ایس پی عدیل اکبر کی میڈیکل رپورٹ میں تہلکہ خیز انکشاف
اشاعت کی تاریخ: 25th, October 2025 GMT
مبینہ خودکشی کرنے والے ایس پی عدیل اکبر کی میڈیکل رپورٹ سامنے آگئی ہے۔ رپورٹ کے مطابق، ایس پی عدیل اکبر کا ڈینگی ٹیسٹ پوزیٹو آیا تھا ۔ انہوں نے 20 اکتوبر کو پولی کلینک سے چیک اپ کرایا تھا۔ ڈینگی کے پوزیٹو آنے پر عدیل اکبر نے تین دن کی میڈیکل چھٹی کی درخواست کی تھی، جسے ڈی آئی جی اسلام آباد نے منظور کر لیا تھا۔ ذرائع کے مطابق، ایس پی عدیل اکبر 23 اکتوبر کو دوبارہ ڈیوٹی پر واپس آئے۔ پولیس ذرائع نے مزید بتایا کہ عدیل اکبر کا بیرون ملک یونیورسٹی میں داخلہ ہو چکا تھا اور وہ دفتر خارجہ دستاویزات کی تصدیق کے لیے بھی گئے تھے۔ قوی امکان ہے کہ ایس پی عدیل اکبر سے ایس ایم جی گن حادثاتی طور پر چل گئی ہو۔ پولیس کے ماہرین کے مطابق، ایس ایم جی گن کے شاٹ کا 65 ڈگری اینگل ہے اور پی ایس پی افسران ایس ایم جی گن کے استعمال میں ماہر نہیں ہوتے۔ ذرائع کے مطابق، ایس پی عدیل اکبر کی موت کے وقت گاڑی میں موجود آپریٹر اور ڈرائیور کو حراست میں لے لیا گیا ہے۔ واقعے کی تفتیش جاری ہے، جس میں یہ جاننے کی کوشش کی جا رہی ہے کہ ایس پی عدیل اکبر نے ہتھیار کیوں مانگا اور انہیں کیوں دیا گیا۔ ایس پی کے موبائل فون کی کالز کا ریکارڈ بھی چیک کیا جا رہا ہے۔ آپریٹر نے ابتدائی بیان میں کہا کہ وہ اپنی پروموشن کے سلسلے میں اسٹبلشمنٹ ڈویژن جا رہے تھے۔ انہوں نے بتایا کہ 4:23 بجے عدیل اکبر کو ایک کال آئی جس کے بعد وہ دفتر خارجہ گئے۔ کچھ دیر بعد واپس آ کر عدیل اکبر نے ان سے گن مانگ لی، جس کے بعد میگزین گن میں لوڈ کیا گیا۔ چند لمحوں بعد اچانک فائر کی آواز آئی، جو ایس پی عدیل اکبر کے ماتھے پر لگا اور وہ موقع پر ہی جاں بحق ہو گئے۔ آئی جی اسلام آباد علی ناصر رضوی نے کہا کہ ایس پی عدیل اکبر کا آپریٹر اور گن مین حراست میں ہیں۔ انہوں نے بتایا کہ عدیل اکبر کا بیرون ملک اسکالرشپ کے لیے آج ٹیسٹ تھا اور وہ حال ہی میں ایس پی اسلام آباد کے طور پر پرموٹ ہو کر تعینات ہوئے تھے۔ آئی جی نے مزید کہا کہ عدیل اکبر کے بھائی حسن بھی کل ان سے ملنے آئے تھے اور تمام فون کالز اور دیگر ڈیٹا کی جانچ پڑتال کی جا رہی ہے۔ ایس پی عدیل اکبر کی نماز جنازہ اور تدفین ان کے آبائی گاؤں ماڑی ٹھاکراں میں کی گئی، جس میں آئی جی اسلام آباد، سی پی او گوجرانوالہ سمیت دیگر پولیس افسران نے شرکت کی۔
.ذریعہ: Nawaiwaqt
کلیدی لفظ: ایس پی عدیل اکبر کی عدیل اکبر کا اسلام آباد کے مطابق
پڑھیں:
اسلام آباد پولیس کے ایس پی عدیل اکبر کی خودکشی،’ آخری کال ریکارڈ چیک کرنا چاہیے‘
اسلام آباد پولیس میں تعینات سینئر سپرنٹنڈنٹ آف پولیس (ایس ایس پی) عدیل اکبر نے گزشتہ روز مبینہ طور پر خود کو گولی مار کر جان دے دی۔
اس واقعہ کے بعد جہاں سوشل میڈیا صارفین ان کی ذہنی کیفیت پر افسوس کا اظہار کر رہے ہیں، وہیں ان کی خود کشی اور آخری فون کال سے متعلق سوالات بھی اٹھائے جا رہے ہیں۔
یہ بھی پڑھیں: اسلام آباد پولیس کے سینیئر افسر نے خودکشی کیوں کی؟
صارفین کا کہنا ہے کہ واقعے کی شفاف تحقیقات ضروری ہیں تاکہ یہ تعین کیا جا سکے کہ یہ واقعہ واقعی خود کشی تھا یا کسی اور پہلو کا معاملہ ہے۔
خرم اقبال نے لکھا کہ ذرائع کا کہنا ہے کہ ڈینگی کی وجہ سے چھٹی نہ ملنا، مسلسل ڈیوٹی، ڈکیتی وارداتوں کے بعد اعلی افسران کی ڈانٹ، پروموشن روکنے کی دھمکی اور آخر میں ایک بار پھر ڈیوٹی کے دوران فون کال پر ڈانٹے جانے پر ایس پی عدیل اکبر دلبرداشتہ ہوئے، ان کا کہنا تھا کہ عدیل اکبر کی آخری کال ریکارڈ چیک کرنا چاہئے۔
اپ ڈیٹ: ڈینگی کی وجہ سے چھٹی نہ ملنا، مسلسل ڈیوٹی، ڈکیتی وارداتوں کے بعد اعلی افسران کی ڈانٹ، پروموشن روکنے کی دھمکی اور آخر میں ایک بار پھر ڈیوٹی کے دوران فون کال پر ڈانٹے جانے پر ایس پی عدیل اکبر دلبرداشتہ ہوئے، ذرائع کچھ اس طرح بتا رہے ہیں، آخری کال ریکارڈ چیک کرنا چاہئے۔۔!! pic.twitter.com/qi4UXH69oE
— Khurram Iqbal (@khurram143) October 23, 2025
بلال غوری لکھتے ہیں کہ پولیس افسر عدیل اکبرکی موت کو سب اپنے تعصبات کی عینک سے دیکھ رہے ہیں،بعض لوگ آئی جی اسلام علی ناصر رضوی کو مورد الزام ٹھہرا رہے ہیں مگردستیاب معلومات کے مطابق یہ خودکشی کسی جذباتی ردعمل کانتیجہ نہیں۔ عدیل اکبر طویل عرصہ سے ڈپریشن کے مرض میں مبتلا تھے،،گزشتہ شب بھی انہوں نے ایک معروف ماہر نفسیات کو چیک اپ کروایا اور ان کی اہلیہ بھی ڈاکٹر ہیں۔
پولیس افسر عدیل اکبرکی موت کو سب اپنے تعصبات کی عینک سے دیکھ رہے ہیں،بعض لوگ آئی جی اسلام علی ناصر رضوی کو مورد الزام ٹھہرا رہے ہیں مگردستیاب معلومات کے مطابق یہ خودکشی کسی جذباتی ردعمل کانتیجہ نہیں ،ASP عدیل اکبر طویل عرصہ سے ڈپریشن کے مرض میں مبتلا تھے،،گزشتہ شب بھی انہوں نے…
— Bilal Ghauri (@mbilalghauri) October 23, 2025
میاں داؤد نے کہا کہ ایس پی عدیل کی خودکشی یا موت کی تحقیقات ہونا بہت ضروری ہیں۔ آخر پتہ تو چلے اس حادثے کی وجوہات کا۔
ایس پی عدیل کی خودکشی یا موت کی تحقیقات ہونا بہت ضروری ہیں، ایک قابل ترین آفیسر، پورا کیریئر راہ دیکھ رہا ہے، قابل ترین اہلیہ ہے، خوبصورت بیٹی ہے، یار دوستوں سے اپنا ڈپریشن شیئر کر رہا ہے اور کوئی بھی اسکو 24 گھنٹے پیار کرنے، لاڈ کرنے، سمجھانے والا نہیں ہے۔۔۔ آخر پتہ تو چلے اس… https://t.co/zASvQ85QKP
— Mian Dawood (@miandawoodadv) October 23, 2025
شمع جونیجو لکھتی ہیں کہ یہ پاکستان کے پہلے پولیس افسر کی خودکشی نہیں ہے۔ عدیل اکبر سے پہلے بھی کئی افسروں نے اپنی جان لے لی ہے۔
یہ پاکستان کے پہلے پولیس افسر کی خودکشی نہیں ہے۔ عدیل اکبر سے پہلے بھی کئی افسروں نے اپنی جان لے لی۔ پاکستان پولیس کی نوکری سانپوں کے گڑھے میں رہ کے اُنہیں ختم کرتے ہوئے خود کو بچانا ہے لیکن مصیبت میں کوئی سینئر افسر آپ کے ساتھ نہیں ہوتا- کولیگ آپ کی ترقی سے جلتے ہیں، فیملی آپ… https://t.co/SDOcVvYko5 pic.twitter.com/yfL9PcUXwb
— Dr Shama Junejo (@ShamaJunejo) October 23, 2025
ایک صارف کا کہنا تھا کہ ایسے کوئی اپنی جان نہیں لیتا جیسے سب بتا رہے ہیں۔
ایسے کوئی اپنی جان نہیں لیتا جیسے بتا رہے ہیں
ڈینگی کی وجہ سے چھٹی نہ ملنا، مسلسل ڈیوٹی، ڈکیتی وارداتوں کے بعد اعلی افسران کی ڈانٹ، پروموشن روکنے کی دھمکی اور آخر میں ایک بار پھر ڈیوٹی کے دوران فون کال پر ڈانٹے جانے پر SP عدیل اکبر دلبرداشتہ ہوئے، ذرائع کچھ اس طرح بتا رہے ہیں pic.twitter.com/HhS2u3u4wk
— ♥️خــͥــᷠــͣــͣــͪــᷜـــــانـــــی???????? (@iamkhaani) October 23, 2025
واضح رہے کہ عدیل اکبر کا تعلق ضلع گوجرانوالہ اور پولیس سروس آف پاکستان کے 46ویں کامن سے تھا، وہ اسلام آباد پولیس میں بطور ایس پی آئی نائن تعینات تھے۔اپنے کیریئر کے دوران وہ ایس پی کوئٹہ، ایس پی زیارت اور ایس پی ژوب کے عہدوں پر خدمات انجام دے چکے تھے۔ رواں سال اگست سے وہ اسلام آباد میں بطور ایس پی انڈسٹریل ایریا تعینات تھے۔
ان کی پروموشن 2 سال قبل ہونا تھی، مگر ان کے خلاف ایک محکمانہ انکوائری 2 سال تک زیرِ التوا رہی، بعد ازاں انکوائری میں وہ بے قصور قرار پائے۔ عدیل اکبر نے امریکا میں ماسٹرز کے لیے اسکالرشپ کے لیے درخواست دے رکھی تھی اور گزشتہ روز ہی ان کی اسکالرشپ کی منظوری کا خط بھی موصول ہوا تھا۔ عدیل اکبر شادی شدہ تھے اور ان کی 2 سالہ بیٹی بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد خود کشی ایس پی عدیل اکبر پمز اسپتال عدیل اکبر عدیل اکبر خود کشی
دل دہلا دینے والے واقعات کی ایک جھلک