جماعت اسلامی کی سندھ حکومت پر تنقید؛ جامعہ کراچی کی زمین اور ICCBS قانون پر شدید تحفظات
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی:امیر جماعت اسلامی کراچی منعم ظفر خان نے سندھ حکومت پر شدید تنقید کرتے ہوئے الزام عائد کیا ہے کہ صوبائی حکام کی نظریں صرف کراچی یونیورسٹی کے معروف تحقیقی ادارے ICCBS پر ہی نہیں بلکہ جامعہ کراچی کی وسیع اراضی پر بھی ہیں، جماعت اسلامی جامعہ کراچی کے اساتذہ اور طلبہ کے ساتھ کھڑی ہے اور مجوزہ قانون کو عدالت میں چیلنج کیا جائے گا۔
ادارہ نورحق میں انجمن اساتذہ جامعہ کراچی کے صدر غفران کی سربراہی میں آنے والے وفد سے گفتگو کرتے ہوئے منعم ظفر خان نے کہا کہ حکومت کا حالیہ اقدام تعلیمی خودمختاری کے منافی ہے۔ ملاقات میں جماعت اسلامی کے رکن سندھ اسمبلی محمد فاروق، شعبہ تعلیم کے انچارج ابن الحسن ہاشمی اور انجینئر صابر احمد بھی موجود تھے۔
وفد میں سکریٹری معروف بن رؤف، ڈاکٹر ندا، ڈاکٹر طٰہ بن نیاز، پروفیسر ڈاکٹر انتخاب الفت، عاطف اسلم راؤ اور ایچ ای جے کے سینئر اکاؤنٹ آفیسر محمد علی کاظمی شامل تھے۔ اساتذہ نے جامعہ کراچی اور اس سے وابستہ تحقیقی اداروں کے مسائل کے حوالے سے تفصیلی بریفنگ دیتے ہوئے بتایا کہ ICCBS کے حوالے سے مجوزہ قانون نہ جامعہ کراچی کی انتظامیہ سے شیئر کیا گیا اور نہ ہی فیکلٹی، طلبہ یا ملازمین سے کوئی مشاورت کی گئی۔
اساتذہ کے مطابق محض ایک فیصد ڈونیشن دینے والے چند افراد کو ادارے کے بنیادی فیصلوں میں غیر معمولی اختیار دینا غلط اور تعلیمی ڈھانچے کے لیے خطرناک ہے۔ ان کا کہنا تھا کہ اس اقدام سے نہ صرف تحقیقی سرگرمیوں کو نقصان پہنچے گا بلکہ سیکڑوں طلبہ اور محققین کے مستقبل پر بھی اثر پڑے گا۔
وفد نے یہ بھی بتایا کہ 1700 ایکڑ پر قائم جامعہ کراچی کی اراضی کا بڑا حصہ پہلے ہی قبضہ مافیا کی سرگرمیوں کا نشانہ بن چکا ہے اور اب مزید زمینوں پر قبضے کی کوششیں جاری ہیں۔ عدالتوں میں مقدمات کے باوجود صورتحال بدستور تشویشناک ہے۔
اساتذہ نے مطالبہ کیا کہ جامعہ کی زمینوں کی ڈیجیٹل میپنگ، قانونی فائر وال، قبضہ مافیا کے خلاف مشترکہ آپریشن اور مقدمات کے فوری فیصلوں کے لیے خصوصی میکنزم بنایا جائے، ICCBS سے متعلق مجوزہ قانون جامعہ کراچی کے مستقبل کے لیے شدید خطرہ ہے اور کوئی بھی فیصلہ اسٹیک ہولڈرز کی مشاورت کے بغیر قابل قبول نہیں۔
انجمن اساتذہ نے اعلان کیا کہ جامعہ کے مفاد اور طلبہ کے مستقبل کے تحفظ کے لیے ہر سطح پر اپنا آئینی اور ادارہ جاتی کردار ادا کیا جاتا رہے گا۔
ذریعہ
ذریعہ: Jasarat News
کلیدی لفظ: جامعہ کراچی کی جماعت اسلامی کے لیے
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی