ضلع خیبر میں خواتین کو انصاف کی فراہمی کے لیے تاریخی پیشرفت
اشاعت کی تاریخ: 7th, December 2025 GMT
تھانہ لنڈی کوتل کی ڈسٹرکٹ ریزیولوشن کونسل (ڈی آر سی) کی خواتین ممبران نے پہلی بار ایک اہم اور پیچیدہ مقدمہ نا صرف سنا بلکہ اسے کامیابی کے ساتھ حل بھی کیا۔ اسلام ٹائمز۔ ضلع خیبر میں خواتین کو انصاف کی فراہمی کے لیے ایک تاریخی پیشرفت سامنے آئی ہے۔ تفصیلات کے مطابق تھانہ لنڈی کوتل کی ڈسٹرکٹ ریزیولوشن کونسل (ڈی آر سی) کی خواتین ممبران نے پہلی بار ایک اہم اور پیچیدہ مقدمہ نا صرف سنا بلکہ اسے کامیابی کے ساتھ حل بھی کیا۔ ایس ایچ او لنڈی کوتل عشرت علی کے مطابق یہ کیس ایک بیوہ خاتون کی جانب سے دائر کیا گیا تھا جس میں انہوں نے اپنی دیت کی رقم کی واگزاری کی درخواست کی تھی۔ تفصیلات کے مطابق درخواست گزار خاتون کے شوہر سال 2024 میں ایک ٹریفک حادثے میں جاں بحق ہوگئے تھے جس کے بعد مقتول کے ورثاء کو شرعی طور پر 35 لاکھ روپے دیت کی رقم ادا کی گئی، تاہم یہ رقم مقتول کے بھائی (دیور) نے وصول کی تھی اور وہ کسی وجہ سے اسے قانونی حق دار یعنی مقتول کی بیوہ کے حوالے نہیں کر رہے تھے۔
بیوہ خاتون نے کئی ماہ کی کوششوں کے بعد بالآخر ڈی آر سی خواتین ممبران سے مدد کی درخواست کی۔ درخواست موصول ہونے پر ڈی آر سی کی خواتین ممبران نے لنڈی کوتل پولیس کے ساتھ مل کر کیس کی تمام تفصیلات کا جائزہ لیا، فریقین کو طلب کیا اور کئی اجلاسوں کے بعد ایک قابلِ قبول حل تک پہنچنے میں کامیاب ہو گئیں۔ ایس ایچ او عشرت علی کے مطابق ڈی آر سی خواتین ممبران نے انتہائی محنت، سنجیدگی اور جذبۂ خدمت کے ساتھ مقدمے کی پیروی کی اور آخرکار ڈی آر سی کے فیصلے کے مطابق 35 لاکھ روپے کی پوری رقم بیوہ کے حوالے کر دی گئی۔ ان کا کہنا تھا کہ یہ کامیابی نا صرف خاتون درخواست گزار کے لیے ایک بڑا ریلیف ہے بلکہ ضلع خیبر میں خواتین کو انصاف کی فراہمی کے لیے ایک مؤثر مثال بھی ثابت ہوگی۔ ایس ایچ او نے بتایا کہ ضلع خیبر کی تاریخ میں یہ پہلا مقدمہ ہے جو ڈی آر سی کی خواتین ممبران نے مکمل طور پر حل کیا، جو اس فورم کی بڑھتی ہوئی افادیت اور خواتین کی فعال شمولیت کا ثبوت ہے۔
انہوں نے مزید کہا کہ خواتین اپنے مسائل کے حل اور انصاف تک آسان رسائی کے لیے بلاجھجھک پولیس کی خواتین ڈی آر سی سے رجوع کر سکتی ہیں جہاں انہیں مکمل عزت، رازداری اور قانونی معاونت فراہم کی جاتی ہے۔ مقامی عوامی حلقوں اور سماجی شخصیات نے بھی ڈی آر سی خواتین ممبران اور لنڈی کوتل پولیس کی اس کامیابی کو سراہا ہے اور اسے ایک مثبت اور قابلِ تقلید مثال قرار دیا ہے، جس سے نا صرف خواتین کا اعتماد بڑھے گا بلکہ معاشرے میں انصاف کی فراہمی کا عمل بھی مزید مضبوط ہوگا۔
ذریعہ
ذریعہ: Islam Times
کلیدی لفظ: کی خواتین ممبران نے انصاف کی فراہمی لنڈی کوتل کے مطابق ڈی آر سی کے ساتھ کے لیے
پڑھیں:
سعودیہ کی ابراہم معاہدوں میں شمولیت مشرقِ وسطیٰ میں تاریخی پیش رفت ہوگی، نیتن یاہو
عالمی خبر رساں ادارے کے مطابق اسرائیلی وزیراعظم کا اپنے بیان میں کہنا تھا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔ اسلام ٹائمز۔ اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہم معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک "تاریخی جست" ثابت ہوگی۔ عالمی خبر رساں ادارے کے مطابق نیتن یاہو نے اپنے بیان میں کہا کہ سعودی عرب کی ابراہم معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام، تعاون اور امن کے امکانات بھی بڑھ جائیں گے۔
اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے مجوزہ سول جوہری معاہدے کو اسرائیل سے تعلقات معمول پر لانے سے مشروط کیے جانے کے بعد سامنے آیا ہے۔ صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی حتمی منظوری اس وقت تک نہیں دی جائے گی جب تک سعودی عرب ابراہم معاہدوں میں شامل نہیں ہو جاتا۔
ٹرمپ نے یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیئم افزودگی کی اجازت نہیں دی جائے گی۔واضح رہے کہ ایک روز قبل جب اس مجوزہ جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب اور اسرائیل کے تعلقات معمول پر لانے کی شرط سے منسلک نہیں کیا تھا، تاہم بعد ازاں انہوں نے واضح کیا کہ دونوں معاملات ایک دوسرے سے وابستہ ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا