رواں سال آئی ٹی خدمات کی برآمدات 4 ارب ڈالر تک پہنچنے کا امکان: وزیر خزانہ
اشاعت کی تاریخ: 7th, December 2025 GMT
اسلام آباد (نمائندہ خصوصی )وفاقی وزیر خزانہ و محصولات سینیٹر محمد اورنگزیب نے دوحہ فورم کے 23 ویں ایڈیشن میں شرکت کی۔ دوحہ فورم، وزارت خزانہ قطر اور عالمی مالیاتی فنڈ (آئی ایم ایف) کی جانب سے منعقدہ اس سیشن کا موضوع "عالمی تجارتی کشیدگیاں: مشرق وسطیٰ اور شمالی افریقہ میں معیشتی اثرات اور پالیسی ردعمل" تھا، سینیٹر محمد اورنگزیب نے اپنے خطاب میں پاکستان نے امریکہ کے ساتھ نئے محصولات پر بات چیت میں تعمیری انداز اپنایا ہے اور اہم ٹیکسٹائل برآمدات پر 19 فیصد کے شرح سے سازگار محصولات حاصل کیے ہیں۔انہوں نے مزید کہا کہ عالمی تجارتی صورتحال میں تبدیلیوں نے پاکستان کو اپنی مصنوعات کی تنوع بڑھانے کی ترغیب دی ہے، خاص طور پر آئی ٹی خدمات کی برآمدات جو اس سال تقریبا 4 ارب ڈالر تک پہنچنے کی توقع ہے۔ پاکستان نے اپنے مالی ذخائر کو دوبارہ مضبوط کیا ہے اور اس وقت ملک کا بنیادی مالی توازن اور کرنٹ اکاؤنٹ سرپلس میں ہیں۔ انہوں نے کہا کہ سالانہ 18 سے 20 ارب ڈالر کی ترسیلات زر پاکستان کے لیے اہم مالی معاونت فراہم کر رہی ہیں۔ قطر کے وزیر خزانہ، علی بن احمد الکواری نے پاکستان کے ساتھ قطر کے مضبوط اقتصادی تعلقات پر بات کی اور پاکستان کو "بھائی ملک" قرار دیا۔ انہوں نے کہا کہ دونوں ممالک کے درمیان ایل این جی کی فراہمی اور زرعی و ٹیکسٹائل مصنوعات کی تجارت میں گہری شراکت داری موجود ہے۔ وزیر خزانہ قطر نے اس بات کا اعلان کیا کہ حال ہی میں پاکستان او جی سی سی کے درمیان آزاد تجارتی معاہدہ طے پایا ہے، جو جی سی سی ممالک اور پاکستان کے اقتصادی تعلقات کو مزید مستحکم کرے گا۔
.
ذریعہ
ذریعہ: Nawaiwaqt
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا