پاک افغان تجارتی گزرگاہیں جلدکھلنےکا امکان، افغانستان میں پھنسے ٹرک واپس لوٹنے لگے
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
پاکستان اور افغانستان کے درمیان جنگ بندی کے بعد گزشتہ دس روز سے بند تمام تجارتی گزرگاہوں کو جلد کھولنے کا امکان ہے، جس سے دونوں ممالک کے درمیان تجارتی سرگرمیاں بحال ہونے کی امید پیدا ہوگئی ہے۔ چمن میں واقع پاک افغان سرحدی مقام بابِ دوستی اب بھی ہر قسم کی تجارت کے لیے بند ہے، تاہم اسپین بولدک میں پھنسی ہوئی 500 سے زائد خالی پاکستانی گاڑیاں واپس آچکی ہیں۔
کسٹمز حکام کے مطابق، آج سے صرف وہ خالی پاکستانی گاڑیاں افغانستان جا سکیں گی جو افغان باشندوں کو واپس لے جانے کے لیے استعمال ہوں گی۔ بارڈر بندش کے باعث دونوں جانب ویزا اور پاسپورٹ کے ساتھ سفر کرنے والے شہریوں کی بڑی تعداد تاحال سرحد پر پھنسی ہوئی ہے۔ حکام کا کہنا ہے کہ بارڈر کی بندش سے روزمرہ تجارت، ٹرانسپورٹ اور معمولات زندگی بری طرح متاثر ہوئے ہیں۔
ادھر پاکستان میں غیر قانونی طور پر مقیم دو ہزار سے زائد افغان شہریوں کو حالیہ دنوں میں افغانستان واپس بھیج دیا گیا ہے۔ دوسری جانب طورخم بارڈر پر بھی تجارتی گزرگاہ دوبارہ کھولنے کی تیاریاں مکمل کرلی گئی ہیں۔ وہاں گاڑیوں کی کلیئرنس کے لیے جدید اسکینر نصب کیے جاچکے ہیں تاکہ تجارت بحال ہونے کے بعد عمل کو تیز بنایا جا سکے۔
تجارتی بندش کے باعث کارگو گاڑیوں کی لمبی قطاریں طورخم کے دونوں اطراف لگی ہوئی ہیں۔ اسی طرح جنوبی وزیرستان کے انگور اڈہ، شمالی وزیرستان کے غلام خان اور ضلع کرم کے خرلاچی سرحدی راستے بھی دس روز سے بند ہیں۔ ایف آئی اے حکام کے مطابق، سرحدی بندش کے باعث پانچ ہزار سے زائد پاکستانی شہری افغانستان میں محصور ہیں، جن کی واپسی کے لیے اقدامات جاری ہیں۔
ذریعہ
ذریعہ: Jasarat News
کلیدی لفظ: کے لیے
پڑھیں:
کوئٹہ، ہماری عبادتگاہ مسمار کرکے تجارتی پلازہ بنانا قابل مذمت ہے، سکھ برادری
پریس کلب کوئٹہ میں پریس کانفرنس کرتے ہوئے سکھ برادری کے رہنماؤں نے کہا کہ سکھ برادری کو اعتماد میں لئے بغیر انکی عبادتگاہ کی عمارت کو منہدم کر دیا گیا ہے۔ اسلام ٹائمز۔ کوئٹہ میں سکھ برادری کے رہنماء سردار جسبیر سنگھ اور کنزیومر سول سوسائٹی بلوچستان کے رہنماء خیر محمد شاہین نے کہا ہے کہ آرچر روڈ پر موجود سکھوں کا قدیمی گردوارہ 1953ء سے سینٹ گیبریل سکول قائم تھا، جسے مسمار کرکے تجارتی پلازہ بنانے کا کام شروع کیا گیا ہے، جس کی مذمت کرتے ہیں۔ یہ گردوارہ سکھ برادری نے تعلیمی سرگرمیوں کے لئے سینٹ گیبرل سکول کو دے رکھا تھا۔ انہوں نے وزیراعظم پاکستان اور دیگر اعلیٰ حکام سے مطالبہ کیا ہے کہ گزشتہ دنوں نامعلوم افراد کی جانب سے سکھوں کے مقدس گردوارے کی 90 سالہ پرانی عمارت کو مسمار کرنے کا نوٹس لیکر گردوارے سکھ برادری کے حوالے کیا جائے۔ ان خیالات کا اظہار انہوں نے کوئٹہ پریس کلب میں پریس کانفرنس کے دوران کیا۔
انہوں نے کہا کہ ملک بھر میں سکھ برادری کی ہزاروں ایکڑ اراضیات، مقدس مقامات بدستور لینڈ مافیا کے قبضے میں ہیں۔ حکومت کی جانب سے ان کی واگزاری کے لئے کوششیں بار آور ثابت نہیں ہو رہی ہے۔ آرچر روڈ پر واقع گردوارہ کو شری سنگھ بنیاد گرودت سنگھ نے تعمیر کیا تھا اور پرانے بندوبست کے ریکارڈ میں فرد انتقالات انہی کے نام سے اب بھی موجود ہیں۔ انہوں نے کہا کہ یہ وہی گرودت سنگھ ہے۔ جنہوں نے گورنمنٹ اسپیشل ہائی اسکول جو خالصہ کہلاتی تھی کی بنیاد رکھی تھی اور جاتے ہوئے اسکول کی 20 ایکڑ اراضی مقامی بچوں کی تعلیمی مقاصد کے لئے وقف کر دی تھی۔ یہ عمارت سینٹ گیبرل اسکول یا محکمہ اوقاف کی نہیں، بلکہ سکھوں کی مذہبی عبادت گاہ گردوارہ سکھ سبھا کی ملکیت ہے۔ سکھ برادری کو اعتماد میں لئے بغیر ان کی عبادت گاہ کی عمارت کو منہدم کر دیا گیا ہے۔
انہوں نے کہا کہ مبینہ طور پر کہا جا رہا ہے کہ محکمہ اوقاف نے تجارتی مقاصد کے لئے عمارت کی زمین تجارتی بنیادوں پر فروخت کر دی ہے، اگر یہ درست ہے تو انتہائی تشویش کی بات ہے کہ محکمہ اوقاف متروکہ عمارت کی نگران ہوتی ہے مالک نہیں۔ محکمہ اوقاف سکھوں کے نمائندوں کی موجودگی میں سکھوں کی متراکہ املاک کو کس طرح قانون کے تحت فروخت کرنے کی مجاز ہے۔ 2014ء میں سپریم کورٹ نے واضح فیصلہ دیا تھا کہ پاکستان میں سکھوں کے تمام مقدس مقامات پر جائیدادوں کو حکومت پاکستان کی جانب سے مکمل تحفظ فراہم رہے گا۔ اس کے علاوہ آئین میں تمام اقلیتوں کے مذہبی عمارات کو تحفظ کا حق حاصل ہے۔ ہم وزیراعظم پاکستان اور اعلیٰ حکام سے مطالبہ کرتے ہیں کہ آرچر روڈ کے منہدم مذکورہ گردوارے کو فی الفور اس کی اصل حالت میں بحال کرکے اسے سکھ برادری کے حوالے کیا جائے تاکہ انصاف کے تقاضے پورے ہوسکیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار