مسجد نبوی ﷺ میں معذور افراد و بزرگوں کے لیے خصوصی سہولیات کی فراہمی
اشاعت کی تاریخ: 10th, October 2025 GMT
مسجد نبوی ﷺ میں معذور افراد اور بزرگوں کے لیے خصوصی سہولیات کا اضافہ کردیا گیا۔
یہ بھی پڑھیں: مسجد نبویؐ میں ٹھنڈی چھاؤں دیتی 250 خودکار چھتریاں عابدین کے لیے بڑی نعمت
سعودی پریس ایجنسی کے مطابق حرمین شریفین کے امور کی دیکھ بھال کرنے والی جنرل اتھارٹی نے اعلان کیا ہے کہ مسجد نبوی ﷺ میں معذور افراد اور بزرگ نمازیوں کے لیے عبادت کو آسان اور محفوظ بنانے کے لیے خصوصی فیلڈ اور تکنیکی خدمات فراہم کی جا رہی ہیں۔
اتھارٹی نے بتایا کہ مسجد نبوی میں آنے والے معذور اور بزرگ افراد کی نقل و حرکت کو سہل بنانے کے لیے خصوصی بیت الخلا، داخلی راستوں پر ریمپس (ڈھلوان راستے) اور صحنوں میں برقی گاڑیاں (الیکٹرک کارٹس) فراہم کی گئی ہیں۔
مزید پڑھیے: مسجد نبویؐ کے صحن کے پنکھے، جمال بھی کمال بھی
مزید برآں مسجد کے تمام اہم مقامات پر سمتی اشارے بھی نصب کیے گئے ہیں تاکہ داخلی و خارجی راستوں تک آسان رسائی ممکن ہو۔
ان تمام سہولیات کی نگرانی اور مدد کے لیے 24 گھنٹے فیلڈ سروس اسٹیشنز بھی فعال ہیں۔
بصارت و سماعت سے محروم افراد کے لیے دینی سہولیاتاتھارٹی نے بصارت سے محروم افراد کے لیے بریل رسم الخط میں قرآن مجید کی دستیابی کو یقینی بنایا ہے جبکہ جمعے کے خطبے کی اشاروں کی زبان میں ترجمانی کی سہولت بھی فراہم کی جاتی ہے تاکہ سماعت سے محروم افراد بھی خطبے سے فیض حاصل کر سکیں۔
مزید پڑھیں: وزیراعظم محمد شہباز شریف کی مسجد نبویﷺ میں حاضری اور روضہ رسولﷺ کی زیارت کی سعادت
ان اقدامات کا مقصد یہ ہے کہ تمام نمازی خواہ کسی بھی جسمانی محدودیت کا شکار ہوں مسجد نبوی میں فراہم کی جانے والی تمام مذہبی، سہولتی اور خدماتی نظام تک بآسانی رسائی حاصل کر سکیں جن میں زم زم کے پانی کے اسٹیشنز بھی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
مسجد نبوی ﷺ مسجد نبویﷺ میں معذوروں کے لیے سہولیات.ذریعہ: WE News
کلیدی لفظ: مسجد نبوی ﷺ کے لیے خصوصی مسجد نبوی ﷺ فراہم کی
پڑھیں:
’کم ظرف کی گفتگو سنیں، اس کو جیل میں فائیو اسٹار سہولیات میسر ہیں‘، خواجہ آصف کی عمران خان پر تنقید
پاکستان مسلم لیگ (ن) کے سینیئر رہنما اور وزیر دفاع خواجہ آصف نے نام لیے بغیر جیل میں قید سابق وزیراعظم اور بانی چیئرمین پاکستان تحریک انصاف عمران خان کو سخت تنقید کا نشانہ بنایا ہے۔
یہ بھی پڑھیں: بشریٰ بی بی فیض حمید کے لیے کام کررہی تھی تو اس میں شاہزیب خانزادہ کا کیا قصور؟ خواجہ آصف برس پڑے
ایکس پر جاری اپنے بیان میں خواجہ آصف نے کہا کہ ان (عمران خان) کو جیل میں غیرمعمولی سہولیات فراہم کی جا رہی ہیں۔
خواجہ آصف نے کہا کہ ’کم ظرف کی گفتگو سنیں ۔۔۔ اس کا کھانا باہر سے آتا ہے اور اس کا مینو ایسا ہے جو پانچ ستارہ ہوٹل میں بھی دستیاب نہیں ہوتا۔ اس کے پاس ٹی وی بھی ہے اور وہ اپنی مرضی کے چینل دیکھتا ہے۔ ورزش کی مشینیں تک موجود ہیں۔‘
انہوں نے اپنی سابقہ جیل قید کا حوالہ دیتے ہوئے کہا کہ وہ اور ان کے ساتھی ’ٹھنڈے فرش پر سوتے تھے، جیل کا عام کھانا کھاتے تھے اور جنوری کے مہینوں میں بغیر گرم پانی کے گزارا کرتے تھے۔
مزید پڑھیے: آپ نے تو جنرل باجوہ کو باپ بنا لیا تھا، خواجہ آصف کا پی ٹی آئی پر طنز
خواجہ آصف نے دعویٰ کیا کہ اس وقت کے سپرنٹنڈنٹ جیل اسد وڑائچ نے خود آ کر ان کا گیزر نکلوادیا تھا جبکہ آج کچھ لوگوں کو جیل میں ڈبل بیڈ اور مخملیں بستر تک میسر ہیں۔
انہوں نے مزید کہا کہ ایسے افراد کو چاہیے کہ جیل کے لاؤڈ اسپیکر پر اپنی تقاریر سنیں اور اللہ سے ڈریں کیونکہ وقت کی ملکیت کسی کے پاس نہیں ہوتی۔
کم ظرف کی گفتگو سنیں۔ اسکا کھانا باہر سے آتا ھے اور اسکا مینو چیک کریں 5سٹار ھوٹل میں وہ کھانا دستیاب نہیں ۔ اسکے پاس TV بھی ھے اور مرضی کے چینل دیکھتا ھے۔ ورزش کی مشینیں بھی موجود ھیں۔ ھم تو ٹھنڈے فرش پر سوتے تھے۔ کھانا جیل کا تھا۔ جیل کے دو کمبل تھے۔ جنوری کے مہینے تھے گرم… https://t.co/HZhnjKWBRV
— Khawaja M. Asif (@KhawajaMAsif) November 26, 2025
یاد رہے کہ سابق وزیراعظم عمران خان نے واشنگٹن میں ایک اجتماع سے خطاب کرتے ہوئے کہا تھا کہ ن لیگی لیڈرشپ کے حوالے سے کہا تھا کہ لوگوں کو جیل میں کھانا گھر کا چاہیے، ایئرکنڈیشن اور ٹی وی چاہیے جبکہ 80 فی صد پاکستانیوں کے پاس تو ایئر کنڈیشن اور 60 فیصد کے پاس ٹی وی نہیں ہے۔
ان کا کہنا تھا کہ ہم نے ان کو جیل سزا کاٹنے بھیجا ہوا ہے تو اگر جو یہ مانگ رہے ہیں اگر ہم وہ سب کو دے دیں تو پاکستان کی آدھی آبادی تو خوشی سے جیل میں رہنے کو تیار ہوجائے گی۔
مزید پڑھیں: پی ٹی آئی رہنما پاکستان کی جی ایس پی پلس سہولت کیخلاف مہم چلا رہے ہیں، خواجہ آصف
پھر عمران خان نے یہ بھی کہا تھا کہ ’میں ملک واپس جاکر نکالتا ہوں زرا یہ ٹی وی وغیرہ‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جیل میں سہولیات پر خواجہ آصف کا بیان خواجہ آصف کی عمران خان پر تنقید وزیر دفاع خواجہ آصف
معروف ای این ٹی سی پروفیسر جلیسی انتقال کرگئے