دہشتگردوں کے لیے نرم گوشہ نہیں رکھتے، شہدا کیساتھ کھڑے ہیں، سلمان اکر راجہ
اشاعت کی تاریخ: 11th, October 2025 GMT
پشاور میں پاکستان تحریک انصاف (پی ٹی آئی) کے رہنما سلمان اکرم راجہ نے پریس کانفرنس کرتے ہوئے کہا کہ ہم اپنے شہدا کے ساتھ کھڑے ہیں اور دہشت گردوں کے لیے کوئی نرم گوشہ نہیں رکھتے۔
انہوں نے کہا کہ دہشت گردی کی جڑیں بہت گہری ہیں، صرف عسکری طاقت سے اس کا خاتمہ ممکن نہیں، جنگ و جدل کا یہ سلسلہ کب ختم ہوگا؟ افغانستان کے ساتھ تعلقات کو موجودہ حکومت نے اس نہج پر پہنچایا ہے۔
یہ بھی پڑھیے: عمران خان کو امن و امان سے نہیں دہشتگردوں کو پناہ دینے سے غرض ہے، وفاقی وزیر اطلاعات عطا تارڑ
انہوں نے کہا کہ کل کی پریس کانفرنس کا لفظ بہ لفظ جواب دینا مناسب نہیں سمجھتے، تاہم قوم پاکستان تحریک انصاف کے ساتھ کھڑی ہے۔ ان کا کہنا تھا کہ آپ نے الیکشن لوٹا، اب رک جائیں۔
پی ٹی آئی رہنما نے تسلیم کیا کہ ملک کو شدید معاشی مسائل کا سامنا ہے، تاہم صوبائی حکومت کی تبدیلی ایک نئی شروعات ثابت ہوگی۔ انہوں نے کہا کہ ہمیں بتایا جا رہا ہے کہ خیبرپختونخوا میں گورنر راج نافذ کیا جا رہا ہے، مگر ایسی کوئی کارروائی عوامی نمائندوں کی مشاورت کے بغیر نہیں ہونی چاہیے۔
یہ بھی پڑھیے: ڈی آئی خان میں پولیس ٹریننگ سینٹر پر حملہ، 3 دہشتگرد ہلاک
سلمان اکرم راجہ نے واضح کیا کہ دہشت گردوں کو دوبارہ آباد کرنے کا منصوبہ پی ٹی آئی کا نہیں تھا، اس حوالے سے ہم پر بے بنیاد الزامات نہ لگائے جائیں۔ انہوں نے کہا کہ جو عناصر سرحد پار سے آرہے ہیں، ان سے متعلق فیصلہ مشاورت سے ہونا چاہیے۔
ان کا کہنا تھا کہ دنیا کا کوئی خطہ ایسا نہیں جہاں بات چیت نہ ہوتی ہو، لہٰذا ملک کے مسائل کو بات چیت اور اتفاقِ رائے سے حل کیا جانا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی دہشتگردی سلمان اکرم راجہ شہدا.
ذریعہ
ذریعہ: WE News
کلیدی لفظ: پی ٹی ا ئی دہشتگردی سلمان اکرم راجہ انہوں نے کہا کہ
پڑھیں:
چلاس: پی ٹی آئی کے مرکزی جنرل سیکریٹری سلمان اکرم راجا کو دیامر میں روک لیا گیا
فائل فوٹوپاکستان تحریک انصاف (پی ٹی آئی) کے مرکزی جنرل سیکریٹری سلمان اکرم راجا کو دیامر میں روک لیا گیا۔
پولیس کا کہنا ہے کہ سلمان اکرم راجا، شوکت بسرا، ضیاء الدین قریشی و دیگر کو واپس روانہ کردیا گیا۔
پی ٹی آئی رہنما سلمان اکرم راجہ کو الیکشن مہم کے سلسلے میں گلگت بلتستان جاتے ہوئے دیامر میں روکا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ