ٹی ٹی پی کی پاکستان میں کارروائیاں ملا ہیبت اللہ کے فرمان کی صریحاً خلاف ورزی ہے، پروفیسر ابراہیم
اشاعت کی تاریخ: 19th, October 2025 GMT
جماعت اسلامی کے صوبائی امیر کا کہنا تھا کہ اگر امارت اسلامی افغانستان قطر میں پاکستان کے ساتھ مذاکرات کر رہا ہے تو پاکستان کی سرزمین پر مسلح کارروائی کا کوئی شرعی جواز نہیں ہے۔ اسلام ٹائمز۔ جماعت اسلامی کے پی کے جنوبی کے امیر پروفیسر ابراہیم نے کہا ہے کہ پاکستان میں ٹی ٹی پی کی مسلح کارروائیاں امارت اسلامی افغانستان کے استحکام اور مفادات کے خلاف ہیں اور افغان وزراء کے مطابق امیرالمومنین ملا ہیبت اللہ کے فرمان کی صریحاً خلاف ورزی ہے۔ اس لیے ان کارروائیوں کو فی الفور روک دینا لازم ہے۔ اگر امارت اسلامی افغانستان قطر میں پاکستان کے ساتھ مذاکرات کر رہا ہے تو پاکستان کی سرزمین پر مسلح کارروائی کا کوئی شرعی جواز نہیں ہے۔ پاکستان کا ایک طبقہ افغانوں کو طعنے دے رہا ہے کہ وہ سوویت یونین (روس) کو شکست نہیں دے سکتا تھا اگر انہیں پاکستان کی مدد حاصل نہ ہوتی۔ یہ بات اپنی جگہ بالکل درست ہے لیکن یہ آدھا سچ ہے۔ بلاشبہ روس کی شکست میں افغانوں کا کردار بہت اہم ہے لیکن یہ بھی ایک حقیقت ہے کہ روس اگر افغانستان میں شکست سے دوچار نہ ہوا ہوتا اور افغانستان پر وہ قبضہ کرلیتا تو پاکستان میں اسے ہرگز شکست نہیں دی جاسکتی تھی۔
انہوں نے مزید کہا کہ اس لیے پاکستان کے تعاون سے افغانوں نے روس کو شکست دے کر افغانستان کو بھی روس کی غلامی سے آزاد رکھا اور پاکستان کو بھی روسی قبضے سے بچا لیا۔ پاکستان کو یہ اقرار کرنا چاہیے کہ ہم نے پاکستان کے دفاع اور بقا کی جنگ افغان سرزمین پر لڑی اور افغانستان کو اس بات کا اعتراف کرنا چاہیے کہ پاکستان کے تعاون سے ہی انہوں نے روس کو شکست دی۔
ذریعہ: Islam Times
کلیدی لفظ: پاکستان کے
پڑھیں:
کوئٹہ، ہارڈن دی اسٹیٹ کمیٹی کا اجلاس، وزارت داخلہ کی بریفنگ
اجلاس میں ایڈیشنل سیکرٹری داخلہ حمزہ شفقات نے کمیٹی اراکین کو صوبے بھر میں جاری کارروائیوں سے متعلق بریفنگ دی۔ اسلام ٹائمز۔ وزیراعلیٰ بلوچستان سرفراز بگٹی کی زیر صدارت پروانشل ہارڈن دی اسٹیٹ کمیٹی کا اعلیٰ سطح اجلاس منعقد ہوا۔ اجلاس میں نیشنل و پروانشل ایکشن کمیٹیوں میں طے شدہ اہداف پر عملدرآمد اور امن و امان کی صورتحال کا تفصیلی جائزہ لیا گیا۔ اجلاس میں چیف سیکرٹری بلوچستان شکیل قادر خان، ایڈیشنل چیف سیکرٹری داخلہ حمزہ شفقات سمیت اعلیٰ سیکورٹی حکام نے شرکت کی۔ ایڈیشنل چیف سیکرٹری داخلہ بلوچستان حمزہ شفقات نے مجموعی صورتحال پر اجلاس کو بریفنگ دی۔ بربفنگ میں بتایا گیا کہ "فتنہ الہندوستان اور فتنہ الخوارج" کے خلاف مؤثر کارروائیاں جاری ہیں۔ ضلع کچھی میں جرائم پیشہ افراد کے خلاف 200 آپریشن کئے گئے۔ دیگر اضلاع میں بھی مؤثر کارروائیاں جاری ہیں۔
بریفنگ میں بتایا گیا کہ بلوچستان کے شمالی علاقوں میں ایک سو دہشت گردوں کو غیر موثر کردیا گیا۔ صوبے میں 3561 غیر قانونی پیٹرول پمپس سیل کر دیئے گئے۔ کسٹم حکام نے 2575 آپریشن کئے۔ تین ماہ میں 416 نان کسٹم پیڈ گاڑیاں ضبط کی گئیں۔ مدارس کی رجسٹریشن اور تشکیل کردہ ضوابط پر عملدرآمد یقینی بنایا جا رہا ہے۔ وزیراعلیٰ سرفراز بگٹی نے بحالی امن اور غیر قانونی اسمگلنگ کے خلاف کارروائیوں پر اظہار اطمینان کیا اور کارروائیاں تیز کرنے کی ہدایت کی۔ سرفراز بگٹی نے کہا کہ نیشنل اور پروانشل ایکشن کمیٹیز کے فیصلوں اور طے شدہ اہداف پر پوری تندہی سے عملدرآمد یقینی بنایا جائے گا۔ قانون شکن عناصر کے خلاف بھرپور اور بلاامتیاز کارروائی جاری رہے گی۔ انہوں نے کہا کہ جرائم، لاقانونیت اور بدامنی کے خلاف زیرو ٹالرنس کی پالیسی پر سختی سے عمل ہوگا۔
تھائی،ملائشیا،انڈونیشیا: دہائیوں بعد بدترین سیلاب کی زد میں، اموات 33 ہوگئیں