چین میں کرپشن کے خلاف مہم: نمبر 2 جنرل سمیت 9 افسران برطرف
اشاعت کی تاریخ: 17th, October 2025 GMT
چین نے اپنے دوسرے اعلیٰ ترین فوجی عہدیدار ہی وائی ڈونگ سیمت سینیئر افسران کو بدعنوانی کے سنگین الزامات کے تحت چین کی کمیونسٹ پارٹی اور فوج سے برطرف کر دیا گیا ہے۔
یہ بھی پڑھیں: چینی اخبار ’پیپلز ڈیلی‘ نے ریاض میں علاقائی دفتر کھول لیا
چین کی وزارتِ دفاع کی جانب سے جمعے کو مذکورہ افسران کے خلاف باضابطہ کارروائی کی پہلی سرکاری تصدیق کی گئی۔
ہی وی ڈونگ، مرکزی فوجی کمیشن (سینٹرل ملٹری کمیشن) کے نائب چیئرمین تھے جو کہ چین کی سب سے بااختیار فوجی قیادت ہے۔
وہ اس وقت تک کرپشن کے خلاف جاری مہم میں سب سے سینیئر عہدیدار ہیں جن کے خلاف کارروائی کی گئی ہے۔
وزارت دفاع کے ترجمان ژانگ شیاوگانگ نے ایک آن لائن بیان میں کہا کہ ان نو افسران پر انتہائی سنگین جرائم اور انتہائی بڑی رقموں میں بدعنوانی کا شبہ ہے۔
مزید پڑھیے: پاکستان کا پہلا ہائپر اسپیکٹرل سیٹلائٹ اکتوبر کو چین سے لانچ کیا جائے گا
تحقیقات کے بعد ان کے کیسز کو فوجی استغاثہ (ملٹری پروسیکیوٹر) کے حوالے کر دیا گیا ہے تاکہ قانونی کارروائی کی جا سکے۔
یاد رہے کہ صدر شی جن پنگ نے سنہ 2012 میں اقتدار سنبھالنے کے بعد سے کرپشن کے خلاف مہم کو اپنی اہم پالیسی بنایا ہے جس کے تحت اب تک ہزاروں سرکاری اور فوجی افسران کو برطرف یا سزا دی جا چکی ہے جن میں کئی اہم سیاسی مخالفین بھی شامل رہے ہیں۔
مزید پڑھیں: چین نے مائیکروسافٹ کو خیرباد کہہ دیا، سرکاری دستاویزات مقامی سافٹ ویئر میں منتقل
ہی وائی ڈونگ کو سنہ 2022 میں مرکزی فوجی کمیشن میں شامل کیا گیا تھا تاہم وہ کئی ماہ سے عوامی منظرنامے سے غائب تھے جو چین میں اکثر اس بات کا اشارہ ہوتا ہے کہ کوئی اہلکار زیر تفتیش ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین چین کی کرپشن کے خلاف کارروائی چینی افسران برطرف کمیونسٹ پارٹی.
ذریعہ
ذریعہ: WE News
کلیدی لفظ: چین چین کی کرپشن کے خلاف کارروائی چینی افسران برطرف کمیونسٹ پارٹی کرپشن کے خلاف چین کی
پڑھیں:
نیتن یاہو کا لبنان میں فوجی کارروائیاں مزید تیز کرنے کا اعلان
تل ابیب: اسرائیلی وزیر اعظم نیتن یاہو نے لبنان میں فوجی کارروائیوں کو مزید وسعت دینے کا اعلان کرتے ہوئے اسرائیلی فوج کو اپنی موجودگی اور آپریشنز بڑھانے کی ہدایت جاری کر دی۔
غیر ملکی خبر رساں ایجنسی کے مطابق اسرائیلی وزیر اعظم نیتن یاہو نے کہا ہے کہ بیوفورٹ قلعے پر قبضہ ایک “ڈرامائی قدم” اور اسرائیلی پالیسی میں بڑی تبدیلی کی علامت ہے۔
انہوں نے کہا کہ اسرائیل غزہ، مصر اور لبنان سمیت مختلف محاذوں پر سرگرم ہے۔ اور سرحدوں سے باہر سیکیورٹی زونز قائم کیے جا رہے ہیں تاکہ اسرائیلی آبادی کو تحفظ فراہم کیا جا سکے۔
نیتن یاہو نے کہا کہ اسرائیلی فوج کو ہدایت دی گئی ہے کہ لبنان میں اپنی موجودگی کو مزید مضبوط اور وسیع کیا جائے۔ خصوصاً ان علاقوں میں جہاں ماضی میں حزب اللہ کا اثر و رسوخ رہا ہے۔
اسرائیلی وزیر اعظم نے دعویٰ کیا ہے کہ اکتوبر 2023 سے اب تک حزب اللہ کے 8 ہزار جنگجو مارے جا چکے ہیں۔
دوسری جانب رپورٹس کے مطابق جنگ بندی کے بعد سے اب تک متعدد اسرائیلی ہلاکتیں بھی سامنے آئی ہیں، جن میں حالیہ ڈرون حملے میں مارا گیا ایک فوجی بھی شامل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ