بیرون ملک اسرائیلی سفارتی مشنوں کی سکیورٹی بڑھانے کا اعلان
اشاعت کی تاریخ: 22nd, May 2025 GMT
بیرون ملک اسرائیلی سفارتی مشنوں کی سکیورٹی بڑھانے کا اعلان بیرون ملک اسرائیلی سفارتی مشنوں کی سکیورٹی بڑھانے کا اعلان
امریکی دارالحکومت واشنگٹن میں فائرنگ کے نتیجے میں اسرائیلی سفارتی عملے کے دو ارکان کی ہلاکت کے بعد اسرائیلی وزیر اعظم نیتن یاہو نے دنیا بھر میں ملکی سفارتی مشنوں کی سکیورٹی بڑھانے کا اعلان کر دیا ہے۔
اسرائیلی وزیر اعظم بینجمن نیتن یاہو نے دنیا بھر میں تمام اسرائیلی سفارتی مشنوں کی سکیورٹی بڑھانے کا اعلان کیا ہے۔ اس کا مقصد بیرون ملک فرائض انجام دینے والے ریاستی نمائندوں کو مزید تحفظ فراہم کرنا ہے۔
وزیر اعظم نیتن یاہو کا یہ فیصلہ اور اس حوالے سے بیان امریکی دارالحکومت واشنگٹن میں کیپیٹل جیوئش میوزیم کے باہر ہونے والی فائرنگ میں ملکی سفارتی عملے کے دو ارکان کی ہلاکت کے تناظر میں سامنے آیا ہے۔
(جاری ہے)
بدھ کی رات پیش آنے والے اس واقعے میں ایک حملہ آور نے اسرائیلی سفارت خانے کے دو اہلکاروں کو فائرنگ کر کے ہلاک کر دیا تھا۔ مشتبہ حملہ آور نے اپنی گرفتاری کے بعد ’فلسطین کی آزادی‘ کے حق میں نعرے بھی لگائے۔اسرائیل میں داخلی سطح پر کئی وزراء نے اس حملے کی مذمت کرتے ہوئے بیانات دیے ہیں۔ وزیر خارجہ گیدون سعار نے کہا ہے، ’’یہ حملہ سامیت دشمنی اور اسرائیل کی مخالفت کو اشتعال انگیزی سے براہ راست جوڑنے کا مظاہرہ ہے۔‘‘ گیدون سعار نے خدشہ ظاہر کیا کہ مستقبل میں بھی ایسے اسرائیل مخالف واقعات پیش آ سکتے ہیں۔
عالمی سطح پر بھی کئی ممالک کے اعلیٰ رہنماؤں کی طرف سے واشنگٹن میں ہونے والے اس خونریز حملے کی مذمت جاری ہے۔
.ذریعہ: UrduPoint
کلیدی لفظ: تلاش کیجئے بیرون ملک
پڑھیں:
حریت کانفرنس آزاد کشمیر شاخ کے وفد کی وزیراعظم آزاد کشمیر سے ملاقات
ملاقات میں اتفاق کیا گیا کہ تحریک آزادی کشمیر ایک مشترکہ قومی فریضہ ہے جسے وسیع تر اتحاد، باہمی مشاورت اور مربوط سفارتی حکمت عملی کے ذریعے ہی کامیابی سے ہمکنار کیا جا سکتا ہے۔ اسلام ٹائمز۔ کل جماعتی حریت کانفرنس آزاد کشمیر شاخ کے ایک وفد نے کنوینر غلام محمد صفی کی قیادت میں آزاد جموں و کشمیر کے نو منتخب وزیراعظم فیصل ممتاز راٹھور سے کشمیر ہائوس اسلام آباد میں ملاقات کی اور انہیں وزارتِ عظمی کا منصب سنبھالنے پر دلی مبارکباد پیش کی۔ ذرائع کے مطابق وزیراعظم آزاد کشمیر نے کہا کہ ان کی حکومت کشمیری عوام کی جدوجہد آزادی کے لیے ہر بین الاقوامی پلیٹ فارم پر سیاسی، سفارتی اور اخلاقی حمایت کو مزید مضبوط بنائے گی۔ انہوں نے مسئلہ کشمیر کو عالمی سطح پر اجاگر کرنے کے لیے بھرپور کردار ادا کرنے کا یقین دلایا۔ ملاقات میں اتفاق کیا گیا کہ تحریک آزادی کشمیر ایک مشترکہ قومی فریضہ ہے جسے وسیع تر اتحاد، باہمی مشاورت اور مربوط سفارتی حکمت عملی کے ذریعے ہی کامیابی سے ہمکنار کیا جا سکتا ہے۔ اس موقع پر حریت قیادت اور وزیراعظم آزاد کشمیر اس عزم کا اعادہ کیا کہ جب تک کشمیری عوام اپنے حق خودارادیت کے حصول میں کامیاب نہیں ہو جاتے، جدوجہد آزادی کشمیر پورے عزم اور تسلسل کے ساتھ جاری رہے گی۔
غلام محمد صفی نے کہا کہ کشمیری عوام کو اس تاریخی مرحلے پر آپ سے مضبوط سیاسی، سفارتی اور اخلاقی قیادت کی توقع رکھتے ہیں۔ انہوں نے امید ظاہر کی کہ نو منتخب وزیراعظم مقبوضہ کشمیر کو اپنی ترجیحات میں نمایاں مقام دیں گے اور امید ظاہر کی فیصل راٹھور مقبوضہ جموں و کشمیر اور آزاد کشمیر دونوں کے مفاد میں بھرپور، فعال اورموثر کردار ادا کریں گے۔ انہوں نے کہا کہ موثر ہم آہنگی اور مشترکہ حکمت عملی ہی اس جدوجہد کو نئی طاقت دے سکتی ہے۔ ملاقات میں جنرل سکریٹری ایڈووکیٹ پرویز احمد شاہ کے جواں سال بیٹے کی وفات پر دکھ اور افسوس کا اظہار اور مرحوم کی بلندی درجات کے لئے دعا بھی کی گئی۔ حریت وفد میں سینئر رہنماء ایڈوکیٹ پرویز احمد شاہ، محمود احمد ساغر، سید فیض نقشبندی، شیخ عبدالمتین، سید اعجاز رحمانی، حاجی محمد سلطان، امتیاز وانی، راجہ شاہین، شیخ عبدالماجد اور سیکرٹری اطلاعات مشتاق احمد بٹ شامل تھے۔
کمشنر سیسی سے مزدور نمائندوں کی ملاقات 20 نومبر کو ملاقات برائے مزدوروں کے مسائل