دشمن کی جارحیت کیخلاف پاک فوج سیسہ پلائی ہوئی دیوار ہے، ڈی جی آئی ایس پی آر
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
مردان : پاک فوج کے ترجمان لیفٹیننٹ جنرل احمد شریف نے کہا ہے کہ دشمن کی کسی بھی جارحیت کے خلاف پاک فوج اور عوام سیسہ پلائی ہوئی دیوار ثابت ہوں گے۔
مردان کی مختلف یونیورسٹیوں اور مدارس کے اساتذہ و طلبہ سے خصوصی نشست کے دوران گفتگو کرتے ہوئے ڈی جی آئی ایس پی آر نے کہا کہ پاکستان نے دہشت گردی اور خوارج کے خلاف مؤثر اقدامات کیے ہیں اور ملک کی سلامتی و استحکام کے لیے پاک فوج ہر محاذ پر دفاع کے لیے تیار ہے۔
نشست میں عبدالولی خان یونیورسٹی، وومن یونیورسٹی، یونیورسٹی آف انجینئرنگ اینڈ ٹیکنالوجی اور مختلف مدارس کے اساتذہ و طلبہ نے شرکت کی۔
لیفٹیننٹ جنرل احمد شریف نے شرکا کے ساتھ معرکہ حق، پاک افغان کشیدگی اور سیکیورٹی صورتحال پر تفصیلی گفتگو کرتے ہوئے کہا کہ پاکستان نے دہشت گردوں کے نیٹ ورک کو توڑ کر امن کی بحالی میں نمایاں کامیابیاں حاصل کی ہیں۔
انہوں نے کہا کہ دشمن ملک کو عدم استحکام سے دوچار کرنے کے لیے مختلف طریقے اختیار کر رہا ہے لیکن افواج پاکستان اور عوام کے باہمی اتحاد سے کوئی بھی سازش کامیاب نہیں ہو سکتی۔
اس موقع پر اساتذہ اور طلبہ نے غازیوں اور شہداء کو خراجِ تحسین پیش کرتے ہوئے کہا کہ قوم امن و ترقی کے لیے پاک فوج کے کردار کو قدر کی نگاہ سے دیکھتی ہے۔
طلبہ نے کہا کہ ہمیں یہ جان کر فخر ہوا کہ پاک فوج نے کس طرح دہشت گردی کے خلاف قربانیاں دے کر ملک کو محفوظ بنایا اور یہ کہ دشمن عناصر سوشل میڈیا پر پراپیگنڈا پھیلا کر نوجوانوں کو گمراہ کرنے کی کوشش کر رہے ہیں۔
طلبہ کا کہنا تھا کہ اب ہماری ذمہ داری ہے کہ ہم اپنی افواج کے شانہ بشانہ کھڑے ہوکر ملک کے استحکام میں کردار ادا کریں تاکہ پاکستان کو امن، ترقی اور خوشحالی کی راہ پر مزید آگے بڑھایا جا سکے۔
ذریعہ
ذریعہ: Jasarat News
کلیدی لفظ: پاک فوج نے کہا کہا کہ کے لیے کہ پاک
پڑھیں:
چیئرمین سینیٹ سے اٹالین سفیر کی غیر رسمی ملاقات ،دونوںملکوں کے تعلقات مضبوط بنانے کے عزم کا اعادہ
اسلام آباد (اُردو پوائنٹ اخبارتازہ ترین - اے پی پی۔ 03 جون2026ء) چیئرمین سینیٹ سید یوسف رضا گیلانی نے اٹلی کے ساتھ پاکستان کے دیرینہ اور دوستانہ تعلقات کو مزید مستحکم بنانے کے عزم کا اعادہ کرتے ہوئے کہا ہے کہ دونوں ممالک کے درمیان تعلقات باہمی احترام، مشترکہ مفادات اور علاقائی و عالمی امور میں تعاون پر استوار ہیں۔یہ بات انہوں نے اٹلی کے 80ویں یومِ جمہوریہ کے موقع پر منعقدہ استقبالیہ تقریب کے دوران پاکستان میں اٹلی کی سفیر مس ماریلینا آرمیلن سے غیر رسمی ملاقات کے دوران کہی۔ سید یوسف رضا گیلانی نے سینیٹ اور پاکستانی عوام کی جانب سے اٹلی کی حکومت اور عوام کو قومی دن کی مبارکباد پیش کرتے ہوئے اٹلی کو پاکستان کا قابلِ اعتماد دوست قرار دیا۔ انہوں نے کہا کہ پاکستان اور اٹلی کے درمیان دوطرفہ تعلقات وقت کے ساتھ مزید مضبوط ہوئے ہیں اور مختلف شعبوں میں تعاون کے نئے مواقع پیدا ہو رہے ہیں۔(جاری ہے)
سید یوسف رضا گیلانی نے پارلیمانی سفارتکاری، تجارت اور سرمایہ کاری کے فروغ کی اہمیت پر زور دیتے ہوئے پاکستان کے جی ایس پی پلس سٹیٹس کے حوالے سے اٹلی کی حمایت کو سراہا۔
انہوں نے صحت، تعلیم اور صفائی کے شعبوں میں اٹلی کے ترقیاتی تعاون کو بھی قابلِ قدر قرار دیا۔چیئرمین سینیٹ نے اٹلی کی سفیر ماریلینا آرمیلن کی پاکستان اور اٹلی کے درمیان تعلقات کے فروغ کے لیے خدمات کو سراہتے ہوئے اس امید کا اظہار کیا کہ دونوں ممالک کے درمیان دوستی اور تعاون آئندہ برسوں میں مزید وسعت اختیار کرے گا۔تقریب میں چیئرمین سینیٹ نے یادگاری کیک بھی کاٹا اور اٹلی کی حکومت اور عوام کے لیے نیک تمناؤں کا اظہار کیا۔\932
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ