اسرائیل کو تسلیم نہ کرنے کے مؤقف پر پوری قوم یکجا ہے: حافظ نعیم
اشاعت کی تاریخ: 12th, October 2025 GMT
امیرِ جماعتِ اسلامی پاکستان حافظ نعیم الرحمٰن—فائل فوٹو
امیرِ جماعتِ اسلامی پاکستان حافظ نعیم الرحمٰن نے کہا ہے کہ اسرائیل کو تسلیم نہ کرنے کے موقف پر پوری قوم یکجا ہے۔
پشاور میں غزہ مارچ سے خطاب میں حافظ نعیم الرحمٰن نے کہا ہے کہ اسرائیل سے متعلق یہ قوم وقت آنے پر حکومت اور اپوزیشن سے ضرور حساب مانگے گی۔
انہوں نے کہا کہ مسلمان اور عرب حکمرانوں کی کمزوری کے باعث اسرائیل ہمارے بچوں کو قتل کرتا رہا، اسرائیل کو تسلیم نہ کرنے کے مؤقف پر پاکستانی قوم یکجا ہے۔
امیرِ جماعتِ اسلامی نے کہا کہ اہلِ فلسطین نے اسرائیلی دہشت گردی کا مقابلہ کیا ہے، فلسطینی گھروں کے ملبے کے ڈھیر پر اللّٰہ کے بھروسے فتح کا نشان بنا رہے ہیں۔
اُن کا کہنا ہے کہ غزہ کی مائیں 2 سال مسلسل بارود کے باوجود ڈٹ کر کھڑی رہیں، فلسطینی حماس کے ساتھ کھڑے رہے، اسرائیل کو آخر مذاکرات بھی حماس کے ساتھ کرنے پڑے۔
حافظ نعیم الرحمٰن نے کہا کہ ڈونلڈ ٹرمپ کے آنے کے بعد 10 ملین ڈالرز سے زیادہ رقم نیتن یاہو کو دی گئی، ہم تو امریکا سے کہتے ہیں چین اور روس سے وقار کے ساتھ مذاکرت کیے جائیں۔
انہوں نے کہا کہ یہاں کا عدالتی نظام لوگوں کو انصاف نہیں دے رہا، موجودہ نظام کو بدلنا ہو گا، دنیا کو نئے نظام کی ضرورت ہے، وہ نظام صرف اسلام کا عادلانہ نظام ہے۔
امیرِ جماعتِ اسلامی نے کہا کہ حقیقی تبدیلی کی تحریک مینارِ پاکستان سے شروع کریں گے، 22 اور 23 نومبر کو مینارِ پاکستان پہنچو۔
اُن کا کہنا ہے کہ افغان حکومت کو ذمے داری کا مظاہرہ کرنا چاہیے، ہمارے فوجی جوان شہید ہوئے، افغان حکومت کو کہنا چاہتا ہوں کہ بھارت کبھی آپ کا دوست نہیں بن سکتا۔
حافظ نعیم الرحمٰن نے کہا کہ مشکل وقت آیا تو بھارت افغانستان کا ساتھ نہیں دے گا بلکہ جشن منائے گا، جو ہو گیا ہے وہ ہو گیا، امن کی جانب بڑھنا چاہیے۔
انہوں نے کہا کہ افغان حکومت کو چاہیے کہ افغانستان کی سر زمین پاکستان کے خلاف استعمال نہ ہونے دیں، پاکستان اور افغان حکومت آج سے ہی امن کے لیے بات چیت کا آغاز کریں۔
امیرِ جماعتِ اسلامی نے کہا کہ حالات سدھارنے کے لیے جماعتِ اسلامی اپنا کردار ادا کرنے کے لیے تیار ہے، دہشت گردی اور بدامنی پرانی پالیسیوں کا نتیجہ ہے، پالیسیوں پر نظرِ ثانی کی ضرورت ہے۔
.
ذریعہ
ذریعہ: Jang News
کلیدی لفظ: افغان حکومت اسرائیل کو حافظ نعیم نے کہا کہ کرنے کے الرحم ن
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار