چین کے سابق وزیر زراعت کو رشوت لینے کے الزام میں سزائے موت
اشاعت کی تاریخ: 28th, September 2025 GMT
بیجنگ:
چین کے سابق وزیرزراعت اور دیہی امور تینگ رینجیان کو صوبہ جیلین کی عدالت نے رشوت لینے کے الزام پر مہلت کے ساتھ سزائے موت سنا دی۔
غیرملکی خبرایجنسی نے چین کی سرکاری نشریاتی ادارے کے حوالے سے بتایا کہ سابق وزیر زراعت تینگ رینجیان نے 2007 سے 2024 تک اپنی وزارت کے دوران مجموعی طور پر 37.6 ملین ڈالر (268 ملین یوآن) نقد اور جائیداد کی صورت میں رشوت وصول کی۔
رپورٹ میں بتایا گیا کہ چینگچون انٹرمیڈیٹ پیپلز کورٹ نے سابق وزیر کی سزائے موت دو سال کے لیے معطل کردی ہے اور نشان دہی کی ہے کہ ملزم نے اپنے جرائم کا اعتراف کیا ہے۔
چین کی کمیونسٹ پارٹی نے تینگ رینجیان کو نومبر 2024 میں پارٹی سے نکال دیا تھا اور 6 ماہ بعد انسداد رشوت ستانی کے محکمے نے انہیں شامل تفتیش کیا گیا تھا اور عہدے سے بھی ہٹا دیا تھا۔
سابق وزیر زراعت تینگ رینجیان کے خلاف تفتیش غیرمعمولی طور پر تیزی سے مکمل ہوئی اور اس کے لیے وزیردفاع لی شینگفو اور ان کے پیش رو وائی فینگھے کی طرح تفتیش کی گئی۔
تینگ رینجیان وزیر زراعت اور دیہی امور بننے سے قبل 2017 سے 2020 تک مغربی صوبہ گینسو کے گورنر تھے۔
یاد رہے کہ چینی صدر شی جن پنگ نے چین کے داخلی سلامتی ڈھانچے میں تطہیر کا عمل شروع کیا تھا، جس کا مقصد شفافیت پر مبنی نظام تشکیل دینے کے لیے پولیس، تفتیش کاروں اور ججوں کو کرپشن سے دور کرنا ہے۔
صدر شی جن پنگ نے کہا تھا کہ کرپشن چین کی کمیونسٹ پارٹی کے لیے سب سے بڑا خطرہ ہے اور مسلسل اضافہ ہو رہا ہے۔
.ذریعہ: Express News
کلیدی لفظ: تینگ رینجیان کے لیے
پڑھیں:
نارووال میں گرین ٹریکٹر تقسیم، سائنسی اصولوں کے بغیر ترقی ناممکن: احسن اقبال
نارووال (نمائندہ نوائے وقت) محکمہ زراعت توسیع کے زیر اہتمام میونسپل کمیٹی کے جناح ہال میں حکومت پنجاب کی طرف سے کسانوں میں گرین ٹریکٹر تقسیم کرنے کی تقریب ہوئی۔ مہمان خصوصی وفاقی وزیر پلاننگ اینڈ ڈویلپمنٹ پروفیسر احسن اقبال نے شرکت کی۔ امین بیت المال پنجاب خواجہ محمد وسیم بٹ، اسسٹنٹ کمشنر محمد اقبال اکرم، ڈائریکٹر زراعت توسیع گوجرانوالہ ڈاکٹر محمد شکیل، ڈپٹی ڈائریکٹر زراعت توسیع نارووال افتخار احمد، ضلعی صدر پی ایم ایل پیر اظہرالحسن گیلانی، اے ڈی زراعت شکرگڑھ جاوید شہزاد،حافظ بنیامین سمیت کاشتکاروں نے کثیر تعداد میں شرکت کی۔ ڈائریکٹر زراعت توسیع ڈاکٹر محمد شکیل نے وفاقی وزیر منصوبہ بندی وترقی کو ضلع بھر میں وزیراعلی پنجاب کی طرف سے خصوصی نرخوں پر جاری کاشتکاروں میں گرین ٹریکٹر سکیم کی تقسیم کے حوالے سے بریفنگ دی۔ وفاقی وزیر منصوبہ بندی وترقی احسن اقبال نے تقریب سے خطاب کرتے ہوئے کہا کہ کسان دھرتی کا سینہ چیر کر اور محنت کے پسینے سے خوراک اگا کر ہمیں خود کفیل کرتے ہیں اور ملک کی معیشت کو مضبوط بنانے میں اپنا حصہ ڈالتے ہیں۔ گرین ٹریکٹر سکیم سے چھوٹے زمینداروں کی حوصلہ افزائی ہوگی تاکہ ملکی پیداوار میں بھرپور اضافہ ہوسکے۔ اس سے لاگت کم اور پیداوار میں اضافہ ہوگا۔ محکمہ زراعت کی ذمہ داری ہے کہ وہ کسانوں کی رہنمائی کرے۔ اب سائنسی اصولوں کے بغیر زرعی ترقی نا ممکن ہے۔ وفاقی وزیر نے کامیاب کسانوں کو گرین ٹریکٹر ملنے پر مبارکباد پیش کی۔ بعد ازاں انہوں نے کسانوں میں گرین ٹریکٹرز کی چابیاں بھی تقسیم کیں۔
کرپشن اسکینڈل؛ پنجاب بھر کے لائسنسنگ سینٹرز کا اسپیشل آڈٹ کرنے کا فیصلہ