ربیکا خان کی بارات میں حادثہ، گاڑی کو آگ لگ گئی
اشاعت کی تاریخ: 2nd, December 2025 GMT
سوشل میڈیا اسٹار ربیکا خان کی شادی پہلے ہی اپنی طویل تقریبات کے باعث خبروں میں تھی، مگر بارات کے دن پیش آنے والے ایک واقعے نے اس شادی کو مزید توجہ کا مرکز بنا دیا۔
پاکستانی کامیڈین کاشف خان کی بیٹی ربیکا جو سوشل میڈیا پر معروف کانٹینٹ کریئٹر ہیں، گزشتہ رات بارات کے بعد باضابطہ طور پر حسین ترین کی دلہن بن گئی ہیں۔
ربیکا اپنی بارات کے دن دلکش لباس میں نظر آئیں، مگر خوشی کے اس موقع پر ایک ناخوشگوار خبر بھی سامنے آئی۔ شادی کے مقام پر پارکنگ میں کھڑی ایک گاڑی اچانک آگ کی لپیٹ میں آگئی۔ دیکھتے ہی دیکھتے شعلے بھڑک اٹھے اور موقع پر موجود لوگ حیرت سے موبائل کیمروں سے ویڈیو بنانے لگے۔ یہ ویڈیوز لمحوں میں وائرل ہوگئیں۔
View this post on Instagramپارکنگ میں کھڑی کار مکمل طور پر شعلوں میں گھری ہوئی تھی اور دور تک دھواں اٹھتا دکھائی دے رہا تھا۔ سوشل میڈیا پر جہاں ربیکا خان کی حد سے زیادہ طویل شادی پر پہلے ہی میمز اور طنز کا بارش ہو رہی تھی، وہیں اس ’آگ‘ نے جیسے طنزیہ تبصروں کو مزید ایندھن فراہم کردیا۔
ایک صارف نے طنزیہ انداز میں پوچھا ’’تو ربیکا گاڑی میں نہیں تھی ناں؟‘‘
ایک اور نے لکھا ’’اب اس پر پورا سال ولاگز بنیں گے۔‘‘
کسی نے اسے پبلسٹی اسٹنٹ قرار دیا، تو ایک صارف نے ڈرامائی تبصرہ کیا ’’یہ تو بالکل ’میری زندگی ہے تو‘ کے سین جیسا لگ رہا ہے۔‘‘
واقعے کی سچائی کچھ بھی ہو، لیکن ربیکا خان کی شادی کے ساتھ جڑی یہ ’آگ‘ اب سوشل میڈیا پر بھی خوب جل رہی ہے، اور صارفین اسے بھرپور انداز میں انجوائے کر رہے ہیں۔
.ذریعہ: Express News
کلیدی لفظ: ربیکا خان کی سوشل میڈیا
پڑھیں:
75 سالہ دادی کا شاندار ڈانس اور زبردست فلپ، سوشل میڈیا پر دھوم مچا دی
بھارت کی ایک 75 سالہ دادی نے اپنے حیران کن ڈانس سے سوشل میڈیا صارفین کو دنگ کر دیا۔ انسٹاگرام پر وائرل ہونے والی ویڈیو میں دادی کو مشہور گانے “دو گھونٹ پلا دے ساقیا” پر اتنی توانائی کے ساتھ ناچتے دیکھا جا سکتا ہے کہ دیکھنے والے حیرت میں مبتلا ہو گئے۔
خصوصاً دادی کا ایک فرنٹ فلپ دیکھنے والوں کو ششدر کر گیا۔ وہاں موجود لوگ اس لمحے کو اپنے موبائل کیمروں میں قید کرتے رہے اور کئی لوگ حیرت سے منہ کھولے رہ گئے کہ اس عمر میں کوئی اتنی پھرتی کیسے دکھا سکتا ہے۔
ویڈیو کی مقبولیت کا اندازہ اس بات سے لگایا جا سکتا ہے کہ اب تک اسے 4 کروڑ 74 لاکھ سے زائد بار دیکھا جا چکا ہے، جبکہ ہزاروں افراد نے تبصرے کر کے دادی کی توانائی اور جاندار پرفارمنس کو سراہا۔
سوشل میڈیا پر ردِعمل بھی دلچسپ رہا: ایک صارف نے لکھا، “پرانے کھلاڑی پھر میدان میں اتر آئے!” ایک اور نے مزاحیہ انداز میں کہا، “اور میں 36 سال کی عمر میں کمر کے درد سے لڑ رہا ہوں!” ایک اور صارف نے کہا، “لوگ بڑھی عمر کو شوق کے ختم ہونے سے جوڑ دیتے ہیں، مگر یہ بزرگ کبھی بچے، نوجوان اور زندگی سے بھرپور تھے۔ آج کے بزرگ فٹ ہیں، وہ تو ہم ہوں گے جو 70 پر وہیل چیئر پر بیٹھے ہوں گے!”
ایک اور صارف نے حیرت سے کہا، “ذرا سوچیں، جوانی میں دادی کیسا ڈانس کرتی ہوں گی!”
یہ دادی ثابت کر دیتی ہیں کہ عمر محض ایک نمبر ہے اور جوش و جذبہ کبھی کم نہیں ہوتا۔
سوشل میڈیا انفلوئنسر اذلان شاہ نے دوسری شادی کا اعلان کردیا