پر دنیا بھر سے آنے والے مہمانوں کے شایانِ شان استقبال کے لیے جاری ہیں۔
Post Views: 5.
ذریعہ
ذریعہ: Daily Mumtaz
کلیدی لفظ: کینسائی ایئرپورٹ دنیا کا میں ایک کے لیے
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا