پاکستان: طوفان اور لینڈ سلائیڈنگ میں 11 ہلاک، شدید بارشوں کی وارننگ
اشاعت کی تاریخ: 28th, June 2025 GMT
اسلام آباد (اُردو پوائنٹ ۔ DW اردو۔ 28 جون 2025ء) پاکستان کے شمال مغربی صوبے خیبر پختونحوا میں ڈیزاسٹر مینیجمنٹ ایجنسی کی طرف سے جعمے کو دیر گئے جاری کردہ رپورٹ میں کہا گیا، ''گزشتہ 24 گھنٹوں میں، اچانک سیلاب اور لینڈ سلائیڈنگ سے 11 افراد کی جانیں ضائع چلی گئیں، جن میں چار بچے اور تین خواتین شامل ہیں، جبکہ چھ دیگر افراد زخمی ہوئے ہیں۔
‘‘رپورٹ میں مزید کہا گیا کہ 10 ہلاکتیں وادی سوات میں ہوئیں، جہاں مقامی میڈیا کے مطابق سیلاب کی لہریں دریا کے کنارے پر موجود خاندانوں کو بہا لیے گئیں۔
ڈیزاسٹر ایجنسی کی رپورٹ میں کہا گیا ہے کہ صوبے میں سیلاب سے 56 مکانات کو بھی نقصان پہنچا ہے، جن میں سے چھ تباہ ہو گئے ہیں۔
قومی موسمیاتی سروس نے خبردار کیا ہے کہ کم از کم منگل تک شدید بارش اور ممکنہ سیلاب کا خطرہ زیادہ رہے گا۔
(جاری ہے)
گزشتہ ماہ اس جنوبی ایشیائی ملک میں شدید طوفانوں میں کم از کم 24 افراد ہلاک ہو گئے تھے۔ اس بارپاکستان میں موسم بہار میں شدید ژالہ باری سمیت کئی شدید موسمی واقعات رونما ہوئے۔
240 ملین کی آبادی پر مشتمل جنوبی ایشیائی ملک پاکستان کو موسمی واقعات کی شدت اور تعداد میں مسلسل اضافے کا سامنا ہے اور یہ ملک موسمیاتی تبدیلیوں کے اثرات سے سب سے زیادہ متاثر ہونے والے ممالک میں سے ایک ہے۔
پاکستان کے معروف روزنامہ ڈان کی ایک رپورٹ کے مطابق کئی اضلاع میں سیلابی پانی میں پھنسے لوگوں کی امداد کا کام جاری ہے۔ مقامی میڈیا کی رپورٹوں میں خیر پختونخوا میںشدید بارشوں کے بعد دریائے سوات میں آنے والی طغیانی کی تباہیوں کے بارے میں کہا جا رہا ہے کہ سوات میں سیلابی ریلے میں ایک ہی خاندان کے 15 افراد سمیت 78 لوگ بہہ گئے۔
نو افراد کی لاشیں نکالی جا چُکی ہیں اور 60 افراد کو بچا لیا گیا ہے۔
سیلاب کے متاثرین کی مدد کے لیے پاکستانی فوج کے دستے بھی امدادی کارروائیوں میں شریک ہیں۔مالا کنڈ ڈویژن کے حکام نے بتایا ہے کہ سیلاب میں اب تک نو افراد کے لقمہ اجل بننے کے علاوہ 10سیاحوں کی تلاش کا کام جاری ہے جبکہ 60 افراد کو بچا لیا گیا ہے۔ مقامی میڈیا کی خبروں کے مطابق مالا کنڈ ڈویژن کے تمام دریاؤں میں نہانے پر پابندی عائد کرتے ہوئے دفعہ 144 نافذ کی گئی ہے جس کی خلاف ورزی پر 40 افراد کو گرفتار کر لیا گیا ہے۔
ادارت: افسر اعوان
.
ذریعہ
ذریعہ: UrduPoint
کلیدی لفظ: تلاش کیجئے گیا ہے
پڑھیں:
مستونگ میں فائرنگ،سیشن جج گن مین سمیت شہید،2 افراد زخمی
مستونگ میں فائرنگ سے سیشن جج عبدالحکیم کاکڑ اوران کے گن مین شہید جبکہ ایڈیشنل سیشن جج طارق لاشاری سمیت دو افراد شدید زخمی ہوگئے.وزیراعلیٰ بلوچستان اور وزیر داخلہ نے واقعے کی مذمت کرتے ہوئے فوری کارروائی کا حکم دیا۔ضلع مستونگ میں قومی شاہراہ پرنامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہوگئے۔ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ راستے میں ان کی گاڑی پر نامعلوم مسلح افراد نے فائرنگ کردی۔واقعے کے بعد لاشوں اور زخمیوں کو فوری طور پر اسپتال منتقل کردیا گیا، جبکہ قانون نافذ کرنے والے اداروں نے علاقے کو گھیرے میں لے کر تحقیقات اور حملہ آوروں کی تلاش شروع کردی۔بلوچستان بار کونسل نے حملے کو نظام انصاف پر دہشت گرد حملہ قرار دیتے ہوئے شدید مذمت کی. واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا، جبکہ ججز، وکلاء اور شہریوں کے تحفظ کے لیے مؤثر اقدامات اور ملوث عناصر کی فوری گرفتاری کا مطالبہ کیا۔
دوسری جانب وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی شدید مذمت کرتے ہوئے شہداء کے لواحقین سے اظہار تعزیت کیا اور حملہ آوروں کو جلد قانون کے کٹہرے میں لانے کی ہدایت کی۔
بھارت سے جنگ اور افغانستان میں کارروائی خارج ازامکان نہیں، وزیردفاع