جب پروین بابی نے امیتابھ بچن کیخلاف ایف آئی آر درج کروائی
اشاعت کی تاریخ: 21st, February 2025 GMT
بالی ووڈ کی 80 کی دہائی کی مشہور خوبرو آنجہانی اداکارہ پروین بابی نے ماضی میں ایک انٹرویو میں امیتابھ بچن کو ایک بین الااقوامی گینگسٹرقرار دیا تھا اور ان کیخلاف پولیس میں شکایت بھی درج کروائی تھی۔
بھارتی میڈیا کی رپورٹ کے مطابق اپنے اپارٹمنٹ میں مردہ حالت میں پائی جانے والی اداکارہ پروین بابی نے 1989 میں ایک انٹرویو دیا جس نے تہلکہ مچا دیا تھا۔ انٹرویو میں پروین بابی نے اس وقت کے سپر اسٹار امیتابھ بچن پر الزام عائد کیا تھا کہ وہ ان کی جان کے پیچھے پڑے ہیں۔
اداکارہ کا کہنا تھا کہ ’امیتابھ بچن ایک سپر انٹرنیشنل گینگسٹر ہیں۔ وہ میری زندگی کے پیچھے پڑا ہے۔ اس کے غنڈوں نے مجھے اغوا کیا اور مجھے ایک جزیرے پر رکھا گیا جہاں انہوں نے میری سرجری کی اور میرے کان کے اندر ایک ٹرانسمیٹر یا چِپ لگا دی‘۔
اس انٹرویو نے انڈسٹری میں کھلبلی مچا دی جس کے بعد پروین نے ساتھی اداکار کے خلاف پولیس میں شکایت درج کروائی اور معاملہ عدالت میں چلا گیا، جس سے ایک اور دل دہلا دینے والا انکشاف ہوا کہ اداکارہ کو دماغی مرض، شیزوفرینیا کی تشخیص ہوئی ہے۔
دوسری جانب میزبان و اداکار شیکھر سمن نے انکشاف کیا کہ پروین بابی نے خود انہیں انٹرویو کے لئے کال کر کے گھر بلایا اور انٹرویو دیا تھا لوگ ان کی ذہنی حالت کے بارے میں جو بھی کہتے ہیں وہ جھوٹ اور غلط ہے۔ میزبان کا کہنا تھا کہ اداکارہ بلکل ٹھیک تھیں لیکن انٹرویو کے دوران پروین بابی نے وہ باتیں کیں جن پر وہ خود بھی حیران اور پریشان ہوگئے تھے۔
تاہم شیکھر سمن نے اداکارہ کے انٹرویو کے وہ کلپس کاٹ دیئے کیونکہ انڈسٹری کے جن لوگوں کے خلاف وہ باتیں بتا رہی تھیں اس کیلئے ان کے پاس کوئی ثبوت نہیں تھا۔
یاد رہے کہ پروین بابی اور امیتابھ بچن ماضی کی مشہور فلم ’دیوار اور ’امر اکبر انتھونی‘ سمیت کئی فلموں میں ایک ساتھ کام کر چکے تھے۔
ماضی کی اس خوبرو اداکارہ نے زندگی کے آخری لمحات تنہا گزارے اور پڑوسیوں کی جانب سے ان کی لاش سڑنے کی وجہ سے بدبو پھیلنے پر پولیس کو اطلاع دی گئی تھی جہاں بند اپارٹمنٹ میں اداکارہ 3 دن قبل دم توڑ چکی تھیں۔
اداکارہ کے اہل خانہ کی جانب سے ان کی آخری رسومات کی ادائیگی کیلئے انکار کے بعد ان کے ایکس بوائے فرینڈز مہیش بھٹ، کبیر بیدی اور ڈینی نے ان کی آخری رسومات ادا کیں۔
.ذریعہ: Express News
کلیدی لفظ: پروین بابی نے امیتابھ بچن
پڑھیں:
بڑھتی ہوئی عمر پر تنقید؛ ماہرہ خان کو ماں نے کیا مشورہ دیا
اداکارہ ماہرہ خان نے اپنی بڑھتی عمر پر ہونے والی تنقید اور اس پر والدہ کی پریشانی سے متعلق ایک دلچسپ واقعہ سنایا ہے۔
ماہرہ خان نے ایک انٹرویو میں بتایا کہ ایک فلم کی ریلیز کے دوران مجھے عمر پر تنقید کا سامنا بھی کرنا پڑا۔
اداکارہ نے بتایا کہ میری والدہ نے مجھے ایک کلپ دکھایا جس میں کوئی صاحب میری عمر پر تنقید کر رہے تھے۔
ماہرہ خان نے بتایا کہ میری والدہ نے مشورہ دیا کہ آخر تم اپنی عمر چھپا کیوں نہیں لیتیں؟ سب کو بتانے کی کیا ضرورت ہے۔
اداکارہ کے بقول جس پر انھوں نے اپنی والدہ سے کہا کہ میں عمر کیوں چھپاؤں؟ میں جو ہوں، مجھے ایسا ہی قبول کیا جانا چاہیے۔
ماہرہ خان نے مزید کہا کہ میں نے ہمیشہ سچ بولا، اپنی شادی، ماں بننے، پھر طلاق، کچھ بھی نہیں چھپایا تو یہ عمر کیا ہے۔
انھوں نے مزید کہا کہ عمر کے معاملے پر مجھ ہونے والی تنقید سے مجھے کوئی پریشانی ہوتی۔ میں سب کی رائے کو خوش آمدید کہتی ہوں۔
ٹرمپ کو ڈیڈی کیوں کہا؟ نیٹو کے سربراہ کا بیان سامنے آگیا