پی سی بی کی جانب سے پابندی پر ملتان سلطانز کا مؤقف سامنے آگیا
اشاعت کی تاریخ: 23rd, October 2025 GMT
پی سی بی کی جانب سے پابندی پر ملتان سلطانز کا مؤقف سامنے آگیا ہے، ملتانز سلطانز کی انتظامیہ کا کہنا ہے کہ علی ترین کے تمام بیانات پی ایس ایل کی بہتری کے لیے تھے اور پی سی بی کی جانب سے تعمیری تنقید کو جرم سمجھنا ناقابلِ فہم ہے۔
پاکستان کرکٹ بورڈ نے پاکستان سپر لیگ کی فرنچائز ملتان سلطانز کے خلاف معاہدے کی خلاف ورزی پر کارروائی کرتے ہوئے معطلی کا نوٹس جاری کیا تھا۔
میڈیا رپورٹس کے مطابق پی سی بی نے تمام قانونی تقاضے پورے کرنے کے بعد فرنچائز کے معاہدے کی منسوخی کا باضابطہ نوٹس بھی بھجوا دیا ہے۔ یہ اقدام بورڈ اور ملتان سلطانز کے درمیان جاری کشیدگی میں اہم موڑ ثابت ہوا ہے۔
یہ بھی پڑھیں: علی ترین کی پی ایس ایل پر کڑی تنقید، ’اب جشن نہیں، جوابدہی کی ضرورت ہے‘
یہ کارروائی فرنچائز کے مالک علی ترین کے بار بار عوامی سطح پر پی سی بی اور پی ایس ایل انتظامیہ پر تنقید کے بعد کی گئی۔
علی ترین نے اپریل میں ایک پوڈکاسٹ کلپ شیئر کرتے ہوئے سوال اٹھایا تھا کہ پی ایس ایل 10 پچھلے سال سے کیسے بڑا اور بہتر ہے؟ وہی میچز، وہی ٹیمیں، کوئی نیاپن نہیں، اب تبدیلی کا وقت ہے۔
بعدازاں علی ترین نے وضاحت دی تھی کہ ان کے بیانات لیگ کو بہتر بنانے کے جذبے کے تحت تھے، کسی منفی مہم کے لیے نہیں۔ تاہم جولائی میں انہوں نے دوبارہ پی سی بی پر تنقید کرتے ہوئے کہا کہ پی ایس ایل کی کامیابی کا جشن منانا مضحکہ خیز ہے کیونکہ ناظرین کی تعداد اور شائقین کی دلچسپی کم ہوئی ہے۔
یہ بھی پرھیں: پی ایس ایل میں بڑا نقصان، کیا علی ترین ملتان سلطانز کی ملکیت چھوڑ رہے ہیں؟
پی سی بی کے ایک عہدیدار کے مطابق ان بیانات سے لیگ کی ساکھ متاثر ہوئی اور معاہدے کی شرائط کی خلاف ورزی ہوئی۔ بورڈ کے نوٹس میں ان دفعات کا حوالہ دیا گیا ہے جن کی خلاف ورزی کا الزام لگایا گیا ہے۔
پی سی بی کا کہنا ہے کہ وہ پی ایس ایل کے پیشہ ورانہ معیار اور وقار کو برقرار رکھنے کے لیے پرعزم ہے۔
دوسری جانب ملتان سلطانز کے ترجمان نے مؤقف اختیار کیا ہے کہ پی سی بی نے پچھلے ماہ قانونی نوٹس بھیجا تھا جو معاہدے کی منسوخی کا نوٹس نہیں بلکہ انتباہی نوعیت کا تھا۔
فرنچائز کی جانب سے جاری بیان میں کہا گیا ہے کہ نوٹس میں معاہدہ ختم کرنے اور علی ترین کو مستقبل میں کسی کرکٹ ٹیم کے مالک بننے سے تاحیات روکنے کی دھمکی دی گئی ہے۔
یہ بھی پڑھیں: پی سی بی نے ملتان سلطانز کو معطل کردیا، آئندہ سیزن میں شرکت خطرے میں، سبب کیا بنا؟
بیان میں مزید کہا گیا ہے کہ علی ترین کے تمام بیانات پی ایس ایل کی بہتری کے لیے تھے، اور پی سی بی کی جانب سے تعمیری تنقید کو جرم سمجھنا ناقابلِ فہم ہے۔ اس رویے سے ظاہر ہوتا ہے کہ موجودہ انتظامیہ اختلافِ رائے برداشت کرنے کو تیار نہیں۔
ملتان سلطانز کے مطابق پی سی بی نے علی ترین سے تمام حالیہ بیانات واپس لینے اور پی ایس ایل انتظامیہ سے عوامی سطح پر معافی مانگنے کا مطالبہ کیا ہے۔
یہ پیشرفت اس وقت سامنے آئی ہے جب پی ایس ایل میں فرنچائزز اور بورڈ کے تعلقات پہلے ہی تناؤ کا شکار ہیں، اور کئی اسٹیک ہولڈرز شفافیت اور منصفانہ رویے کے مطالبے کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پابندی پی ایس ایل علی ترین ملتان سلطانز.ذریعہ: WE News
کلیدی لفظ: پابندی پی ایس ایل علی ترین ملتان سلطانز پی سی بی کی جانب سے ملتان سلطانز کے پی سی بی نے پی ایس ایل معاہدے کی علی ترین ا گیا ہے اور پی کے لیے
پڑھیں:
وفاقی آئینی عدالت ارشد شریف ازخود نوٹس کی سماعت 17 دسمبر کوکرے گی
data-id="863a0a8" data-element_type="widget" data-widget_type="theme-post-content.default">
251208-08-1
اسلام آباد(آن لائن)وفاقی آئینی عدالت ارشد شریف ازخود نوٹس کی سماعت 17 دسمبر کوکرے گی عدالت پہلے ہی ازخود نوٹس کیس کی کارروائی کے دائرہ اختیار پر معاونت طلب کرتے ہوئے تحقیقات میں اب تک کی پیشرفت رپورٹ بھی طلب کر چکی ہے،عدالت نے کہاتھا کہ وکلاء معاونت کریں کہ موجودہ عدالت 27 ویں ترمیم کی بعد ازخود نوٹس کارروائی بارے سماعت کا اختیار رکھتی ہے یانہیں جسٹس عامر فاروق اور جسٹس روزی خان پرمشتمل دو رکنی بنچ کیس کی سماعت کرے گا سابقہ سماعت پر جسٹس عامر فاروق نے کہاتھاکہ بتایا جائے اب تک کی تحقیقات میں کیا پیشرفت ہوئی ہے؟عدالت نے کہاکہ بتایا جائے ذمہ داران کو کٹہرے میں لانے کیلئے قانونی طور پر کیا ہوسکتا ہے؟کیا 27ویں ترمیم کے بعد آئینی عدالت سوموٹو کارروائی چلا سکتی ہے؟دونوں جانب کے وکلا قانونی نکتہ پر معاونت کریں۔عدالت نے کہاکہ عدالتی کارروائی کو ریگولیٹ کرنے کے ساتھ دائرہ اختیار کو بھی دیکھنا ہے،آئینی عدالت میں کیس سماعت کے بغیر تو نہیں چل سکتا،وکیل نے کہاکہ کورٹ فیصلہ موجود ہے، آئینی عدالت سوموٹوکارروائی آگے بڑھا سکتی ہے،عدالت نے کیس کی سماعت 17دسمبر تک ملتوی کردی تھی۔
میں بالکل صحت مند اور خیریت سے ہوں: معین خان نے اپنی موت کی خبروں کی تردید کردی