ڈی آئی خان: پولیس ٹریننگ اسکول پر حملے میں 6 اہلکار اور امام مسجد شہید، 5 دہشتگرد ہلاک
اشاعت کی تاریخ: 11th, October 2025 GMT
خیبرپختونخوا کے ضلع ڈیرہ اسماعیل خان میں پولیس ٹریننگ اسکول پر بھارتی سرپرستی میں سرگرم فتنہ الخوارج کے دہشتگردوں کے حملے میں 6 پولیس اہلکار اور امام مسجد شہید ہوگئے، جبکہ جوابی کارروائی میں 5 دہشتگرد ہلاک کردیے گئے۔
پاک فوج کے شعبہ تعلقاتِ عامہ (آئی ایس پی آر) کے مطابق یہ حملہ 10 اور 11 اکتوبر کی درمیانی شب ڈیرہ اسماعیل خان کے پولیس ٹریننگ اسکول پر کیا گیا، جہاں دہشتگردوں نے اسکول کی بیرونی سیکیورٹی توڑنے کی کوشش کی۔
یہ بھی پڑھیں: سیکیورٹی فورسز کی شیرانی میں کارروائی، فتنہ الخوارج کے 7 دہشتگرد ہلاک
بیان میں کہا گیا کہ موقع پر موجود قانون نافذ کرنے والے اداروں کے اہلکاروں نے فوری ردعمل دیتے ہوئے دہشتگردوں کے ناپاک عزائم ناکام بنا دیے۔ دہشتگردوں نے بارود سے بھری ایک گاڑی اسکول کے مرکزی دروازے سے ٹکرا دی تھی۔
ترجمان کے مطابق پولیس اہلکاروں نے 3 بھارتی حمایت یافتہ دہشتگردوں کو موقع پر ہی ہلاک کردیا، جبکہ 2 مزید دہشتگردوں کو عمارت کے اندر گھیر کر سیکیورٹی فورسز انجام تک پہنچایا۔
آئی ایس پی آر نے بتایا کہ شدید فائرنگ کے تبادلے میں 6 بہادر پولیس اہلکاروں نے جامِ شہادت نوش کیا، جن میں ٹریننگ حاصل کرنے والے جوان بھی شامل تھے۔ حملے کے نتیجے میں 12 پولیس اہلکار اور ایک عام شہری زخمی ہوئے۔
ترجمان کے مطابق دہشتگردوں نے کارروائی کے دوران اسکول کمپلیکس کی مسجد کو بھی نشانہ بنایا، جہاں انہوں نے عبادت گاہ کی بے حرمتی کی اور امام مسجد کو شہید کر دیا۔
بیان میں مزید کہا گیا کہ علاقے میں کلیئرنس آپریشن جاری ہے، اور اس بزدلانہ و سفاکانہ کارروائی میں ملوث تمام عناصر کو انصاف کے کٹہرے میں لایا جائے گا۔
یہ بھی پڑھیں: خصدار میں سیکیورٹی فورسز کا آپریشن، فتنہ الہندوستان کے 4 دہشتگرد ہلاک
دوسری جانب صدر مملکت آصف علی زرداری، وزیراعظم شہباز شریف اور وزیر داخلہ محسن نقوی نے پولیس ٹریننگ اسکول پر خوارجی دہشتگردوں کے حملے کی شدید مذمت کی اور شہید کو خراج عقیدت پیش کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امام مسجد شہید پولیس ٹریننگ اسکول دہشتگرد ہلاک ڈی آئی خان وی نیوز.
ذریعہ
ذریعہ: WE News
کلیدی لفظ: امام مسجد شہید پولیس ٹریننگ اسکول دہشتگرد ہلاک ڈی ا ئی خان وی نیوز پولیس ٹریننگ اسکول پر دہشتگرد ہلاک
پڑھیں:
سیکیورٹی فورسز کی مستونگ میں کارروائی کے دوران فتنہ الہندوستان کے 6 دہشت گرد ہلاک
اسلام آباد: سیکیورٹی فورسز نے مستونگ میں کارروائی کے دوران فتنہ الہندوستان کے 6 دہشت گردوں کو ہلاک اور متعدد کو گرفتار کرلیا. گرفتار شدگان میں سہولت کار سمیت مرد اور خواتین خودکش بمبار بھی شامل ہیں۔بلوچستان میں انٹیلی جنس بیسڈ آپریشن کامیابی سے جاری ہے. سیکیورٹی فورسز نے کارروائیاں تیز کرتے ہوئے دہشت گردوں کے خلاف گھیرا مزید تنگ کردیا۔سیکیورٹی ذرائع کے مطابق سیکیورٹی فورسز نے بلوچستان میں مستونگ کےعلاقہ کھڈ کوچہ میں بروقت کارروائی کرتے ہوئے فتنہ الہندوستان کے 6 دہشت گرد وں کو جہنم واصل کر دیا۔سیکیورٹی ذرائع کے مطابق خفیہ اطلاعات کی بنیاد پر کی گئی سیکیورٹی فورسز کی اس کارروائی کے دوران متعدد دہشت گردوں کو گرفتار بھی کر لیا گیا. گرفتار دہشت گردوں میں سہولت کار سمیت مرد اور خواتین خودکش بمبار بھی شامل ہیں۔سیکیورٹی ذرائع کے مطابق سیکیورٹی فورسز کی مؤثر کاروائی میں دہشت گردوں کی متعدد کمین گاہیں مکمل طور پر تباہ کر دی گئیں. کارروائی کے دوران دہشت گردوں کے ٹھکانوں سے بھاری مقدار میں اسلحہ اور گولہ بارود بھی برآمد کر لیا گیا۔آپریشن کے دوران علاقے میں سرچ اور کلیئرنس کارروائیاں جاری ہیں، سیکیورٹی فورسز کی جانب سے مکمل نگرانی برقرار ہے. حالیہ دنوں میں مستونگ کےعلاقہ کھڈ کوچہ میں دہشتگردوں کی مذموم کاروائیوں کے بعد سیکیورٹی فورسز کی جانب سے انٹیلی جنس بیسڈ آپریشن تیز کر دیے گئے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا