الیکٹرک گاڑیوں کے فروغ کیلئے صنعتکاروں کا اہم مطالبہ
اشاعت کی تاریخ: 8th, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستان آٹو موٹیو مینوفیکچررز ایسوسی ایشن (پاما) نے حکومت سے الیکٹرک گاڑیوں سے متعلق سبسڈی پالیسی پر نظرثانی کا مطالبہ کر دیا ہے۔
ڈی جی پاما عبدالوحید خان کا کہنا ہے کہ حکومت کو غیرمعیاری بیٹریوں والی الیکٹرک گاڑیوں پر فوری پابندی عائد کرنی چاہیے تاکہ صارفین کو ناقص ٹیکنالوجی والی گاڑیاں خریدنے پر مجبور نہ کیا جائے۔
انہوں نے کہا کہ حکومت کی جانب سے غیر معیاری بیٹریوں کی اجازت دینا صارفین کے اعتماد کو نقصان پہنچا سکتا ہے، جبکہ ناقص بیٹریوں کے استعمال سے پاکستان میں الیکٹرک وہیکل انڈسٹری کی پائیداری خطرے میں پڑ سکتی ہے۔ ان کا کہنا تھا کہ اگر اس شعبے کو درست سمت میں نہ چلایا گیا تو ملک میں الیکٹرک گاڑیوں کی ترقی رک سکتی ہے۔
گزشتہ سال وفاقی وزیر خزانہ محمد اورنگزیب نے ایک تقریب سے خطاب کرتے ہوئے کہا تھا کہ پاکستان مستقبل میں الیکٹرک گاڑیاں ایکسپورٹ کرنے والا ملک بن سکتا ہے۔ انہوں نے کہا کہ ملک میں الیکٹرک وہیکلز کی تیاری کے لیے سرمایہ کاری خوش آئند ہے، اس سے نہ صرف عالمی اعتماد بڑھے گا بلکہ پاکستان کی بانڈز مارکیٹ میں ویلیو بھی بہتر ہوگی۔
دنیا بھر کی طرح پاکستان میں بھی الیکٹرک گاڑیوں کی طلب میں تیزی سے اضافہ ہورہا ہے، تاہم ماہرین کے مطابق اس کے ساتھ کئی چیلنجز بھی جڑے ہیں، جن میں بیٹری کی لاگت، چارجنگ انفراسٹرکچر کی کمی، اور مینٹیننس کے مسائل شامل ہیں۔ ماہرین کا کہنا ہے کہ اگر حکومت معیاری بیٹریوں اور انفراسٹرکچر کی فراہمی کو یقینی بنائے تو الیکٹرک گاڑیاں مستقبل میں پیٹرول گاڑیوں کا مؤثر متبادل ثابت ہو سکتی ہیں۔
.
ذریعہ
ذریعہ: Jasarat News
کلیدی لفظ: الیکٹرک گاڑیوں میں الیکٹرک
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی