روایتی فصلوں سے ہٹ کر منافع بخش فصلوں کی طرف جانا ہوگا؛ احسن اقبال
اشاعت کی تاریخ: 6th, October 2025 GMT
سٹی 42 : وفاقی وزیر احسن اقبال نے کہا ہے کہ متاثرہ کسانوں کو فوری اور طویل مدتی ریلیف دینا حکومت کی اولین ترجیح ہے ۔
وفاقی وزیر احسن اقبال کی زیرِ صدارت کابینہ کمیٹی برائے زراعت و موسمیاتی ایمرجنسیز کا پہلا اجلاس ہوا۔ احسن اقبال نے اجلاس سے گفتگو میں کہا کہ متاثرہ کسانوں کو فوری معاوضہ اور بیج فراہم کیے جائیں۔ انہوں نے 15 دن میں کسانوں کو کینولا کے بیج فراہم کرنے کی ہدایت کردی۔
کراچی سے لاہور جانے والی ملت ایکسپریس بڑے حادثے سے بال بال بچ گئی
احسن اقبال نے کہا کہ نارووال میں 5 ہزار ایکڑ پر کینولا پائلٹ منصوبہ شروع کیا جا رہا ہے، روایتی فصلوں سے ہٹ کر منافع بخش فصلوں کی طرف جانا ہوگا۔ انہوں نے کہا کہ حکومت بلاسود قرضہ اسکیموں میں توسیع کرے گی۔ کسانوں کے تحفظ کیلئے نجی انشورنس نظام کی جانب منتقل ہونا ضروری ہے۔
وفاقی وزیر احسن اقبال نے کہا کہ وفاقی و صوبائی حکومتوں کی مشاورت سے تین ٹاسک فورسز قائم کرنے کی ہدایت کی گئی ہے۔ ٹاسک فورسز 15 دن میں اپنی رپورٹس وزیراعظم کو پیش کریں گی ۔ انہوں نے کہا کہ موسمیاتی تبدیلی مستقل چیلنج بن چکی ہے، سیلاب اور خشک سالی جیسے خطرات سے نمٹنے کیلئے طویل مدتی پالیسی ناگزیر ہے۔
وفاقی وزیر داخلہ محسن نقوی کی کراچی آمد؛ وزیر داخلہ سندھ سے والدہ کے انتقال پر تعزیت کی
اجلاس میں وفاقی وزراء، صوبائی وزراء اور متعلقہ محکموں کے حکام شریک ہوئے ۔
.ذریعہ: City 42
کلیدی لفظ: احسن اقبال نے وفاقی وزیر نے کہا کہ
پڑھیں:
جوڈیشل کمیشن کے 3 اجلاسوں کا ایجنڈا جاری، ججز تعیناتی سے متعلق فیصلے کیے جائیں گے
چیف جسٹس کی سربراہی میں جوڈیشل کمیشن آف پاکستان کے اجلاس 2 دسمبر کو ہوں گے، 2 دسمبر کو سپریم کورٹ میں جوڈیشل کمیشن کے تین اجلاس ہوں گے۔
جوڈیشل کمیشن کی جانب سے تینوں اجلاسوں کا ایجنڈا جاری کردیا گیا، سپریم کورٹ میں مستقل جج کی تعیناتی، چیف جسٹس سندھ اور بلوچستان ہائیکورٹس کے لیے ناموں کی منظوری دی جائے گی۔
2 دسمبر کو جوڈیشل کمیشن کا پہلا اجلاس 1:30،دوسرا اجلاس 2 بجے جبکہ تیسرا اجلاس 2:30 بجے دوپہر ہو گا۔
ایجنڈے کے مطابق جوڈیشل کمیشن کے پہلے اجلاس میں چیف جسٹس سندھ ہائی کورٹ کی تعیناتی پر غور ہوگا، سندھ ہائی کورٹ میں چیف جسٹس کی تعیناتی کیلئے پہلے تین سینئر ججز کے ناموں پر غور ہوگا۔
جوڈیشل کمیشن کے دوسرے اجلاس میں چیف جسٹس بلوچستان ہائیکورٹ کی تعیناتی پر غور ہوگا، مستقل چیف جسٹس بلوچستان ہائیکورٹ کی تعیناتی کیلئے پہلے تین سینئر ججز کے ناموں پر غور ہوگا، جوڈیشل کمیشن کے تیسرے اجلاس میں اسلام آباد ہائی کورٹ سے ایک جج کی سپریم کورٹ تقرری تعیناتی پر غور ہوگا۔
سپریم کورٹ میں جج کی تعیناتی کیلئے اسلام آباد ہائی کورٹ کے پہلے تین سینئر ججز کے ناموں پر غور ہوگا، اسلام آباد ہائی کورٹ کے تین سینئر ججز میں چیف جسٹس سرفراز ڈوگر، جسٹس محسن اختر کیانی اور جسٹس میاں گل حسن اورنگزیب شامل ہیں۔
خالق سے سب کچھ ہونے کے یقین پر محنت کی ضرورت، علماء: رائیونڈ اجتماع کا دوسرا مرحلہ شروع