سعودی عرب: پرنس سطام بن عبدالعزیز یونیورسٹی کی عالمی درجہ بندی میں 250 درجے ترقی
اشاعت کی تاریخ: 12th, October 2025 GMT
سعودی عرب کی پرنس سطام بن عبدالعزیز یونیورسٹی نے ٹائمز ہائیر ایجوکیشن ورلڈ یونیورسٹی رینکنگز میں شاندار ترقی کرتے ہوئے اپنی پوزیشن میں 250 درجے سے زیادہ بہتری حاصل کی ہے۔
یونیورسٹی گزشتہ سال کی 601 تا 800 کیٹیگری سے ترقی کرتے ہوئے 401 تا 500 کے گروپ میں شامل ہوگئی ہے، جو تعلیمی معیار اور تحقیقی صلاحیتوں کو مضبوط بنانے کی اس کی کوششوں کا مظہر ہے۔
یہ بھی پڑھیں: پاکستانی طلبہ کے لیے سعودی عرب کی 25 یونیورسٹیوں میں 700 مکمل فنڈڈ اسکالرشپس کے مواقع
رپورٹس کے مطابق یہ اعلان کنگ عبداللہ یونیورسٹی آف سائنس اینڈ ٹیکنالوجی میں منعقدہ ٹائمز ہائیر ایجوکیشن ورلڈ اکیڈمک سمٹ کے دوران کیا گیا۔
یونیورسٹی کی اس نمایاں بہتری کا سبب ماہر اور مستند اساتذہ کی بھرتی، تحقیقی سہولیات کی توسیع اور معیار پر مبنی اقدامات کا نفاذ بتایا گیا ہے۔
مقامی سطح پر پرنس سطام یونیورسٹی نے سعودی عرب کی جامعات میں پانچواں نمبر حاصل کیا ہے، جو اسے ملک کی نمایاں تعلیمی و تحقیقی اداروں کی صف میں لاتا ہے۔
یونیورسٹی کے نائب سربراہ برائے تعلیمی و تدریسی امور ڈاکٹر مشاری العُصَیمی نے گفتگو میں کہاکہ یہ پیشرفت دراصل ہمارے تعلیمی عملے، تحقیقی ڈھانچے اور معیار پر مبنی منصوبوں میں کی جانے والی سرمایہ کاری کا نتیجہ ہے، جس نے یونیورسٹی کی ساکھ کو مزید مضبوط کیا ہے۔
یہ بھی پڑھیں: ریاض انٹرنیشنل بک فیئر 2025 میں کن سعودی خواتین لکھاریوں کے چرچے ہیں؟
انہوں نے مزید کہاکہ قومی سطح پر پانچویں پوزیشن یونیورسٹی کے اس عزم کی عکاسی کرتی ہے کہ وہ تعلیم، تحقیق اور جدت کے میدان میں ویژن 2030 کے اہداف خصوصاً اعلیٰ تعلیم کے معیار اور عالمی مسابقت کو بڑھانے کے مطابق آگے بڑھ رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پرنس سطام بند عبدالعزیز یونیورسٹی درجہ بندی میں بہتری سعودی عرب وی نیوز.ذریعہ: WE News
کلیدی لفظ: پرنس سطام بند عبدالعزیز یونیورسٹی درجہ بندی میں بہتری وی نیوز
پڑھیں:
مدینہ منورہ سمیت 16 شہر معیاری علاقوں کی عالمی فہرست میں شامل
سعودی عرب کے 16 شہر عالمی معیار کے مطابق صحت مند شہروں کی فہرست میں شامل ہو گئے۔
یہ بھی پڑھیں: امیر مدینہ منورہ کا سعودی وژن 2030 کے اہداف کے حصول کے لیے منصوبے جاری رکھنے پر زور
یہ شہر مشرق وسطیٰ، مشرقی بحر متوسط اور شمالی افریقہ کے خطے میں سرفہرست قرار پائے ہیں۔
ان شہروں نے عالمی ادارۂ صحت کے اسی بین الاقوامی معیارات پورے کیے جن کی بنیاد پر انہیں صحت مند شہروں کا درجہ دیا گیا۔
مزید پڑھیے: مدینہ منورہ اور ریاض یونیسکو کے تخلیقی شہروں کی فہرست میں شامل
فہرست میں المدینہ المنورہ، الخبر، العارضة، المندق، جامعہ الامیرہ نوره، الدرعیہ، الغاط، الجموم، تبوک، شروره، عنیزه، ریاض الخبراء، جدہ، الطائف، جلاجل اور الزلفی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی شہر عالمی فہرست میں سعودی عرب سعودی عرب کے 16 شہر
معاشی ترقی، روزگار کی فراہمی اور آمدن میں اضافہ صنعتی ترقی کے بغیر ممکن نہیں: وزیراعظم