ریپ سے متاثرہ لڑکی کا کردار ادا کرتے ہوئے مجھے صحت کے مسائل کا سامنا کرنا پڑا: صبا قمر
اشاعت کی تاریخ: 25th, October 2025 GMT
اداکارہ صبر قمر نے انکشاف کیا ہے کہ جیو ٹی وی مقبول ڈرامے ’کیس نمبر 9 ‘ کی شوٹنگ کے دوران ریپ سے متاثرہ لڑکی کے جذباتی مناظر شوٹ کروانے کی وجہ سے انہیں صحت کے مسائل کا سامنا کرنا پڑا۔
نجی ٹی وی کے ڈرامہ ریویو شو میں ڈرامہ سیریل ’کیس نمبر 9‘ کی کہانی اور اس کی مرکزی اداکارہ صبا قمر کو ان کی اداکاری پر خوب پذیرائی ملی۔
مذکورہ شو کا مختصر ویڈیو کلپ سوشل میڈیا پر وائرل ہو گیا، وائرل کلپ نے صبا قمر کی توجہ بھی حاصل کی تو انہوں نے سوشل میڈیا پلیٹ فارم انسٹاگرام پر اسے ری شیئر کیا۔
ریپ سے متاثرہ لڑکی کا کردار ادا کرتے ہوئے مجھے صحت کے مسائل کا سامنا کرنا پڑا: صبا قمر
انسٹااسٹوری میں ری شیئر کئے گئے ویڈیو کلپ پر تبصرہ کرتے ہوئے اداکارہ نے ساتھی فنکاروں و مبصرین کا شکریہ ادا کیا اور بتایا کہ ریپ سے متاثرہ لڑکی کا کردار ادا کرنا میرے لیے آسان نہیں تھا۔
ان کا کہنا تھا کہ اس کردار کے لیے مسلسل جذباتی مناظر شوٹ کروانے سے میری ذہنی و جسمانی صحت بھی متاثر ہوئی کیونکہ جذباتی مناظر ذہن اور جسم پر بہت بڑا دباؤ ڈالتے ہیں لیکن میں اپنی بہتر دیکھ بھال کر رہی ہوں۔
اداکارہ نے یہ بھی لکھا کہ میں جذباتی سینز شوٹ کروانے کی وجہ سے پیش آنے والے صحت کے مسائل سے نمٹنے کی کوشش کر رہی ہوں اور خود کو ہمیشہ یاد دلاتی ہوں کہ مجھے مضبوط رہنا ہے۔
.ذریعہ: Daily Mumtaz
کلیدی لفظ: صحت کے مسائل
پڑھیں:
ڈونلڈ ٹرمپ کی یورپ پر سخت تنقید، کمزور اور زوال پذیر قرار دے دیا
امریکی صدر ڈونلڈ ٹرمپ نے یورپ پر سخت تنقید کرتے ہوئے مہاجرین اور یوکرین کے معاملے پر براعظم کو کمزور اور زوال پذیر قرار دے دیا۔
ایک انٹرویو میں امریکی صدر ڈونلڈ ٹرمپ نے یورپ کے ساتھ اپنے اختلافات کو مزید گہرا کرتے ہوئے کہاکہ مہاجرین اور یوکرین کے حوالے سے یورپ کمزور اور زوال پذیر ہو رہا ہے۔
مزید پڑھیں: امریکی صدر ٹرمپ کی نئی سیکیورٹی اسٹریٹیجی جاری، یورپ کو نشانے پر لے لیا
ٹرمپ نے واشنگٹن کے دیرینہ اتحادی خطے پر اپنے غیر معمولی حالیہ تنقیدوں کو دہراتے ہوئے یورپ میں تہذیبی زوال سے متعلق انتہائی دائیں بازو کے بیانیے کو بھی دہرایا، اور کہاکہ یورپ کی پالیسیاں تباہ کن، ہیں۔
ٹرمپ نے کہا، ’وہ دنیا کے ہر کونے سے آ رہے ہیں، لیکن وہ سیاسی طور پر درست نظر آنا چاہتے ہیں اور انہیں واپس بھیجنا نہیں چاہتے جہاں سے وہ آئے ہیں۔‘
ٹرمپ کا یہ سخت بیان اس وقت سامنے آیا ہے جب ان کی انتظامیہ کی نئی قومی سلامتی پالیسی نے یورپی یونین کی لبرل مہاجر پالیسیوں کے خلاف مزاحمت پیدا کرنے کی بات کرکے تشویش پیدا کر دی ہے۔
جب ٹرمپ سے پوچھا گیا کہ اگر یورپی ممالک نے مہاجرین کے مسئلے پر ان کی انتظامیہ کی پالیسیوں کو قبول نہ کیا تو کیا وہ امریکا کے اتحادی رہیں گے، تو انہوں نے جواب دیا، یہ انحصار کرتا ہے۔
ٹرمپ نے کہاکہ میری نظر میں وہ کمزور ہیں، لیکن وہ سیاسی طور پر بہت زیادہ درست رہنا چاہتے ہیں۔
انہوں نے برطانیہ، فرانس، جرمنی، پولینڈ اور سویڈن سمیت ان ممالک کی فہرست دی جنہیں وہ مہاجرت کی وجہ سے تباہ ہوتے ہوئے دیکھتے ہیں، اور لندن کے پہلے مسلمان میئر صادق خان پر ایک بار پھر حملہ کرتے ہوئے انہیں خوفناک، وحشی اور قابلِ نفرت قرار دیا۔
ٹرمپ نے اس بات کو بھی نظرانداز کیا کہ کریملن نے نئی امریکی قومی سلامتی حکمتِ عملی کو اپنے نقطہ نظر سے ہم آہنگ قرار دیا ہے۔
انہوں نے کہاکہ میرا خیال ہے کہ (ولادیمیر پوٹن) ایک کمزور یورپ دیکھنا چاہیں گے، اور سچ پوچھیں تو انہیں وہی مل رہا ہے۔ اس کا مجھ سے کوئی تعلق نہیں۔
مزید پڑھیں: یورپی رہنماؤں کا ٹرمپ کو ناراض کرنے سے گریز، لاطینی امریکا سمٹ میں شرکت منسوخ
ٹرمپ نے روس اور یوکرین کے درمیان جنگ کے حل میں یورپ کے کردار پر بھی تنقید کی اور کہاکہ وہ باتیں بہت کرتے ہیں لیکن عملی طور پر کچھ نہیں کرتے، اور جنگ اسی طرح چلتی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر ڈونلڈ ٹرمپ سخت تنقید وی نیوز یورپ
بینظیر ہنرمند پروگرام؛ شمولیت کی شرائط اوررجسٹریشن کا طریقہ کارجانیے