21 سال قبل گم ہونے والی عشرت بالآخر اپنے گھر واپس پہنچ گئی
اشاعت کی تاریخ: 24th, October 2025 GMT
لاہور:
حافظ آباد میں اکیس سال قبل گم ہوجانے والی ننھی عشرت بالآخر اپنے گھر والوں کو واپس مل گئی۔
سیف سٹی اتھارٹی کی ’’میرا پیارا‘‘ ٹیم نے ایک اور ناقابلِ یقین کامیابی حاصل کرلی، 21 سال سے گمشدہ عشرت کو بالآخر اس کے اہلِ خانہ سے ملادیا گیا۔
2005 میں حافظ آباد سے لاپتہ ہونے والی ننھی عشرت 2025 میں اپنے گھر واپس لوٹ آئی۔ سیف سٹی کی ’’میرا پیارا‘‘ ٹیم نے عشرت کا انٹرویو ایدھی ہوم لاہور میں ریکارڈ کیا اور اسے سوشل میڈیا پلیٹ فارمز پر شیئر کیا۔
یہ ویڈیو دیکھ کر ایک محلہ دار نے عشرت کو پہچان لیا اور اس کی اطلاع اس کے بھائی کو دی۔ بھائی نے ویڈیو دیکھتے ہی اپنی بہن کو فوراً شناخت کرلیا۔
’’میرا پیارا‘‘ ٹیم نے تمام تصدیقی مراحل مکمل کرنے کے بعد عشرت کو اس کے اہلِ خانہ کے حوالے کر دیا، جس کے بعد گھر میں خوشیوں کی فضا قائم ہوگئی۔
ترجمان سیف سٹی کے مطابق ’’میرا پیارا‘‘ ٹیم اب تک 40 ہزار سے زائد گمشدہ افراد کو ان کے اہلِ خانہ سے ملا چکی ہے۔ ترجمان نے شہریوں سے اپیل کی کہ اگر کسی گمشدہ شخص کے بارے میں معلومات ہوں تو 15 پر کال کر کے 3 دبائیں تاکہ متعلقہ ٹیم فوری رابطہ کر سکے۔
یہ ایک اور ثبوت ہے کہ جدید ٹیکنالوجی اور انسانی ہمدردی کا امتزاج جب ساتھ چلے تو گمشدہ امیدیں بھی گھر لوٹ آتی ہیں۔
Tagsپاکستان.
ذریعہ: Al Qamar Online
کلیدی لفظ: پاکستان میرا پیارا
پڑھیں:
سندھ ہر قوم، تہذیب اور ثقافت کو اپنے دامن میں جگہ دینے والی دھرتی: گورنر
کراچی (این این آئی) گورنر سندھ کامران خان ٹیسوری نے سندھ کلچر ڈے کے موقع پر گورنر ہاؤس میں تقریب سے خطاب کرتے ہوئے کہا ہے کہ سندھ ہر قوم، ہر تہذیب اور ہر ثقافت کو اپنے دامن میں جگہ دینے والی دھرتی ہے۔ یہ وہ سرزمین ہے جہاں لعل شہباز قلندر، سچل سرمست اور شاہ عبداللطیف بھٹائی نے امن، محبت اور رواداری کا درس دیا۔ گورنر سندھ نے کہا کہ محمد بن قاسم کی آمد نے سندھ کو بابل اسلام بنایا اور اس خطے میں اسلام کی روشنی پھیلائی۔ انہوں نے موئن جو دڑو کو سندھ کی قدیم اور شاندار تہذیب کی زندہ مثال قرار دیا۔ گورنر کامران خان ٹیسوری نے پوری قوم کو دل کی گہرائیوں سے مبارکباد پیش کی اور کہا: "سندھ جئے، سندھ وارا جیٔن!" انہوں نے اس دن کو سندھ کی محبت، ثقافت اور تہذیب کے عظیم جشن کے طور پر بیان کیا۔ گورنر سندھ نے ملکی صورتحال پر بھی بات کرتے ہوئے کہا کہ ایمان کا تعلق یقین سے ہے اور ہر حال میں اللہ تعالی کا شکر ادا کرنا چاہیے۔ انہوں نے 10 مئی کے واقعے کا ذکر کرتے ہوئے کہا کہ پاکستان نے پانچ گنا طاقتور ملک کو شکست دی، ہم ایک فاتح قوم ہیں۔ انہوں نے وزیراعظم میاں محمد شہباز شریف اور فیلڈ مارشل سید عاصم منیر کی معاشی استحکام کی کوششوں کو سراہا اور کہا کہ پاکستان اب ترقی کی اڑان بھر چکا ہے۔
پاکستان میں متعدد ائیرپورٹس غیر فعال، مسافروں کو شدید مشکلات کا سامنا