پاکستان کے معدنی ذخائر دنیا کے بہترین معیار کے قرار، امریکی جریدے کی رپورٹ
اشاعت کی تاریخ: 21st, October 2025 GMT
امریکی جریدے فارن پالیسی نے پاکستان کے معدنی ذخائر کو عالمی سطح پر غیر معمولی اہمیت کا حامل قرار دیا ہے۔
رپورٹ کے مطابق پاکستان کے معدنی وسائل اعلیٰ معیار کے ہیں اور ان کا پھیلاؤ تقریباً 2 لاکھ 30 ہزار مربع میل پر ہے، جو برطانیہ کے رقبے سے بھی دو گنا زیادہ بنتا ہے۔
جریدے نے اپنی رپورٹ میں کہا کہ اگر پاکستان معدنی شعبے میں بین الاقوامی سرمایہ کاری کو فروغ دے، تو اسے نہ صرف معاشی بلکہ سماجی سطح پر بھی بڑے پیمانے پر فائدہ حاصل ہوسکتا ہے۔ اس سرمایہ کاری سے روزگار کے نئے مواقع پیدا ہوں گے اور ملکی معیشت کو استحکام ملے گا۔
فارن پالیسی نے اس موقع پر پاکستان کی قومی معدنی پالیسی 2025ء کا بھی ذکر کیا، جس کا مقصد ملک میں معدنی وسائل کے مؤثر استعمال کو یقینی بنانا ہے۔ رپورٹ کے مطابق یہ پالیسی بالخصوص بلوچستان کے عوام کے لیے ترقی اور خوشحالی کے نئے دروازے کھولے گی۔
جریدے کا کہنا ہے کہ اگر پاکستان اپنے معدنی ذخائر کو جدید ٹیکنالوجی اور شفاف نظام کے تحت بروئے کار لائے تو ملک میں سماجی و معاشی ترقی کے نئے امکانات جنم لیں گے اور پاکستان عالمی معدنی منڈی میں ایک نمایاں مقام حاصل کرسکتا ہے۔
.ذریعہ: Al Qamar Online
پڑھیں:
نواز 2025 میں پاکستان ٹی 20 ٹیم کے بہترین پرفارمر بن گئے
data-id="863a0a8" data-element_type="widget" data-widget_type="theme-post-content.default">
آل راؤنڈر محمد نواز نے 2025 میں پاکستان کی ٹی 20 ٹیم کی شاندار کارکردگی کا مظاہرہ کرتے ہوئے بہترین کھلاڑی کا اعزاز حاصل کیا۔
راولپنڈی کے 31 سالہ بائیں ہاتھ کے اسپنر اور بلے باز محمد نواز نے وائٹ بال ہیڈ کوچ مائیک ہیسن کے اعتماد پر پورا اترتے ہوئے خاص طور پر ٹی 20 فارمیٹ میں اپنی قابلیت کا لوہا منوایا
جولائی 2025 میں فلوریڈا میں ویسٹ انڈیز کے خلاف 21.52 کی اوسط سے 7 وکٹیں لے کر وہ مین آف دی سیریز قرار پائے، جبکہ اگست 2025 میں شارجہ میں پاکستان، افغانستان اور یو اے ای کے خلاف کھیلے گئے 5 میچوں میں 120 رنز اور 10 وکٹیں حاصل کر کے بہترین کھلاڑی بنے۔ نومبر 2025 میں راولپنڈی میں پاکستان، سری لنکا اور زمبابوے کے خلاف ٹرائی سیریز میں 52 رنز اور 10 وکٹوں کے ساتھ وہ دوبارہ سیریز کے بہترین کھلاڑی رہے۔
سال 2025 میں محمد نواز نے 26 ٹی 20 میچز میں چار بار بہترین کھلاڑی کا اعزاز حاصل کیا۔
اس دوران انہوں نے پاکستان کے لیے 74.4 اوورز کرائے اور 490 رنز بنائے۔ انہوں نے 13.16 کی اوسط سے سب سے زیادہ 36 وکٹیں حاصل کیں۔ بائیں ہاتھ کے بلے باز کے طور پر، انہوں نے 19.05 کی اوسط سے 362 رنز بنائے، جن میں ان کا بہترین اسکور ناٹ آؤٹ 38 رنز تھا، اور 138.16 کے اسٹرائیک ریٹ سے کھیلتے ہوئے 24 چوکے اور 21 چھکے لگائے۔
پاکستان غزہ کی تعمیرِ نو میں مرکزی کردار ادا کرے، مصر کا بڑا مطالبہ