بانی پی ٹی آئی کی منظوری کے بغیر صوبائی کابینہ کی تشکیل ممکن نہیں، وزیر اعلیٰ خیبرپختونخوا سہیل آفریدی
اشاعت کی تاریخ: 23rd, October 2025 GMT
وزیرِ اعلیٰ خیبرپختونخوا سہیل آفریدی نے کہا کہ عدالتی احکامات کے باوجود انہیں بانیِ پی ٹی آئی عمران خان سے ملاقات کی اجازت نہیں دی گئی۔
وزیر اعلیٰ کے بقول ججز کے احکامات کے باوجود ملاقات کرانے میں رکاوٹیں ڈالیں جا رہی ہیں۔
اڈیالہ جیل کے قریب میڈیا سے گفتگو کرتے ہوئے سہیل آفریدی کا کہنا تھا کہ ایک شخص نے ٹی وی پر آکر کہا کہ یہ وزیرِ اعلیٰ نہیں بنے گا، اس طرح کے بیانات سے ظاہر ہوتا ہے کہ سیاسی و انتظامی دباؤ ہے۔
یہ بھی پڑھیں:خیبرپختونخوا اسمبلی: سہیل آفریدی کی عمران خان سے ملاقات اور اسرائیل مخالف قراردادیں منظور
انہوں نے مزید کہا کہ اگر دہشتگردی کو صرف آپریشن سے ختم کیا جا سکتا تو ملٹری آپریشنز پہلے ہی اس کو ختم کر چکے ہوتے؛ حکمتِ عملی واضح ہونی چاہیے۔
صوبائی صدر جنید اکبر اور جنرل سیکرٹری سلمان اکرم راجہ کو یقین دہانی کرواتا ہوں کہ جب بھی جو بھی احتجاج کے حوالے سے ہدایات پارٹی دے گی میں بحیثیت کارکن من و عن تسلیم کروں گا۔
سہیل آفریدی pic.
— Muhammad Suhail ALI. (@MuhammaddSuhail) October 23, 2025
سہیل آفریدی نے عندیہ دیا کہ بانی پی ٹی آئی عمران خان کی منظوری کے بغیر صوبائی کابینہ کی تشکیل ممکن نہیں ہوگی۔
وزیرِ اعلیٰ نے الزام لگایا کہ جب سے انہوں نے اپنا عہدہ سنبھالا ہے، انہیں نشانہ بنایا جا رہا ہے۔
انہوں نے کہا کہ انہوں نے اپنے لیڈر سے رہنمائی لینے کے لیے وفاق اور پنجاب حکومت سے ملاقات کی درخواستیں بھیجی ہیں، مگر کوئی معاونت یا مثبت جواب موصول نہیں ہوا۔
مزید پڑھیں: سہیل آفریدی کو عمران خان سے ملاقات کی اجازت نہ ملی تو کابینہ کی تشکیل کیسے ہوگی؟ بیرسٹر گوہر نے بتا دیا
’ہم عدالتوں کا دروازہ کھٹکھٹا چکے ہیں، مگر کوئی نہیں سن رہا، اب عوام کی عدالت میں جاؤں گا۔‘
سہیل آفریدی نے بتایا کہ وہ اپنے لیڈر کے طرزِ عمل کے مطابق چلیں گے اور پارٹی کی ہدایات پر عمل کریں گے۔
’بحیثیت وزیرِ اعلیٰ میرا کام عوام کے لیے کام کرنا ہے، جلسے جلوس پارٹی کا معاملہ ہیں، جو ہدایات آئیں گی اُن پر عمل کروں گا۔‘
مزید پڑھیں: عوام کا نمائندہ ہوں، عمران خان سے ملنے دیا جائے، سہیل آفریدی کا چیف جسٹس کو خط
دفاعی و سیکورٹی معاملات پر بات کرتے ہوئے انہوں نے کہا کہ اُن کا لیڈر مذاکرات کا حامی رہا ہے اور ہم ہمسایہ ممالک کے ساتھ برادرانہ تعلقات چاہتے ہیں۔
’مگر کسی کو یہ اختیار نہیں کہ وہ خیبرپختونخوا کے عوام کا فیصلہ بند کمروں میں کرے۔‘
انہوں نے صوبائی پولیس کے لیے حکومت کی جانب سے اعلان کردہ 7 ارب روپے کی گرانٹ کا تذکرہ کرتے ہوئے کہا کہ انہیں جلد بلٹ پروف گاڑیاں ملیں گی۔
مزید پڑھیں: سہیل آفریدی مراد سعید کے قریب کیوں اور علی امین سے کیا غلطی ہوئی؟ عمران خان کی نئی چال
سہیل آفریدی نے وفاقی سطح پر فنڈز اور شفافیت کے مسائل کی جانب بھی اشارہ کیا۔
اُن کا کہنا تھا کہ این ایف سی میٹنگ جلد بلائی جائے اور صوبے کو اس کا جائز حق 350 ارب روپے جاری کیے جائیں، جبکہ ان کے مطابق قومی ترقیاتی پروگرام میں خیبرپختونخوا کے بقایا جات 2200 ارب روپے سے زائد ہیں۔
انہوں نے الزام لگایا کہ اگر وفاق دہشتگردی کے خلاف سنجیدہ ہوتا تو مالی وسائل کی فراہمی ممکن ہوتی، انہوں نے واضح کیا کہ وہ عزت و وقار کے ساتھ افغان بھائیوں کو واپس بھیجنے کی پالیسی پر عمل کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اڈیالہ جیل افغان این ایف سی بلٹ پروف گاڑیاں خیبرپختونخوا سہیل آفریدی قومی ترقیاتی پروگرام گرانٹ وزیر اعلی
ذریعہ
ذریعہ: WE News
کلیدی لفظ: اڈیالہ جیل افغان این ایف سی بلٹ پروف گاڑیاں خیبرپختونخوا سہیل ا فریدی قومی ترقیاتی پروگرام وزیر اعلی سہیل آفریدی نے سہیل ا فریدی سے ملاقات انہوں نے کہا کہ ا کے لیے
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ