نادیہ حسین کو ایف آئی اے افسر بن کر کس نے کال کی؟ تفصیلات سامنے آگئیں
اشاعت کی تاریخ: 15th, March 2025 GMT
کراچی: اداکارہ نادیہ حسین کو ایف آئی اے افسر بن کر کال کرنے والے جعل ساز کی تفصیلات سامنے آگئیں۔
ایف آئی اے ذرائع کے مطابق نادیہ حسین کو کال کرنے والےکا نمبر وہاڑی کے رہائشی کے نام پر رجسٹرڈ ہے، ملزم نے اس نجی بینک کے ملازمین سے رابطہ کیا جہاں نادیہ حسین کے شوہر ملازم تھے۔
ذرائع کے مطابق اسی نمبر سے نجی بینک کے دیگر ملازمین سے بھی رقم کا تقاضہ کیا گیا جب کہ ملزم نے متعدد افراد کو کالز کے بعد اپنا نمبر بند کردیا۔
چند روز قبل نادیہ حسین نے سوشل میڈيا کے ذریعے الزام لگایا تھا کہ اُن سے ایف آئی اے حکام نے اُن کے شوہر کے کیس میں 50 لاکھ روپے رشوت طلب کی ہے۔
صورتحال کلیئر ہونے پر نجی ٹی وی سے گفتگو میں نادیہ حسین نے کہا تھا کہ کسی شخص نے ڈائریکٹر ایف آئی اے بن کر انہيں فون کیا اور 50 لاکھ روپے مانگے، انکار پر دھمکیاں دیں اور فون بند کردیا۔
اداکارہ کا کہنا تھا انہوں نے اس فون کال کی ایف آئی آر درج نہيں کرائی لیکن ایف آئی اے میں شکایت ضرور درج کرائی ہے۔
Post Views: 1.ذریعہ: Daily Mumtaz
کلیدی لفظ: نادیہ حسین ایف آئی
پڑھیں:
مختلف سیاسی رہنماؤں کی مسلم لیگ (ق) میں شمولیت
بلوچستان کی مختلف سیاسی جماعتوں سے تعلق رکھنے والے متعدد رہنماؤں نے مسلم لیگ (ق) میں شمولیت اختیار کر لی ہے۔ پارٹی کی جانب سے جاری کیے گئے اعلامیہ کے مطابق عوامی نیشنل پارٹی (اے این پی) اور پشتونخوا ملی عوامی پارٹی (پی کے میپ) کے کئی عہدیدار مسلم لیگ (ق) میں شامل ہوئے ہیں۔
اعلامیہ میں بتایا گیا ہے کہ مسلم لیگ (ق) نے کوئٹہ کے بلدیاتی انتخابات کے لیے اپنے امیدواروں کو پارٹی ٹکٹ بھی جاری کر دیے ہیں۔
مسلم لیگ (ق) کے مرکزی ترجمان مصطفیٰ ملک نے کہا ہے کہ پارٹی قیادت، خصوصاً چوہدری شجاعت حسین کی سربراہی پر مکمل اعتماد کا اظہار کیا جا رہا ہے۔ ان کا کہنا تھا کہ ’بلوچستان کی ترقی، دراصل پاکستان کی ترقی ہے۔‘
انہوں نے مزید کہا کہ صوبے میں بے روزگاری کا خاتمہ اور امن کی بحالی پارٹی کی اولین ترجیحات میں شامل ہیں۔
ترجمان کے مطابق پاکستان دشمن قوتیں بلوچستان میں عدم استحکام پیدا کرنا چاہتی ہیں۔ ان کا کہنا تھا کہ بھارت صوبے میں دہشت گردی کی کارروائیوں میں ملوث ہے۔ انہوں نے کہا کہ پارٹی مذاکرات کی حامی ہے، تاہم ملک دشمن عناصر کسی رعایت کے مستحق نہیں ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان چوہدری شجاعت حسین کوئٹہ مسلم لیگ ق
ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال