جناح اسپتال: گائنی وارڈ میں فائرنگ سے خاتون جاں بحق
اشاعت کی تاریخ: 5th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) صدر تھانے کی حدود میں واقع جناح اسپتال کے گائنی وارڈ میں گولی لگنے سے ایک خاتون جاں بحق ہوگئیں جبکہ اسپتال کے باہر فائرنگ کی زد میں آکر ایک شہری زخمی ہوگیا۔ پولیس کے مطابق جاں بحق خاتون کی شناخت 50سالہ فہمیدہ زوجہ ظفر اقبال کے نام سے ہوئی ہے، جو ملیر کے علاقے ابراہیم ولاز سوسائٹی فیز 2 کی رہائشی اور آبادئی تعلق رحیم یار خان سے تھا ۔ متوفیہ کی بیٹی اسپتال میں زیر علاج تھی، جبکہ فہمیدہ جناح اسپتال کی دوسری منزل کے گائنی وارڈ کے باہر چہل قدمی کر رہی تھیں کہ اچانک سینے میں گولی لگنے سے موقع پر جاں بحق ہوگئیں۔ ابتدائی تفتیش میں پتا چلا ہے کہ اسپتال کے باہر 2ملزمان آپس میں فائرنگ کرتے ہوئے فرار ہو رہے تھے، جس دوران ایک گولی خاتون کو جا لگی۔ فائرنگ کے اسی واقعے میں25سالہ عبدالرزاق ولد ممتاز نامی مزدور بھی زخمی ہوا، جو اسپتال کے قریب واقع ہوٹل سے چائے لینے جا رہا تھا۔پولیس نے شواہد جمع کر لیے، واقعے کی مزید تحقیقات جاری ہیں۔
ذریعہ
ذریعہ: Jasarat News
کلیدی لفظ: اسپتال کے
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار