ٹیکنالوجی میں نئی پیش رفت، چین کا زیرِ آب ڈیٹا سینٹر عملی طور پر فعال
اشاعت کی تاریخ: 7th, October 2025 GMT
data-id="863a0a8" data-element_type="widget" data-widget_type="theme-post-content.default">
بیجنگ: چین نے ٹیکنالوجی کی دنیا میں ایک نیا سنگ میل قائم کرتے ہوئے دنیا کا پہلا زیرِ آب کمرشل ڈیٹا سینٹر متعارف کرا دیا ہے۔
یہ جدید منصوبہ صوبہ ہائنان کے علاقے لینگشوئی میں تعمیر کیا گیا ہے، جس کا مقصد توانائی کی بچت اور غیر ملکی سرمایہ کاری میں اضافہ ہے۔
یہ منصوبہ شینزن ہائی کلاؤڈ ڈیٹا سینٹر ٹیکنالوجی کمپنی نے مکمل کیا ہے۔ کمپنی کے مطابق سرورز کو 1300 ٹن وزنی ڈیٹا کیبنز میں رکھا گیا ہے، جو سمندر کی سطح سے 35 میٹر نیچے نصب ہیں۔ ہر کیبن میں 24 سرورز رکھے گئے ہیں، جب کہ مجموعی طور پر 400 سے 500 سرورز کو ایک ساتھ کام کرنے کے قابل بنایا گیا ہے۔
ڈیٹا سینٹر کو ٹھنڈا رکھنے کے لیے سمندری پانی استعمال کیا جا رہا ہے، جس سے توانائی کے استعمال میں نمایاں کمی آئے گی۔ کمپنی نے اگلے پانچ سالوں میں 100 مزید زیرِ آب ڈیٹا کیبنز تعمیر کرنے کا منصوبہ بنایا ہے۔
ماہرین کا کہنا ہے کہ زمین پر قائم ڈیٹا سینٹرز بجلی کا بے پناہ استعمال کرتے ہیں، خاص طور پر کولنگ سسٹمز کے لیے۔ زیرِ آب ڈیٹا سینٹرز کے ذریعے ان اخراجات میں 90 فیصد تک کمی ممکن ہو سکے گی، جو مستقبل میں ڈیجیٹل انفراسٹرکچر کے لیے ایک بڑی پیش رفت ثابت ہوگی۔
.
ذریعہ
ذریعہ: Jasarat News
کلیدی لفظ: ڈیٹا سینٹر
پڑھیں:
پنجاب بھر میں دفعہ 144 کے نفاذ میں توسیع
لاہور: پنجاب بھر میں دفعہ 144 کے نفاذ میں توسیع کردی گئی۔محکمہ داخلہ پنجاب کے مطابق صوبہ بھر میں کھلی فضا میں ڈرون اُڑانے پر مکمل پابندی برقرار ہے، دفعہ 144 کے تحت آؤٹ ڈور ڈرون اڑانے پر عائد پابندی میں 30 روز کی توسیع کر دی گئی ہے۔حکومت پنجاب نے یہ فیصلہ سکیورٹی خدشات کے پیشِ نظر کیا ہے۔اعلامیے میں کہا گیا ہے کہ ہالز اور مارکیز کے اندر تقریبات کے دوران چھوٹے ڈرون کے محدود استعمال کی اجازت ہے، جبکہ اندرونی تقریبات میں ڈرون کے محفوظ استعمال کی ذمہ داری منتظمین پر عائد ہوگی۔حکومتی ہدایت کے مطابق قانون نافذ کرنے والے ادارے اور انٹیلیجنس ایجنسیاں اس پابندی سے مستثنیٰ ہوں گی اور وہ اپنے فرائض کے مطابق ڈرون سمیت دیگر ٹیکنالوجی استعمال کر سکیں گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ