شہری کا ای میل ہیک کر کے انسٹاگرام پر فیملی کی جعلی نازیبا تصاویر وائرل کرنے والا شاطر ملزم گرفتار
اشاعت کی تاریخ: 22nd, October 2025 GMT
نیشنل سائبر کرائم انویسٹی گیشن ایجنسی اسلام آباد نے ای میل ہیک کر کے سوشل میڈیا پر جعلی آئی ڈی کے ذریعے نازیبا مواد پھیلانے والے شاطر ملزم کو گرفتار کرلیا۔
ایکسپریس نیوز کے مطابق این سی سی آئی اے اسلام آباد نے سائبر ہراسانی اور غیر اخلاقی مواد کے کیس میں اہم کامیابی حاصل کرتے ہوئے ملزم سید مطہر عباس کو گرفتار کرلیا۔
ملزم کے خلاف مقدمہ نمبر 297/2025 درج کیا گیا تھا جس کا تعلق ضلع نارووال کی تحصیل شکر گڑھ، گاؤں خاص خانوال سے ہے۔
ابتدائی تحقیقات میں یہ بات سامنے آئی کہ ملزم نے علی حمزہ نامی شہری کے جی میل اکاؤنٹ تک غیر قانونی رسائی حاصل کی اور متاثرہ شخص کے اسنیپ چیٹ اکاؤنٹ جیسی جعلی آئی ڈی بناکر نازیبا مواد شیئر کیا۔
ملزم نے متاثرہ کی فیملی تصاویر میں تبدیلی کر کے سوشل میڈیا پر اپ لوڈ کیں اور واٹس ایپ کے ذریعے متاثرہ کو بلیک میل کرنے اور پیسے کا مطالبہ کیا۔
تحقیقات کے دوران ملزم کے زیرِ استعمال متعدد واٹس ایپ اکاؤنٹس کا انکشاف ہوا جن سے متاثرہ اور اس کے خاندان کو بھیجے گئے پیغامات اور نازیبا تصاویر برآمد ہوئیں۔
این سی سی آئی اے کے مطابق ٹیکنیکل تجزیہ میں ملزم کے فون سے چائلڈ پورنوگرافک مواد بھی برآمد ہوا جبکہ ملزم نے اعتراف بھی کرلیا۔
این سی سی آئی اے کے مطابق واقعے سے متعلق ڈیجیٹل شواہد کی تلاش کے لیے انویسٹی گیشن وسیع کر دی گئی ہے۔
.ذریعہ: Express News
پڑھیں:
کراچی ائرپورٹ : جعلی پروٹیکٹر اسٹیکرز پر قطر جانے والا مسافر گرفتار
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) ایف آئی اے امیگریشن نے کراچی ایئرپورٹ پر بروقت کارروائی کرتے ہوئے پولینڈ کے لیے جعلی اسٹیمپ اور پروٹیکٹر اسٹیکرز کے استعمال کی کوشش ناکام بنا دی۔ ایف آئی اے حکام کے مطابق مسافر حمزہ اسد کو اْس وقت گرفتار کیا گیا جب وہ قطر کے لیے روانہ ہونے والا تھا۔حمزہ اسد کے پاسپورٹ پر موجود پروٹیکٹر آف امیگرانٹس اسٹیکر میں جعلسازی کی گئی تھی۔ ملزم نے منصوبہ بنایا تھا کہ قطر پہنچنے کے بعد وہ اسی جعلی پروٹیکٹر کلیئرنس کوپولینڈ روانگی کے لیے استعمال کرے۔
پاکستان سٹاک مارکیٹ میں مثبت رجحان کا سلسلہ برقرار