جنوبی افریقہ کی پاکستان میں اسپن وکٹوں کے لیے خصوصی تیاریاں مکمل
اشاعت کی تاریخ: 6th, October 2025 GMT
جنوبی افریقی کرکٹ ٹیم کے کپتان ایڈن مارکرم نے کہا ہے کہ ورلڈ ٹیسٹ چیمپئن شپ کے نئے سائیکل کے آغاز پر ان کی ٹیم کو بطور دفاعی چیمپئن دیگر ٹیموں کا خصوصی ہدف بننا پڑے گا۔
جنوبی افریقہ اتوار سے پاکستان کے خلاف 2 ٹیسٹ میچوں کی سیریز کھیلنے جا رہا ہے، جس کے بعد نومبر میں بھارت میں 2 میچز ہوں گے۔
یہ بھی پڑھیں:جنوبی افریقہ کے خلاف ٹیسٹ سیریز کے لیے پاکستانی اسکواڈ کا اعلان، شان مسعود کپتان برقرار، امام الحق کی واپسی، صائم ایوب ڈراپ
یہ سیریز اس مہم کا حصہ ہے جس میں جنوبی افریقہ کرکٹ ٹیم رواں برس جون میں آسٹریلیا کو لارڈز میں 5 وکٹوں سے شکست دے کر حاصل کی گئی ٹیسٹ چیمپیئن شپ ٹرافی کا دفاع کرنا چاہتی ہے۔
ورلڈ ٹیسٹ چیمپئن شپ 2 سالہ چکر میں مکمل ہوتی ہے، جس کے اختتام پر سرفہرست 2 ٹیمیں 5 روزہ فائنل میں آمنے سامنے آتی ہیں۔
Back To Work ????#TheProteas hit camp ahead of the Pakistan tour starting 12 October 2025! ???? pic.
— Proteas Men (@ProteasMenCSA) October 6, 2025
مارکرم نے پیر کے روز پریس کانفرنس میں کہا کہ اگر آپ نے ٹرافی جیتی ہے تو ظاہر ہے کہ اب دیگر ٹیمیں آپ کو ہدف بنائیں گی اور یہ بات بالکل درست ہے۔
’ہم دوبارہ فائنل تک پہنچنا اور وہ ٹرافی دوبارہ اٹھانا چاہتے ہیں، لیکن اس کے لیے ہمیں سمجھنا ہوگا کہ ہر ٹیم ہمارے خلاف بھرپور تیاری سے میدان میں اترے گی۔‘
مزید پڑھیں: پاکستان اور جنوبی افریقہ سیریز کے لیے میچ آفیشلز کا اعلان
ایڈن مارکرم اس دورے میں کپتانی کے فرائض انجام دیں گے کیونکہ ٹیمبا باووما پنڈلی کی انجری کے باعث اسکواڈ سے باہر ہیں۔
انہوں نے کہا کہ ٹیم مختلف حالات میں بہتر کھیل پیش کرنے کے لیے خود کو مسلسل بہتر بنا رہی ہے۔
’ہمارا سفر پاکستان سے شروع ہو رہا ہے، اور یہ ایک بڑا چیلنج ہے جس کے لیے تمام کھلاڑی تیار ہیں۔‘
جنوبی افریقہ کی ٹیم نے پریٹوریا کے ہائی پرفارمنس سینٹر میں اسپن وکٹوں پر خصوصی مشق کی ہے۔
مزید پڑھیں:ورلڈ چیمپیئن شپ آف لیجنڈز فائنل: جنوبی افریقہ نے پاکستان کو ہرا کر ٹائٹل اپنے نام کرلیا
ایڈن مارکرم نے کہا کہ جنوبی افریقہ نے کچھ ایسی پچیں تیار کی ہیں جہاں گیند غیر معمولی طور پر زیادہ اسپن ہوتی ہے۔
’ہم نے سوچا کہ اگر یہاں زیادہ اسپن سے کھیلنے کی مشق کریں تو پاکستان پہنچ کر حالات کو بہتر طور پر سنبھال سکیں گے۔‘
ایڈن مارکرم نے مزید کہا کہ پاکستان میں وکٹیں قدرتی طور پر کم باؤنس اور ’سکڈ‘ والی ہوتی ہیں، جن کی بالکل نقل جنوبی افریقہ میں ممکن نہیں۔
مزید پڑھیں:سہ فریقی کرکٹ سیریز: جنوبی افریقہ کے خلاف میچ میں پاکستان نے کون سے 2 نئے ریکارڈ قائم کیے؟
’تاہم ٹیم نے ایسی پچوں پر کھیلنے کی بھرپور کوشش کی ہے تاکہ وہاں کی صورتحال سے ہم آہنگی پیدا کی جا سکے۔‘
پاکستان اور جنوبی افریقہ کے درمیان پہلا ٹیسٹ 12 اکتوبر کو لاہور میں کھیلا جائے گا، جب کہ دوسرا ٹیسٹ 20 اکتوبر سے راولپنڈی میں شروع ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انجری ایڈن مارکرم پاکستان ٹیسٹ کرکٹ جنوبی افریقہ
ذریعہ
ذریعہ: WE News
کلیدی لفظ: ایڈن مارکرم پاکستان ٹیسٹ کرکٹ جنوبی افریقہ جنوبی افریقہ ایڈن مارکرم کہا کہ کے لیے
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا