پی ٹی آئی وفد کی گورنر خیبر پختونخوا سے ملاقات، وزیرِ اعلیٰ کے انتخابات میں تعاون مانگ لیا
اشاعت کی تاریخ: 12th, October 2025 GMT
پی ٹی آئی رہنما اسد قیصر اور گورنر خیبر پختون خوا فیصل کریم کنڈی—فائل فوٹو
پاکستان تحریکِ انصاف (پی ٹی آئی) کا پارلیمانی وفد اسلام آباد میں گورنر خیبر پختون خوا فیصل کریم کنڈی کی رہائش گاہ پہنچ گیا۔
اس موقع پر وفد نے وزیرِ اعلیٰ کے انتخابات میں پیپلز پارٹی سے تعاون مانگ لیا۔
پی ٹی آئی کے وفد میں اسد قیصر، عاطف خان، علی اصغر، جنید اکبر، ڈاکٹر امجد خان شامل تھے، ملاقات میں پیپلز پارٹی کے صوبائی صدر محمد علی شاہ باچا بھی شریک تھے۔
تحریکِ انصاف کے وفد نے گورنر فیصل کریم کنڈی سےخیبر پختون خوا کے وزیرِ اعلیٰ کے انتخاب سے متعلق گفتگو کرتے ہوئے کہا کہ پیپلز پارٹی نے ہمیشہ جمہوری روایات کی پاسداری کی ہے۔
وفد نے کہا کہ وزیرِ اعلیٰ کے انتخابات میں بھی پیپلز پارٹی سے تعاون درکار ہے۔
جے یو آئی رہنما نے کہا کہ نئے وزیر اعلیٰ کے انتخاب سے متعلق مرکزی قیادت کو پی ٹی آئی کا پیغام پہنچائیں گے، مرکزی قیادت پی ٹی آئی کے پیغام سے متعلق فیصلہ کرے گی۔
گورنر خیبر پختون خوا نے کہا کہ علی امین گنڈاپور کے استعفے کی منظوری میں آئین و قانون کی مکمل پاسداری کروں گا، اپوزیشن جماعتوں سے مشاورت کے ساتھ صوبے کی ترقی کے لیے آگے بڑھا جا سکتا ہے۔
فیصل کریم کنڈی نے کہا کہ صوبے میں پائیدار امن اور عوام کو سہولتوں کی فراہمی کے لیے مل کر کردار ادا کرنا ہو گا، پیپلز پارٹی جمہوری روایات اور جمہوریت کی مضبوطی کی علم بردار جماعت ہے۔
خیال رہے کہ خیبر پختون خوا اسمبلی میں وزیرِ اعلیٰ کے انتخاب کے لیے 4 امیدواروں کے کاغذاتِ نامزدگی منظور کر لیے گئے۔
صوبائی حکومت نے طے کیا ہے کہ یہ انتخاب پیر کے روز ہو گا، حکومتی امیدوار سہیل آفریدی، جے یو آئی ف کے امید وار مولانا لطف الرحمٰن، مسلم لیگ ن کی طرف سے سردار شاہ جہان یوسف اور پیپلز پارٹی کے امیدوار ارباب زرک خان نے کاغذاتِ نامزدگی جمع کرائے ہیں۔
اپوزیشن لیڈر ڈاکٹر عباد اللّٰہ کے مطابق نئے قائد ایوان کے انتخاب کے لیے اپوزیشن متفقہ امیدوار میدان میں اتار کر باقی کاغذات واپس کیے جائیں گے۔
جے یو آئی ف کے پارلیمانی لیڈر لطف الرحمٰن اور اپوزیشن لیڈر ڈاکٹر عباد اللّٰہ نے کہا ہے کہ جب ایک وزیر اعلیٰ کا استعفیٰ منظور نہیں ہوا ہو تو دوسرے وزیر اعلیٰ کے لیے الیکشن کے خلاف کوئی بھی عدالت سے رجوع کر سکتا ہے۔
.ذریعہ: Jang News
کلیدی لفظ: گورنر خیبر پختون خیبر پختون خوا فیصل کریم کنڈی پیپلز پارٹی پی ٹی ا ئی وزیر اعلی کے انتخاب نے کہا کہ کے لیے
پڑھیں:
عمران خان کی اپیل پرضمنی انتخاب کابائیکاٹ
data-id="863a0a8" data-element_type="widget" data-widget_type="theme-post-content.default">
اسلام آباد :عوام نے عمران خان کی ضمنی انتخاب بائیکاٹ اپیل پر بھرپور ساتھ دیا، 80 فیصد سے زائد ووٹرز نے ان فراڈ انتخابات میں حصہ لینے کے بجائے گھروں میں رہنے کو ترجیح دی۔
پی ٹی آئی اسد قیصر نے اپنے ٹویٹ میں الزام عائد کیا تھا کہ ضمنی انتخابات کا پاکستان تحریک انصاف نے باضابطہ بائیکاٹ کیا اور عوام نے عمران خان کی اس اپیل پر بھرپور ساتھ دیا۔
اب تک موصول رپورٹس کے مطابق ٹرن آو ¿ٹ محض پندرہ سے اٹھارہ فیصد رہا، جبکہ اسی فیصد سے زائد ووٹرز نے ان فراڈ انتخابات میں حصہ لینے کے بجائے گھروں میں رہنے کو ترجیح دی۔
یہ انتخابات کسی طور بھی عوامی نمائندگی کا تقاضا پورا نہیں کرتے۔عوام کا اصل فیصلہ واضح ہے کہ ان انتخابات کی کوئی آئینی، قانونی یا سیاسی حیثیت نہیں بنتی، لہٰذا ان نتائج کو فوری طور پر کالعدم قرار دیا جائے۔
انتخابات کا مقصد عوام کو یہ موقع دینا ہے کہ وہ اپنی قیادت آزادانہ طور پر منتخب کر سکیں، مگر بدقسمتی سے موجودہ حکومت اور اس کے ماتحت الیکشن کمیشن ایسا ماحول فراہم کرنے میں مکمل طور پر ناکام ہو چکے ہیں جہاں عوام بلا خوف و خطر، منصفانہ اور شفاف انتخابات میں اپنا حقِ رائے دہی استعمال کر سکیں۔
اغوا، گرفتاریوں، خوف و ہراس، انتخابی مہم پر پابندیوں، ووٹر دھاندلی اور پھر فارم 47 کے ذریعے نتائج میں ردوبدل کرنا اس الیکشن کمیشن کا معمول بن چکا ہے۔
ایک نیا، خودمختار اور قابلِ اعتماد الیکشن کمیشن تشکیل دیا جائے جو ایسے ممبران پر مشتمل ہو جو انتخابی عمل پر عوام کا اعتماد بحال کر سکیں۔
پاکستان میں سیاست پر عائد تمام غیر آئینی پابندیاں ختم کی جائیں اور عوام کو سیاسی عمل میں آزادانہ حصہ لینے اور اپنے مستقبل کا فیصلہ کرنے کا حق دیا جائے۔
ویب ڈیسک
Faiz alam babar
پاکستان میں چاند نظر نہیں آیا، یکم جمادی الثانی اتوار 23 نومبر کو ہوگی