خلیج کیمبے پر موجود کم دباؤ شمال مغرب کی طرف بڑھ گیا، کراچی میں بارش کا امکان
اشاعت کی تاریخ: 30th, September 2025 GMT
کراچی:
خلیج کیمبے اور اس سے ملحقہ گجرات (انڈیا) پر موجود کم دباؤ کا علاقہ مغرب اور شمال مغرب کی طرف بڑھنے کے بعد محکمہ موسمیات نے سائیکلون کا دوسرا الرٹ جاری کر دیا۔
محکمہ موسمیات کے مطابق کراچی سے تقریباً 340 کلومیٹر جنوب مشرق میں سوراشٹرا، گجرات کے قریب ہے، امکان ہے کہ یہ نظام مغرب اور جنوب مغرب کی طرف بڑھے گا جبکہ رات یا کل صبح تک خلیج کَچھ کے ساتھ شمال مشرقی بحیرہ عرب میں ابھرے گا۔
سازگار ماحولیاتی حالات، سمندر کی سطح کا درجہ حرارت، کم یا اعتدال پسند ونڈ شیئر اور بالائی سطح کے ڈائیورژن کی وجہ سے، کل تک سسٹم کے مزید شدت سے ڈپریشن میں جانے اور ابتدائی طور پر مغرب پھر جنوب مغرب کی سمت بڑھنے کا امکان ہے۔
سسٹم کے زیر اثر تھرپارکر، عمرکوٹ، سانگھڑ، میرپورخاص، بدین، شہید بینظیر آباد، نوشہروفیروز، حیدرآباد، جامشورو، ٹھٹھہ، سجاول، ٹنڈو محمد خان، ٹنڈو اللہ یار میں آندھی اور گرج چمک کے ساتھ ہلکی سے درمیانی شدت کی بارش کا امکان ہے۔
مٹیاری کے اضلاع اور کراچی ڈویژن میں آج اور کل بارش ہو سکتی ہے۔
سمندری حالات 45 سے 55 کلو میٹر فی گھنٹہ کی رفتار سے چلنے والی ہواؤں کے ساتھ ناہموار اور بہت ناہموار رہنے کا امکان ہے۔ سندھ کے ماہی گیروں کو ہدایت کی گئی ہے کہ وہ 2 اکتوبر تک گہرے سمندر میں نہ جائیں۔
پی ایم ڈی کا سائیکلون وارننگ سینٹر، کراچی سسٹم کی نگرانی کر رہا ہے۔
.ذریعہ: Express News
کلیدی لفظ: امکان ہے کا امکان مغرب کی
پڑھیں:
ملک گیر بارشوں کی پیشنگوئی، محکمہ موسمیات نے وارننگ جاری کر دی
data-id="863a0a8" data-element_type="widget" data-widget_type="theme-post-content.default">
لاہور: پنجاب کے بالائی علاقوں میں مغربی ہواؤں کے داخل ہونے کے بعد صوبے بھر میں بارشوں کا سلسلہ شروع ہونے کا امکان ہے۔ پی ڈی ایم اے پنجاب نے بارشوں کے پیش نظر الرٹ جاری کرتے ہوئے متعلقہ اداروں کو ہدایت دی ہے کہ وہ حفاظتی اقدامات کو یقینی بنائیں۔
پی ڈی ایم اے کے مطابق آج رات سے 7 اکتوبر تک پنجاب کے بیشتر اضلاع میں بارشیں متوقع ہیں، جبکہ بالائی علاقوں میں پانی کے بہاؤ میں اضافے کا خدشہ ہے۔ راولپنڈی، مری، گلیات، اٹک، چکوال، جہلم، گجرات، گوجرانوالہ، حافظ آباد اور وزیر آباد میں بارش کا امکان ہے، جب کہ لاہور، قصور، شیخوپورہ، سیالکوٹ، نارووال، سرگودھا، جھنگ، ننکانہ اور ٹوبہ ٹیک سنگھ میں بھی بارشوں کی پیشگوئی کی گئی ہے۔
مزید برآں 6 اکتوبر تک ڈیرہ غازی خان، بھکر، لیہ، ملتان، بہاولپور، بہاولنگر، راجن پور اور رحیم یار خان میں گرج چمک کے ساتھ بارش متوقع ہے۔ پی ڈی ایم اے نے خبردار کیا ہے کہ مری، گلیات اور راولپنڈی میں بارشوں کے نتیجے میں ندی نالوں میں طغیانی آسکتی ہے۔
صوبائی ڈیزاسٹر مینجمنٹ اتھارٹی نے تمام کمشنرز اور ڈپٹی کمشنرز سمیت لوکل گورنمنٹ، محکمہ زراعت، آبپاشی، صحت، جنگلات، لائیو اسٹاک اور ٹرانسپورٹ کو الرٹ جاری کردیا ہے۔ شہریوں سے اپیل کی گئی ہے کہ وہ غیر ضروری سفر سے گریز کریں، ریسکیو اداروں سے تعاون کریں اور ہنگامی صورتحال میں پی ڈی ایم اے ہیلپ لائن 1129 پر رابطہ کریں۔
ادھر محکمہ موسمیات کے مطابق اسلام آباد، گلگت بلتستان اور کشمیر میں بھی بارش کا امکان ہے۔ سندھ کے اضلاع دادو، بدین، مٹھی، میرپورخاص، حیدرآباد، سجاول، کراچی اور ٹھٹھہ میں بھی بارشیں متوقع ہیں۔
خیبرپختونخوا کے میدانی علاقوں میں موسم گرم اور خشک رہے گا تاہم پشاور، نوشہرہ، صوابی، دیر، چترال، سوات، کوہستان، شانگلہ، بٹگرام، مانسہرہ اور ایبٹ آباد میں بارش ہوسکتی ہے۔ پنجاب اور بلوچستان کے بیشتر علاقے گرم اور خشک موسم کی لپیٹ میں رہیں گے۔
ویب ڈیسک
دانیال عدنان
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت