ایشیا کپ کی ٹرافی اس وقت کہاں ہے اور انڈیا کو کیسے مل سکتی ہے؟
اشاعت کی تاریخ: 20th, October 2025 GMT
بھارت کو ایشیا کپ جیتے ہوئے 3 ہفتے سے زائد کا وقت گزر چکا ہے، تاہم ٹیم ابھی تک اپنی فتح کی ٹرافی وصول نہیں کر سکی۔
بھارت نے دبئی انٹرنیشنل کرکٹ اسٹیڈیم میں کھیلے گئے فائنل میں پاکستان کو 5 وکٹوں سے شکست دے کر ایشیا کپ 2025 کا ٹائٹل اپنے نام کیا تھا۔ مگر میچ کے بعد تقریب میں تنازعہ اس وقت پیدا ہوا جب بھارتی ٹیم نے ایشیائی کرکٹ کونسل (اے سی سی) کے چیئرمین محسن نقوی سے ٹرافی لینے سے انکار کر دیا۔
یہ بھی پڑھیے: ٹرافی تنازعہ، بھارتی کرکٹ بورڈ محسن نقوی کے خلاف تحریک عدم اعتماد لانے کے لیے تیار؟
متعدد رپورٹس کے مطابق ایشیا کپ کی ٹرافی اب بھی دبئی میں اے سی سی کے ہیڈکوارٹر میں موجود ہے، محسن نقوی نے ہدایت دی ہے کہ ان کی واضح اجازت کے بغیر ٹرافی دفتر سے باہر نہیں جانی چاہیے۔ یہ معاملہ اب نومبر کے اوائل میں دبئی میں ہونے والے اے سی سی کے سالانہ اجلاس میں زیرِ بحث آنے کی توقع ہے، جو آئی سی سی کی سہ ماہی میٹنگز کے ساتھ منعقد ہوگا۔
گذشتہ اجلاس میں فیصلہ ہوا تھا کہ اے سی سی کی 5 ٹیسٹ کھیلنے والی رکن ٹیمیں بھارت، پاکستان، سری لنکا، بنگلہ دیش اور افغانستان اس معاملے کا باہمی حل تلاش کریں گی۔ اگر اجلاس میں نقوی کی غیر حاضری میں کوئی متفقہ فیصلہ نہ ہو سکا، تو ٹرافی کا مسئلہ برقرار رہے گا اور وہ اے سی سی کے دفتر میں ہی پڑی رہ جائے گی۔
یہ بھی پڑھیے: ایشیا کپ تنازع، اب جیتنے والی ٹیم کو ٹرافی کیسے ملے گی؟
بھارتی کرکٹ بورڈ (بی سی سی آئی) اس معاملے پر جلد کوئی سخت قدم اٹھا سکتا ہے تاکہ ٹیم کو اپنی جیتی ہوئی ٹرافی مل سکے۔ بھارتی میڈیا کے مطابق بی سی سی آئی حکام کا کہنا ہے کہ اجلاس سے پہلے ابھی وقت ہے، اور بورڈ اپنے اگلے لائحۂ عمل کا فیصلہ مناسب وقت پر کرے گا۔
دوسری جانب، پاکستان کرکٹ بورڈ (پی سی بی) کی جانب سے اس معاملے پر کوئی تبصرہ نہیں کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا ایشیا کپ ٹرافی محسن نقوی.
ذریعہ
ذریعہ: WE News
کلیدی لفظ: انڈیا ایشیا کپ ٹرافی محسن نقوی محسن نقوی ایشیا کپ اے سی سی
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار