سوشل میڈیا انفلوئنسر کو ڈیجیٹل بلیک میلنگ کا سامنا، 50 لاکھ روپے کا بھاری نقصان
اشاعت کی تاریخ: 23rd, October 2025 GMT
حال ہی میں مشہور سوشل میڈیا انفلوئنسر کو ڈیجیٹل بلیک میلنگ کا سامنا کرنا پڑا، جس کے نتیجے میں انہیں 50 لاکھ روپے کا بھاری مالی نقصان اٹھانا پڑا۔ یہ واقعہ بھارت کی ریاست مدھیا پردیش کے شہر جبلپور میں پیش آیا جو اس نوعیت کا پہلا سائبر کرائم کیس ہے۔
28 سالہ سوشل میڈیا انفلوئنسر عظیم احمد جن کے انسٹاگرام پر 57 ملین فالورز ہیں، کو سائبر فراڈ کرنے والوں نے دھمکیاں دے کر ان کے اکاؤنٹس کو ’اسٹرائیک‘ بھیجنے اور ’بین‘ کرنے کی کوشش کی۔ دھمکیوں کے باعث احمد نے مجبوری میں فراڈ کرنے والوں کو متعدد بار ادائیگیاں کیں جو بالآخر 50 لاکھ روپے تک پہنچ گئیں۔
یہ بھی پڑھیں: سوشل میڈیا ہراسانی اور بلیک میلنگ سے کیسے محفوظ رہا جاسکتا ہے؟
عظیم احمد، جو پہلے ایک سافٹ ویئر انجینئر تھے، انہوں نے 2017 میں اپنا پہلا انسٹاگرام پیج بنایا تھا، جس کی مقبولیت کووڈ لاک ڈاؤن کے دوران بڑھ گئی۔ بعد ازاں انہوں نے دوستوں کے ساتھ مل کر ’ھوپی ڈیجیٹل‘ نامی ڈیجیٹل مارکیٹنگ اسٹارٹ اپ قائم کیا۔
احمد کے مطابق، ایک سال سے وہ جعلی کاپی رائٹ اسٹرائیک اور دھمکیوں کا سامنا کر رہے ہیں۔ فراڈ کرنے والے ان کے پوسٹس کو اپنا مواد قرار دے کر حذف کرنے کی دھمکیاں دیتے ہیں۔ اس کے علاوہ، انہیں جعلی انسٹاگرام اسٹرائیک کی ای میلز اور فون کالز بھی موصول ہوئی ہیں، جن میں بعض دفعہ جعلی اسٹرائیک ہٹانے کے لیے رشوت کی ادائیگی کا بھی کہا گیا۔
یہ بھی پڑھیں: چیٹ بوٹ کلاڈ ہیکرز کے ہاتھوں استعمال، ڈیٹا چوری اور بلیک میلنگ
جبّلپور سائبر سیل کے انچارج نیرج نیگی نے تصدیق کی ہے کہ یہ شہر میں پہلی مرتبہ ایسا کیس رپورٹ ہوا ہے، جہاں فراڈ کرنے والوں نے انسٹاگرام کے خودکار مواد کی جانچ کے نظام کا ناجائز فائدہ اٹھاتے ہوئے جعلی اسٹرائیک کے ذریعے بلیک میلنگ کی۔
نیگی نے بتایا کہ سائبر سیل انسٹاگرام کی ٹیم سے رابطہ کرکے اس فراڈ کے پیچھے موجود افراد کا تعاقب کر رہا ہے تاکہ اس رجحان کو روکا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انسٹاگرام بلیک میلنگ سوشل میڈیا انفلیوئنسر یو ٹیوب.
ذریعہ
ذریعہ: WE News
کلیدی لفظ: انسٹاگرام بلیک میلنگ یو ٹیوب سوشل میڈیا بلیک میلنگ فراڈ کرنے
پڑھیں:
سٹیٹ بینک کے زرمبادلہ ذخائر میں 3 کروڑ 30 لاکھ ڈالر کا اضافہ
سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ اسلام ٹائمز۔ گزشتہ ہفتے کے دوران زرمبادلہ کے ذخائر میں 3 کروڑ 30 لاکھ ڈالر کا اضافہ ریکارڈ کیا گیا۔ سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ مرکزی بینک کے مطابق کمرشل بینکوں کے زرمبادلہ ذخائر میں 3 کروڑ 80 لاکھ ڈالر کی کمی ہوئی، جس کے بعد ان کے ذخائر 5 ارب 41 کروڑ ڈالر رہ گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار