اگر اسرائیل کو تسلیم کرنے کی جسارت کی گئی تو پھر حالات کی ذمے داری حکومت پر ہوگی، جے یو آئی(ف)
اشاعت کی تاریخ: 24th, October 2025 GMT
ملتان میں اجلاس کے بعد جاری بیان میں جمعیت علمائے اسلام(ف) کے رہنمائوں کا کہنا تھا کہ ہمارے ہوتے ہوئے کوئی مائی کا لال اسرائیل کو تسلیم نہیں کر سکتا، اسرائیل کو تسلیم کرنا آئین پاکستان کے ساتھ غداری ہے کیونکہ قائداعظم محمد علی جناح نے فرمایا تھا اسرائیل امریکہ کا ناجائز بچہ ہے۔ اسلام ٹائمز۔ جمعیت علمائے اسلام تحصیل سٹی و صدر ملتان کا اجلاس جامعہ اسلامیہ جامع مسجد جلال باقری میں منعقد ہوا، جس کی صدارت قاری محمد یاسین نے کی، ایجنڈا مولانا محمد یوسف مدنی نے پیش کیا، مہمان خصوصی مولانا مفتی عامر محمود تھے، ارکان عاملہ نے مفتی عامر محمود امیر ضلع ملتان کو سیلاب زدگان کی خدمت کرنے پر خراج تحسین پیش کیا۔ حافظ محمد عمر شیخ، مولانا محمد یوسف مدنی، رانا محمدسعید کو بھی فنڈ جمع کرنے پر خراج تحسین پیش کیا گیا۔ ارکان عاملہ نے کہا ہے کہ پنجاب حکومت کے بلدیاتی ایکٹ کو نامنظور کرتے ہیں اور تخت لاہور کو کسی صورت حسینہ واجد طرز کی حکومت نہیں بننے دینگے کیونکہ نون لیگ کے پاس عوام کے پاس جانے کے لیے کوئی بیانیہ نہیں ہے، سلاب زدگان کے حوالے سے ہوں یا جنوبی پنجاب کے حوالے سے ہوں نون لیگ بری طرح ناکام ہو چکی ہے۔
اُنہوں نے مزید کہا کہ ملک پاکستان ایک اسلامی جمہوری ریاست ہے یہاں پر جمہوری روایات کو پامال کر کے من مانی حکومتیں بنائی جاتی ہیں اور اسی طرح اسرائیل کو تسلیم کرنے کی کوششیں ہو رہی ہیں، جمیعت علمائے اسلام ملتان حکومت کو متنبہ کرتی ہے اسرائیل تسلیم نہ کیا جائے اگر اسرائیل کو تسلیم کرنے کی جسارت کی گئی تو پھر حالات کی ذمے داری حکومت پر ہوگی، جو ہمارے قائد مولانا فضل الرحمن نے کہا ہے کہ ہمارے ہوتے ہوئے کوئی مائی کا لال اسرائیل کو تسلیم نہیں کر سکتا، اسرائیل کو تسلیم کرنا آئین پاکستان کے ساتھ غداری ہے کیونکہ قائد اعظم محمد علی جناح نے فرمایا تھا اسرائیل امریکہ کا ناجائز بچہ ہے۔ اجلاس میں حافظ محمد عمر شیخ، مولانا مرسلین، حافظ نعمان مغل، عثمان علی، قاری عامر بلوچ، مفتی سیف اللہ، مفتی وقاص شریک ہوئے۔
ذریعہ
ذریعہ: Islam Times
کلیدی لفظ: اسرائیل کو تسلیم
پڑھیں:
طلبہ اور بے روزگار نوجوانوں کو 50ہزار ای بائیکس ،5 ہزار ای ٹیکسیاں بلاسود دینے کا فیصلہ
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے طلبہ اور بے روزگار نوجوانوں کے لیے ایک اہم اقدام کرتے ہوئے آئندہ مالی سال میں 50ہزار الیکٹرک بائیکس اور 5 ہزار الیکٹرک ٹیکسیاں بلاسود فراہم کرنے کا فیصلہ کیا ہے۔حکومتی ذرائع کے مطابق الیکٹرک بائیکس اور ای ٹیکسیوں کی بلاسود فراہمی کی تجویز کو آئندہ بجٹ میں شامل کرنے کی منظوری دے دی گئی ہے۔ اس اقدام کا مقصد نوجوانوں کو سستی اور ماحول دوست سفری سہولت فراہم کرنے کے ساتھ ساتھ روزگار کے نئے مواقع پیدا کرنا ہے۔وزیر ٹرانسپورٹ پنجاب بلال اکبر خان کے مطابق ای ٹیکسی اسکیم کے تحت مستحق افراد کو آسان اقساط اور بلاسود فنانسنگ کی سہولت فراہم کی جائے گی جبکہ رجسٹریشن سمیت مختلف مراعات بھی دی جائیں گی۔(جاری ہے)
انہوں نے کہا کہ حکومت نوجوانوں کو بااختیار بنانے اور انہیں معاشی سرگرمیوں میں شامل کرنے کے لیے عملی اقدامات کر رہی ہے۔
بلال اکبر خان کا کہنا تھا کہ اس منصوبے سے ہزاروں نوجوانوں کو روزگار کے بہتر مواقع میسر آئیں گے اور الیکٹرک ٹرانسپورٹ کے فروغ سے ماحولیاتی آلودگی میں کمی لانے میں بھی مدد ملے گی۔حکومت کی جانب سے اس اسکیم کی مزید تفصیلات اور اہلیت کے معیار آئندہ بجٹ اور پالیسی دستاویزات میں جاری کیے جانے کا امکان ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ