اسلام آباد ریجن کے بلے باز شامل حسین کی قائد اعظم ٹرافی میں شاندار کارکردگی
اشاعت کی تاریخ: 27th, November 2025 GMT
اسلام آباد ریجن کے بلے باز شامل حسین کی قائد اعظم ٹرافی 2025 میں شاندار کارکردگی نے انہیں بین الاقوامی فرسٹ کلاس رینکنگ میں دوسرے نمبر پر پہنچا دیا۔ وہ بھارت کے بڑااسکور بنانے کے لیے مشہور ٹیسٹ کھلاڑی کے کے نائر سے صرف 14 رنز پیچھے ہیں۔
شامل حسین نے 2025 میں تمام بین الاقوامی فرسٹ کلاس کھلاڑیوں میں بہترین 75.
ان کے مقابلے میں نائر کا اسٹرائیک ریٹ 55 ہے جس میں 189 چوکے اور 13 چھکے شامل ہیں۔شامل حسین 50 یا اس سے زیادہ کی 12 اننگز کے ساتھ بھی سرفہرست ہیں جن میں 7 نصف سنچریاں اور 5 سنچریاں شامل ہیں جن میں سے ایک ڈبل سنچری ہے۔
گزشتہ سیزن میں پریذیڈنٹ کپ کے دوران شامل حسین کے 73 کے اسٹرائیک ریٹ سے اسکور کیے گئے 727 رنز کی بدولت ان کی ٹیم پی ٹی وی فتح یاب رہی۔شامل حسین رواں سال قائداعظم ٹرافی میں زیادہ سے زیادہ باوٴنڈریز لگانے میں سرفہرست ہیں، جن میں 120 چوکے اور 19 چھکے شامل ہیں۔
شامل حسین نے انگلینڈ کے دورے میں پاکستان اے کے لیے سب سے زیادہ رنز بنائے اور 2023 میں آسٹریلیا ٹور میں سب سے زیادہ رنز بنانے والے کھلاڑی بھی تھے۔
ذریعہ: Express News
کلیدی لفظ: سے زیادہ
پڑھیں:
قائداعظم ٹرافی: موسیٰ نے ڈبل ہیٹ ٹرک کر کے تاریخ رقم کردی
قائداعظم ٹرافی میں قومی فاسٹ بولر محمد موسیٰ نے شاندار ڈبل ہیٹ ٹرک کر کے تاریخ رقم کر دی۔اسلام آباد ریجن کے 25 سالہ فاسٹ بولر محمد موسیٰ نے قائداعظم ٹرافی 2025 میں ڈبل ہیٹ ٹرک کر کے تاریخی کارنامہ اپنے نام کیا، پی سی بی نے اس سے متعلقہ ویڈیو اپنے سوشل میڈیا پر شیئر بھی کی ہے۔ڈائمنڈ کرکٹ گراؤنڈ اسلام آباد میں ٹرافی کے آخری راؤنڈ میچ میں محمد موسیٰ نے پشاور کی ٹیم کیخلاف لگا تار 4 گیندوں پر 4 وکٹ حاصل کر کے ڈبل ہیٹ ٹرک کی۔فاسٹ بولر نے دوسری اننگز میں پشاور کے خلاف ڈبل ہیٹ ٹرک کی، قائداعظم ٹرافی میں گزشتہ 10 سال میں یہ پہلی ڈبل ہیٹ ٹرک ہے۔محمد موسیٰ نے میچ کی پہلی اننگز میں 5 وکٹ لی تھیں جبکہ دوسری اننگز میں تاریخی کارنامہ انجام دیا یوں میچ میں مجموعی طور پر 10 کھلاڑیوں کو پویلین کا راستہ دکھایا۔فاسٹ بولر کی شاندار گیند بازی کی بدولت اسلام آباد نے پشاور کے خلاف اننگز اور 77 رنز سے فتح اپنے نام کی اور ٹرافی میں اپنے سفر کا اختتام بہتر کارکردگی سے کیا۔قائداعظم ٹرافی کے فائنل کے لیے سیالکوٹ اور کراچی بلو کی ٹیمیں کوالیفائی کرچکی ہیں جن کے درمیان میچ یکم دسمبر سے شروع ہو گا۔
دہلی دھماکا،بھارتی پولیس نےکشمیریوں کاجیناحرام کردیا