ایران کی اسرائیل پر میزائل حملوں کی نئی بوچھاڑ،چارافرادہلاک
اشاعت کی تاریخ: 14th, June 2025 GMT
ایرانی میزائلوں سے 64 افراد زخمی اور عمارتوں کو نقصان پہنچا ،اسرائیل کی تصدیق
……………………………………………….
ایران نے اسرائیلی سرزمین کی طرف میزائلوں کی نئی بارش کردی جس کے نتیجے میں چارافراد ہلاک اور 64زخمی ہوگئے۔
ایران کے سرکاری ٹیلی ویژن نے اطلاع دی کہ ایرانی میزائل حملوں کی ایک نئی بوچھاڑ تہران اور کرمنشاہ سے شروع کی گئی۔
کرمنشاہ مغربی ایران کا ایک شہر ہے۔ ایرانی حملوں کے بعد اسرائیل بھر میں فضائی حملے کے سائرن بج رہے تھے۔ تل ابیب میں دھماکوں کی آوازیں سنی گئیں۔
اسرائیلی فوج نے وضاحت کی ہے کہ اسرائیل میں سنی جانے والے دھماکے یا تو مداخلت یا میزائل کے اثرات کا نتیجہ تھے۔
میزائل حملوں کے عروج پر اسرائیلی فوج نے رہائشیوں سے بم پروف بنکروں اور پناہ گاہوں میں رہنے کی اپیل کی۔
بعد میں یہ انتباہ اٹھا لیا گیا اور شہریوں کو بم پروف پناہ گاہوں سے نکلنے کی اجازت دے دی گئی تاہم کہا گیا کہ وہ ان پناہ گاہوں کے قریب ہی رہے۔
ایرانی مسلح افواج نے ایرانی سرزمین پر حملوں کے جواب میں اسرائیل کے خلاف آپریشن شروع کرنے کا اعلان کیا۔
ایرانی میڈیا نے اطلاع دی ہے کہ ایران نے اسرائیل کی طرف سینکڑوں بیلسٹک میزائل داغے۔ یہ شدید اسرائیلی حملوں پر تہران کے ردعمل کا آغاز ہے۔
ایرانی پاسداران انقلاب نے اپنی طرف سے کہا کہ اس نے ایران پر حملوں کے جواب میں اسرائیل میں درجنوں اہداف پر حملے کیے ہیں۔
ایران کی جانب سے بیلسٹک میزائلوں کے حملے کے بعد تل ابیب پر گہرا دھواں اٹھ گیا۔ دھماکوں کی آوازیں سنائی دیتی رہیں ۔
ساحلی شہر میں کئی فلک بوس عمارتوں پر دھوئیں کے بادل چھا گئے۔ اسرائیل نے اطلاع دی ہے کہ ایرانی میزائل حملوں کے نتیجے میں وسطی اسرائیل میں 64افراد زخمی ہوئے ۔
اسرائیلی فائر سروس نے یہ بھی اعلان کیا کہ اس کی ٹیموں نے ایرانی میزائل حملے کے نتیجے میں ہونے والے کئی بڑے واقعات پر رد عمل دیا ہے۔
اسرائیلی فوج نے اس بات کی تصدیق کی ہے کہ ایرانی میزائل کی مداخلت سے عمارتوں کی ایک محدود تعداد کو نقصان پہنچا ۔
.ذریعہ: Juraat
کلیدی لفظ: ایرانی میزائل میزائل حملوں حملوں کے کہ ایران
پڑھیں:
ایران کا اسرائیل کے خلاف ’آپریشن وعدہ صادق سوم‘ جاری، میزائل حملوں میں 4 اسرائیلی ہلاک
ایران نے اسرائیلی جارحیت کے جواب میں ’آپریشن وعدہ صادق سوم‘ کے تحت بھرپور جوابی کارروائی کرتے ہوئے اسرائیل پر بیلسٹک میزائلوں کی بوچھاڑ کردی۔ ایرانی حملوں کے نتیجے میں اب تک4 اسرائیلی شہری ہلاک اور 90 سے زائد زخمی ہو چکے ہیں۔
میڈیا رپورٹس کے مطابق ایران نے گزشتہ شب اسرائیل کے مختلف علاقوں پر200 سے زیادہ بیلسٹک اور کروز میزائل داغے، جن میں اہم عسکری تنصیبات، ایئربیسز اور حساس تحقیقی مراکز کو نشانہ بنایا گیا۔ اسرائیلی میڈیا نے تصدیق کی ہے کہ تل ابیب کے جنوبی حصے میں ایرانی حملے میں جانی نقصان ہوا ہے۔
ایرانی میزائلوں نے تل ابیب میں 7 مختلف مقامات کو ہدف بنایا، جس کے بعد شہر میں خطرے کے سائرن بجنے لگے اور شہری جان بچانے کے لیے پناہ گاہوں میں دوڑ پڑے۔
رپورٹ کے مطابق ان حملوں میں9 عمارتیں مکمل طور پر تباہ ہو گئیں جبکہ سینکڑوں رہائشی یونٹس کو بھی شدید نقصان پہنچا۔
ایرانی عسکری قیادت کا مؤقفسپاہ پاسداران انقلاب کے اعلیٰ کمانڈر جنرل وحیدی نے تصدیق کی کہ ایران نے صہیونی حکومت کے اہم فضائی اڈوں اور دفاعی مراکز کو نشانہ بنایا ہے۔
انہوں نے واضح کیا کہ آپریشن وعدہ صادق سوم جاری رہے گا اور جب تک ضروری ہوا، ایران اپنے دفاع کا حق استعمال کرتا رہے گا۔
حملوں کا پس منظریاد رہے کہ گزشتہ روز اسرائیلی فضائی حملوں میں ایران کے مختلف شہروں کو نشانہ بنایا گیا تھا، جن میں9 ایرانی سائنسدانوں سمیت 80 سے زیادہ افراد شہید ہوئے تھے۔ ان حملوں کے ردِعمل میں ایران نے ’وعدہ صادق سوم‘ کے نام سے وسیع پیمانے پر فوجی آپریشن کا آغاز کیا۔
بین الاقوامی خدشاتخطے میں بڑھتی ہوئی کشیدگی نے عالمی برادری کو تشویش میں مبتلا کر دیا ہے اور خدشہ ظاہر کیا جا رہا ہے کہ یہ صورت حال مشرقِ وسطیٰ میں بڑے پیمانے پر جنگ کی شکل اختیار کر سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیلی ہلاک ایران آپریشن ایران اسرائیل جنگ تل ابیب وی نیوز
ن لیگی عوام کو نہیں بلکہ خود کو بے وقوف بنا رہے ہیں، چوہدری پرویز الہٰی